Angelika dela Cruz and husband Orion Casareo are now busy preparing for their church wedding

Ruel J. Mendoza

Tuesday, November 3, 2009
07:39 PM

Tahimik na inasikaso ng mag-asawang Angelika dela Cruz at Orion Casareo ang magiging church wedding nila on December 4 sa Tagaytay City.

 

Bagama't ikinasal na sila sa huwes noong August 19, 2008 sa Bicol, wish talaga ni Angelika na makasal siya sa simbahan at makapagsuot ng isang magandang wedding gown.

 

Masayang ikinuwento ni Angelika sa PEP (Philippine Entertainment Portal) na hands-on sila ng kanyang mister sa pag-aasikaso sa lahat ng detalye ng church wedding nila. Kahit nga raw busy siya sa taping niya ng Kaya Kong Abutin Ang Langit sa GMA-7 at sa pag-aasikaso ng kanilang baby na si Gabriel, nagagawa pa rin ng aktres na harapin ang mga kakailanganin sa kanilang wedding.

 

"Gusto talaga kasi naming mangyari ito kaya tutok kami ni Orion," sabi ni Angelika. "Kapag may taping ako, siya ang nagtatawag at pumupunta sa suppliers. Pero ako naman, multi-tasking din naman ako. Kapag break ko sa taping, ako naman ang kumu-contact sa mga ibang may kinalaman sa wedding namin.

 

"Tulungan talaga kami, kasi pareho naming dream itong wedding namin. Though may mga tao naman kaming inaasahan din to arrange our wedding, mas exciting kasi kung may participation din kami. Parang ang sarap-sarap ng feeling na nagpagod kayong mag-asawa para maging maganda at maayos ang araw na 'yon."

 

Pinili raw nila ang Tagaytay bilang venue ng kanilang wedding dahil bukod sa romantic ang lugar, maganda pa raw ang klima pagdating ng buwan ng Disyembre.

 

"Siyempre, Christmas month na 'yon kaya malamig sa Tagaytay. Gusto namin na kumportable at mag-e-enjoy ang aming mga bisita. Gusto rin kasi namin na malamig ang hangin. Kahit na tense kami ni Orion, hindi kami papawisan nang husto sa araw na 'yon.

 

"At siyempre, parang magiging second honeymoon na rin namin ang Tagaytay. Baka mag-stay kami doon ng ilang days after the wedding bago ako bumalik sa trabaho," masayang lahad ni Angelika.

 

Biniro namin si Angelika na baka masundan agad ang kanilang panganay na si Gabby, na eight months old pa lang.

 

"Ay, hindi pa muna!" sabay tawa niya. "Marami pa kaming pag-iipunan ulit ni Orion kaya huwag munang sundan si Gabby. May plano naman kami, pero after three or four years pa. Tamang-tama lang 'yon kasi malaki na si Gabby by that time. Mapagpaplanuhan na namin ang magiging kapatid niya."

 

Ang principal at secondary sponsors sa kasal nina Angelika at Orion ay galing sa mundo ng showbiz at politics. Kabilang sa mga taga-showbiz ay sina Ms. Wilma Galvante, Boy Abunda, Kris Aquino-Yap, Judy Ann Santos-Agoncillo, Jodi Sta. Maria-Lacson, at Tanya Garcia.

 

Sa mundo naman ng politics ay kasama sina Quezon City Vice Mayor Herbert Bautista, Senator Lito Lapid, Senator Ping Lacson, Senator Jinggoy Estrada, at Mark Jimenez.

 

Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.

---

Share   Email this link

Your Name (required)

Your Email (required)

Friend's Email (required)

You must be logged in to post a comment.

More Articles

• Rhian Ramos to JC de Vera: "Huwag kang magbi-bitter." September 3, 2010 05:07 PM
• Angel Aquino thinks of bf Lui Villaruz as "the one" HOT August 26, 2010 10:11 PM
• Derek Ramsay on marrying Angelica Panganiban: "Kung yun ang gusto ni Angel, ibibigay ko." August 23, 2010 01:47 AM
• Pia Guanio and Vic Sotto admit their relationship is "under construction" August 19, 2010 07:58 PM
• Dra. Vicki Belo: "I think it's time for Hayden and I to separate...." August 13, 2010 08:09 PM
• Piolo Pascual still "working out" relationship with KC Concepcion August 12, 2010 08:02 PM

pagelocation: celeb

Login to All Access to use PEP Talk

Most Popular

• Stories