“Walang kasalanan si Kris. Hindi niya maipagtatanggol ang kanyang sarili dahil sa kalagayan niya. Blah-blah-blah.”
Bilang “image makeover strategist” ni Kris Aquino (at ng ilang politicians, kasama na ang senatoriable na si Mike Defensor), inaasahan lang na ipagtanggol ni Boy Abunda ang kaibigan na ring bunsong anak ni Tita Cory sa sex scandal na kinasasangkutan ngayon ni James Yap, at ang dating empleyado ni Vicky Belo, isang nagngangalang Hope.
Pero sa mga dati’y walang kaalam-alam sa problema nina Kris at James, ganito po ang pagkasunod-sunod ng mga nangyari kung paano nagkarun ng “entertainment value” ang problema ng mag-asawa:
Feb.13, sa The Buzz, nag-celebrate ng birthday niya si Kris Aquino, at nandun si James, si Tita Cory, at si Joshua. Kaming nasa bahay na pasulyap-sulyap sa kaganapan sa The Buzz, wala lang. Parang normal lang na birthday-ek sa TV, na ang kaibahan lang, buntis si Kris at ‘andun nga ang mga mahal niya sa buhay.
Kaya lang, nang mga sumunod na araw, ang isa sa co-hosts ni Kris sa The Buzz, si Cristy Fermin, ay isinulat sa kolum nito sa Bulgar tabloid (at siguro sa iba pa nitong pinagsusulatan) ang tipong “pagbabalewala” ni Kris kay James sa The Buzz, ang pagiging “malamig” ni James kay Tita Cory, etc. In short, sa pagkakasulat ni Cristy, may problema ang marriage nina Kris at James. At posibleng sa pagitan ng Feb. 13 at Feb. 18, naging “favorite subject” ni Cristy ang issue tungkol kina Kris at James at kung sinuman ang third party.
Feb 18, inamin at ibinulatlat ni Kris sa The Buzz, na totoong may problema ang marriage nila ni James. “Babes, I’m sorry” ang line ni James sa special participation niya sa show. Bukod doon, lumalabas sa “monologue” ni Kris na may sama siya ng loob kay Cristy Fermin (although di niya talaga tinukoy ang name ng co-host).
Feb. 19, hinanap ng ilang taga-media ang third party sa marriage nina Kris at James, isang nagngangalang Hope na dating empleyado sa Belo clinic, Timog Avenue, Quezon City branch.
Feb. 21, Wednesday, base sa mga nasagap na usap-usapan, kasama na ang pagka-interview nina Lolit Solis at Gorgy Rula kay Hope, nag-umpisa nang bulatlatin sa mga tabloid, Internet, at radio ang mga sexual escapades nina James at Hope.
Feb. 22, Thursday, napanood namin si Boy Abunda sa TV Patrol World, na ang namutawing headline mula sa bibig ni Karen Davila, “Boy Abunda, ipinagtanggol si Kris Aquino.”
Tototoong nakakaawa si Kris, na sa delikado niyang kalagayan—nasa ika-7th month siya ng pagbubuntis kay Baby James (tawag ni Tita Cory sa nasa loob ng tiyan ni Kris)—ay ngayon NABULGAR na may ganito pala silang problema ni James.
At ‘eto po ang pinupunto ng item na ito:
Ang mga cynics ay nagkokomentong sa kampo rin nina Kris, Cristy Fermin, at The Buzz nag-umpisa, nabuo at umapoy ang iskandalong ito, na ang dating ay tipong full-blown sex scandal na! (Aba, e, rebyuhin nyo yung items ni Jojo Gabinete sa kontrobersyang ito ito, dito rin sa PEP!)
Ok lang? Sabagay, what’s Kuya Boy Abunda as image maker specialist/strategist for?
Meanwhile, kahit may TV camera habang ini-interview si Hope, ayaw nitong ipakita ang mukha dahil baka makasira raw sa paghahanap niya ng trabaho! Tinanggal siya bilang “facialist” sa Belo Clinic nang mabuking na ka-triangle niya sina Kris Aquino at James Yap!
Ipagdasal natin si Baby James Aquino Yap, na sana magkarun ng bahid-kanormalan ang kapaligirang kalalakhan.