"Anything to do with Efren, ayokong pakialamanan. Basta kami ni Angel, we have been vocal on what we have been through as of the moment," says Luis Manzano about CNN Hero Efren Peñaflorida's intention to court Luis's ex-girlfriend, Angel Locsin.
Luis Manzano admits trying to win back Angel Locsin is not easy
Wednesday, January 20, 2010
07:34 PM
Rating
Nang lumabas ang balitang balak ligawan ng CNN Hero na si Efren Peñaflorida si Angel Locsin, inamin naman ng ex-boyfriend ng aktres na si Luis Manzano ang kagustuhan niyang suyuing muli si Angel. (CLICK HERE to read related story.)
Dahil sa deklarasyon na ito ni Luis, may mga nagsasabi na mukha yatang na-threaten ang TV host-actor kung kaya't nagdesisyon siyang balikan si Angel. Sa panayam ng PEP (Philippine Entertainment Portal) kay Luis sa ABS-CBN compound ay hiningan namin siya ng reaksiyon tungkol dito.
"Anything to do with Efren, ayokong pakialamanan. Basta kami ni Angel, we have been vocal on what we have been through as of the moment," sagot ng binata.
COURTING ANGEL AGAIN. Sa past interviews naman kay Angel, naging open siya na kung nagdeklara siya noon na hindi niya binabalikan ang sinuman sa naging ex niya ay tila exception to the rule ang puwedeng mangvari sa kanila ni Luis. Nandun pa rin daw kasi ang special feelings niya para sa binata at pinapahalagan pa rin niya ang pinagsamahan nila. Ito ba ang nagbibigay ng lakas ng loob kay Luis para balikan si Angel?
"Not for anything, kahit nababasa ko ang mga interviews na 'yan, gusto ko munang marinig mismo sa kanya kasi very sensitive topic 'yan," sabi ni Luis. "What gives me encouragement ay kung ano ang mayroon kami ni Angel dati, kung ano ang mga pinagdaanan namin, what we shared, kung anuman ang espesyal na pagtitinginan namin before, and hopefully yung magiging future namin, if we can share something in the future."
Marami rin ang natuwa nang magkausap si Angel at ang ina ni Luis na si Batangas Governor Vilma Santos. Ayon kay Luis, isa itong bagay na sobrang ikinasaya niya.
"Nagdi-dinner kami nina Kris [Aquino], nina Angel, nagkausap sina Angel at ang mommy ko. Si Angel naman kasi has always been welcome and considered part of our family. Nag-usap sila. Sinabi pa nga ng mommy ko, 'I miss you.' Sinabi naman ni Angel, 'Ako din, Tita.' And it was very, very heartwarming and touching for me. Definitely, I was smiling all throughout their conversation. Si Mommy naman, mahal niya si Angel. Not just that nung kami pa, mahal niya si Angel as a person."
POSSIBLE PROBLEM. Maayos na sana ang lahat sa pagitan nina Luis at Angel. Ang nakagulo lang daw sa pangyayari ay ang interview ni Angel sa TV Patrol World, kung saan sinabi nito na nainis siya nang i-surprise visit siya ni Luis nang mag-guest siya sa The Buzz.
Ano ang masasabi ni Luis dito?
"That is understandable because ang pinanggalingan namin behind that chance encounter ay medyo hindi maganda, medyo argument. Galing kami sa hindi magandang pag-uusap. Hindi ako na-offend kasi very, very expected of a woman naman na after going through something before, tapos bigla kayong nagkaroon ng chance encounter... But the fact na nag-chance encounter kami, siguro it was a sign na kahit papaano, we should fix things. Ang pinanggalingan kasi namin noon ay pagkakalat ko, so siguro hindi maalis na maging awkward nga sa una," saad ni Luis.
Tila inconsistent yata ang itinatakbo ng samahan nila ni Angel ngayon?
"Kasi marami kaming pinagdaanang phase na nag-uusap na kami, medyo magkakatampuhan tapos hindi uli kami mag-usap," paliwanag ni Luis. "Siguro it's all part of the process kung anuman ang maging dapat sa aming dalawa. Ang dami na naming pinagdaanan and hopefully lahat ng yun, makakatulong sa end product ng kung anuman."
"Sa akin, we're starting 2010, might as well start it with a clean plate. Ako, make up sa mga pagkukulang ko sa kanya. I want to fix things, gusto kong ibalik yung dating Kulit at Kite."
MY LAST ROMANCE. Unang nagkapareha sina Luis at Toni Gonzaga sa teleseryeng Crazy For You at ngayon ay muli silang magkapareha sa Your Song Presents My Last Romance. Dahil extended ng dalawang linggo ang kanilang programa, aminado si Luis na nagulat siya sa mainit na pagtanggap ng publiko sa tambalan nila ni Toni.
"Tinatanong ko nga kung nag-extend ba kami dahil sa istorya o nag-extend ba kami dahil napakaganda ng reception ng tao. Very, very thankful kami na na-extend kami at dahil yun sa magandang feedback ng show namin.
"Ako naman, I really want to work with Toni kasi nagkasama na kami sa Crazy For You. We accept hosting jobs together. Nagkasama kami sa My Last Romance na napakainit ng pagtanggap. I'd love to do another teleserye with Toni, pero ang magdedesisyon naman niyan ay ang management pa rin."
GOODBYE, E-LIVE. Nagpaalam si Luis sa Saturday showbiz talk show ng ABS-CBN na Entertainment Live two weeks ago para mag-concentrate sa bago niyang show, Pilipinas Got Talent. Ikinalungkot ng fans ni Luis ang naging desisyon niya, pero tiniyak naman niyang babalik siya sa E-Live pagkatapos nilang maglibot ni Billy Crawford sa mga probinsiya para sa auditions ng Pilipinas Got Talent.
"Mawawala ako for five to six weeks kasi last Saturday, I had concert with Kanto Boyz in Sinulog. Tapos kami ni Billy, mawawala kami every Friday and Saturday para sa Pilipinas Got Talent. After naman nun, babalik din ako agad sa E-Live," saad niya.
Tulad ng Showtime ay isang talent search show din ang tema ng Pilipinas Got Talent. Pero siniguro ni Luis na walang pagkukumpara na dapat gawin sa dalawang shows dahil malaki raw ang pagkakaiba ng mga ito.
"Ang difference namin sa Showtime, kung sa kanila it has to be 10 to 25 members, kumbaga group sila, for Pilipinas Got Talent, kahit nag-iisa ka, kahit dalawa o tatlo kayo, kahit ano pa ang age mo, kahit ano ang kaya mong gawin, welcome sa Pilipinas Got Talent," sabi ni Luis.
Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.
Most Popular
- Maricel Soriano welcomes changes in her career
- Bulk of Nonito Donaire Jr.'s boxing purse goes to wife Rachel for savings
- Piolo Pascual prepares for the second Ironman 70.3 Philippines
- YES! SPECIAL REPORT (PART 2): Death of a P.A.
- YES! SPECIAL REPORT (PART 1): Death of a P.A.
- YES! SPECIAL REPORT (PART 3): Death of a P.A.
- "Ten totally beautiful" personalities join kick-off for Women's Month celebration
- Rock band Paramore "decodes" what makes Pinoys tick
- GMA Network hosts workshop for Southeast Asian broadcasters
- Rhian Ramos pursues a healthy lifestyle by running
Advertisement