Natupad na ang hiling ng maraming fans ng Eraserheads dahil nagkaayos na nang tuluyan ang dating magkabanda na sina Ely Buedia at Raimund Marasigan.
Through the intervention of columnist-eventologist and Embassy owner Tim Yap, napagsama niya sina Ely at Raimund sa isang photo shoot kasama ang ibang sikat na rock artists na sina Rico Blanco at Jett Pangan para sa isang cover pictorial.
Ayon sa kuwento ni Tim sa PEP (Philippine Entertainment Portal), naging malaking tulong din ang misis at manager ni Ely na si Diane Ventura sa pag-convince kay Ely to accept the photo shoot, kung saan makakasama niya si Raimund.
Sa interview ng PEP kina Ely at Raimund sa Members Only Club sa The Fort kagabi, November 18, sinabi nila na okey naman na silang dalawa noon pa. Naging big deal lang daw ang naging eight-year gap nila noong mag-disband ang kanilang famous group na Eraserheads.
Ayon kay Ely, Raimund has been a friend through and through. Noong first time siyang naoperahan sa puso, nandoon daw si Raimund at ang ibang E-heads member na nagdasal para sa kanya.
"Everything's okay now for all of us," sabi ni Ely. "Nagkaayos naman na kami ng grupo even before the reunion concert here in The Fort. Hindi naman namin itutuloy ‘yon if we weren't okay. They said nga that you can't force it to happen. It will just happen and heto na nga ‘yon."
Nagbiro naman si Raimund na hindi raw niya alam na makakasama niya si Ely sa isang pictorial at pinapunta lang daw siya sa naturang venue. "Pinabili nga lang ako ng suka [vinegar]! Tapos may pictorial na pala!" sabay tawa niya.
"But seriously," sabi ni Raimund, "we're happy that things are okay. Yung friendship naman ng E-heads was always there lang. Kita n'yo naman, when Eli was hospitalized, nandoon kami to give him and his family the best support we can offer them.
"Maybe this was just the right time. Nagpapasalamat kaming lahat kay Diane and to Tim who really thought of this whole thing. It's a great start for everybody."
In the works na rin daw ang second reunion concert ng Eraserheads. Pero ayaw pang magbigay ng detalye nina Ely at Raimund dahil inaayos pa lahat ng mga dapat ayusin.
"We will definitely have another reunion concert, but we are still talking about it. Kung kelan, mahirap pang sabihin. But it will happen. Let's all pray for it," nakangiting sabi ni Ely.
Sa kasalukuyan, si Ely ang frontman ng bandang Pupil at si Raimund naman ang vocalist ng Sandwich.
"AMBASSADOR OF GOODWILL." Natuwa naman si Tim dahil naging successful ang plano niyang pagsamahin sina Ely at Raymund. Noong una ay akala niya magiging problema dahil baka may isang mag-back out sa photo shoot. Pero naging very cooperative naman daw ang dalawa at doon na nga naganap ang pagbabati nila.
Ni-reveal din ni Tim na binalak niyang pagbatiin sina Rico Blanco at Bamboo, na dating magkasama sa bandang Rivermaya. Pero nag-back out daw si Bamboo dahil may prior commitment daw ito, kaya si Rico lang ang nakarating.
"It would have been a back-to-back pagbabati, di ba?" sabi ni Tim. "Pero hindi mo nga naman mapipilit kung hindi pa talaga ready ang bawat isa. But with Ely and Raimund, I was so happy that it finally happened, at masaya kaming lahat sa photo shoot. This is going to be a big hit."
Dagdag ni Tim, gusto niyang magkakasundo ang lahat at mas maganda kung masaya ang lahat dahil walang tension lalo na kung magkikita-kita sa iisang event.
Ginawang example ni Tim ang pagbabati nina Joey de Leon at Willie Revillame sa Supreme to the Extreme Awards ng Philippine STAR noong October 17. Hindi raw intention ni Tim na magkita ang dalawa dahil alam niya ang naging away nila. Pero it was fate that led the two na magbati na in public.
"That's what I'm saying," sabi ni Tim. "If it's time for reconciliation, it will just happen. Like with Joey and Willie, wala kaming gimik na pagbabatiin ang dalawa. Kusa nilang ginawa 'yon and we were like the instrument kaya nangyari ‘yon.
"Ngayon, it's Ely and Raimund which really made us all happy during the photo shoot kasi walang nag-iiwasan and they were all jiving like old friends again."
Si Tim din ang naging tulay upang magkabati ang dati ring magkaaway na sina Ruffa Gutierrez at Claudine Trillo.
Binibiro na nga ngayon si Tim na "Ambassador of Goodwill" na siya dahil sa ginagawa niyang paraan na magkaayos ang mga magkaaway.
"Maganda ‘yon. We all want to live in a happy world and it's good to know na magkakasundo lahat. Let's stop the fighting and let's all be friends. Hindi dahil sa malapit na ang Christmas, but because it's a good feeling to know na wala kang kaaway and you are friends with everybody," pagtatapos ni Tim.