A physical confrontation ensued between Cinemanila festival director Tikoy Aguiluz and editor-columnist Danny Vibas.
May lunch kasama ng TV personality na si Princess Violago ang ilang imbitadong press sa Tomas Morato kanina, October 27, nang nakatanggap ang dalawa naming kasamahan ng isang urgent text mula sa kanilang organization na EnPress (Entertainment Press Society). May emergency meeting daw sila bukas, October 28, regarding "the mauling incident of our fellow member Danny Vibas and Tikoy Aguiluz."
Maliit ang mundo, nagkataong tiyuhin pala ni Princess si Tikoy dahil napangasawa nito ang kapatid ng ina niyang si Mrs. Olympia Violago. Kaya tumawag si Princess sa pinsan nitong anak ni Tikoy. Walang alam ang anak kung kaya't si Tikoy mismo ang tinawagan ni Princess. Nagkausap ang magtiyuhin at sinabi sa kanya na "There's nothing to it." Tapos na raw yun.
Nag-text ang PEP (Philippine Entertainment Portal) kay Danny kung ano ang nangyari ngunit hindi siya sumagot kaagad. May nakapagsabi sa amin na ang international award-winning director na si Dante Mendoza ay nandoon din kung kaya't siya ang pinadalhan namin ng text message.
Sa unang text sa amin ni Dante, kinumpirma niyang may nangyaring sagutan kina Tikoy at Danny. Pero nasa labas daw siya nang nangyari ito, at narinig niya lang daw ito. Nang magkita na sila ni Danny, may cut na raw ito sa labi.
Habang nagde-deadline kami ay saka naman sumagot si Danny sa nangyaring confrontation sa kanila ni Tikoy kagabi, October 26, sa Gateway Cinema kung saan ginaganap ang Dekada Cinemanila.
Ayon kay Danny, "Sinuntok ako ni Tikoy for a story I wrote about Cinemanila three years ago for the Manila Times [kung saan siya ang entertainment editor ng nasabing broadsheet noon]. My mouth bled. But am okay. I went home straight after the incident. Tikoy has apologized."
Napag-alaman din namin na naayos na ang gusot sa pagitan nina Tikoy at Danny. Ito ay ayon sa publicist ng Cinemanila na si Nestor Cuartero, na entertainment editor ng Tempo. Nag-usap na raw sina Tikoy at Danny after the incident.
Nag-text ulit si Danny sa amin at sinabing, "Tikoy and Nestor Cuartero want to meet me tonight to apologize."
Tumawag naman ang PEP sa isa pang kasamahan naming nag-text ng emergency meeting para sa mga EnPress members at tinanong namin kung si Danny ba ang humingi ng support. Hindi raw, ang EnPress daw ang magbibigay ng suporta sa kasamahan nila.