Hello mga ka-chuva chika na PEPsters!!! Medyo natagalan bago ko nasundan ang huli kong entry. Ang dami ko kasing inasikaso. Presscon ng Pinoy Idol na malapit nang ipalabas. Huwag nyo kalimutan sa April 5 ha. Mag-i-enjoy kayo sa panonood ng auditions.

‘Tapos nagtraining ako sa Magsaysay Shipping bilang ship crew. Mahirap pala ang ginagawa ng mga crew. Trabaho kung trabaho…Tulad na lang ng chamber maid na 30 cabins a day ang dapat nilang linisin sa buong umaga. ‘Tapos sa araw din na yun, mga 6:00 pm, babalikan nila ulit yung 30 cabins na yun para ayusin naman yung kuwarto na para sa mga matutulog yung passengers. Bilib ako sa sipag, tiyaga at dedikasyon nila para lang makatulong sa pamilya nila.

Mabuhay ang mga OFW!!!

Sobrang excited na ako sa movie namin kasi napakalaki ng movie na ito. Yung Costa Majika na ship na gagamitin namin ay parang five-star o mas higit pa na hotel. Sobrang ganda at laki.

Ang dami namin mapupuntahan na lugar sa Europe, at ang first stop ko para mag-shooting na—VENICE!!! Dream ko talaga ang makapunta sa Venice. Nakakatawa yung eksena na gagawin ko dun.

Pupunta din kami ng NAPLES, PALERMO, TUNISIA, MALLORCA, MERSEILLE, SAVONA. Akala ko sa libro ko lang makikita ang mga lugar na yun… Sa mga susunod na araw, andun na ako!!!

Alam na alam ko na, na mag-i-enjoy ako sa paggawa ng movie na ito dahil ang gagaling ng mga makakasama ko. Si RUFFA MAE QUINTO, na napakanatural na nakakatawa at tootong kaibigan ko. ‘Tagal na namin na gustong magkasama sa isang project, at mangyayari na nga. Sa ITALY pa! Si EUGENE DOMINGO na kahit sa personal, e, nakakatawa talagang kasama. Walang binibitawang salita na hindi ka matatawa. Gusto ko nga sa lahat ng magagawa ko pang movies sa future, kasama ko siya. At walang iba kundi si DENNIS TRILLO, na ngayon ko lang makakasama sa movie at ang maganda dun, first time niya gumawa ng romantic comedy kaya napakasaya nya din. Siyempre kasama din sina MARK HERRAS and RHIAN RAMOS. Ang cute din ng mga roles nila.

Alam niyo, sa movie na ’to, ‘di lang kayo tatawa, kundi maluluha rin ng konti. Ma-i-entertain din kayo sa mga musical numbers na gagawin namin.

Ipapakita namin sa inyo kung gaano kasaya magtrabaho at ma-in love kahit na malayo kayo sa pamilya niyo.

At alam niyo ba kung ano ang pinaka-ikinakasaya ng puso ko?

Makakasama ko si Bebong sa cruise. Seven years na kaming mag-BF and GF pero ngayon, sa pagkakilig ko, parang first time namin magde-date. Yiheeeee!!!!

Lagi ko kayo babalitaan kung ano na ang nangyayari sa akin at sa buong movie habang nasa Europe kami.

At para updated na kayo ngayon pa lang, ‘eto ang ilang pictures ng pag-iimpake ko.

Captions:

Nilagay ko lang muna sa kama lahat ng mga gusto kong ilagay sa maleta ko. Medyo magulo, ‘di ba.

Kailangan ko ng makapal na jacket kasi ang lamig-lamig daw sa Europe ngayon. Ok na ba yang mga marshmallow jackets ko?

Kakagaling lang sa laundry yung iba kong dadalin kaya naka-plastic pa.

Ayan, unti-unti ko nang nilalagay yung mga damit ko sa maleta. Ayos ba?

O pa’no…Lagi niyong babasahin ang blog ko ha. Parang kasama na rin kayo, promise!

P.S.

Sa April 26 sa Robinsons Galleria, may launching ang EBAY.PH. Ako yung endorser nila. I-update ko rin kayo sa mga details tungkol dito.

Eto na naman ang schedule ko na sunud-sunod. Mula Manila hanggang San Francisco, nagpunta ng Los Angeles, ‘tapos San Diego. then balik ng L.A. ‘tapos uwi ng Manila, then diretso ng Dagupan hanggang SOP. Whew!

Iisa-isahin ko kung paano lahat nangyari ‘yan. Samahan nyo ako ulit ha.

Game.

FEBRUARY 20 (Wednesday, Manila)

Pagkatapos ng Unang Hirit, umuwi ako agad para mag-impake ng mga gagamitin ko papuntang Amerika. 11:00 am dumating ang staff ng SOP para kuhanan ako ng VTR for the anniversary of Rebisco na gaganapin sa SOP. Pagkaalis nila, tinuloy ko ang pag-iimpake. Natapos ako ng 3:00 pm mag-ayos ng gamit. Nag-nap ako ng 45 minutes. Paggising ko, naligo na ako agad. We left the house at 5:00 p.m.

Nasa international airport ako ng 7:00 pm. Kumain muna ako at nag-relax…10:00 pm pa ang flight namin.

S’yempre, papalagpasin ko ba na walang picture picture?

9:30 p.m. nag-board na nga kami sa plane at umalis na.

FEBRUARY 20 (Wednesday, San Francisco)

Dumating na kami ng San Francisco ng 7:00 pm. Ok ako dahil nakatulog ako buong flight (as usual). Mabuti na din na nakatulog ako nang maayos dahil mula sa airport, dumiretso kami sa isang sponsor. May meet and greet kami doon at presscon. Nagpunta kami sa Roberto’s Restaurant.

Mga two hours din kami dun. ‘Tapos nagpunta na kami sa hotel at nagpahinga na agad.

FEBRUARY 21 (Thursday, Promo Day)

10:00 am nagsimula ang araw namin. Puro pagbisita ang gagawin namin sa iba’t ibang sponsor. Nagkita kita kami sa lobby at umalis na.

Unang pinuntahan namin ay ang Chicken D’Lite na nasa Newark. Ang sarap-sarap ng pagkain dun. Meron silang fried chicken at barbeque chicken. Napakasarap pareho kaya napadami agad ang kain namin.

Thank you sa may-ari ng Chicken D’ Lite na sina Mr. Noel and Mrs. Gigi. Napakabait nila sa aming lahat.

Sunod naming pinuntahan ay ang Island Pacific sa Vallejo. Madami ding Pilipino sa Vallejo kaya nag-meet and greet din kami doon.

S’yempre hindi rin kami pahuhuli sa picture taking.

Next stop namin sa Thornton Dental sa Fremont. Lagi sila sponsor ‘pag may project ang Wyn enterprise (producer namin). Mabait sila talaga, na-meet ko na sila last year nung nag-show din ako para sa Wyn enterprise. Ang dami nila palaging pagkain. At bago kami umalis, may take-home pa kami na electric toothbrush. Thank you to Dr. Trinidad.

Pagkatapos dun, nagpunta kami sa Seafood City sa Union city. Nakakatuwa sa Seafood City kasi may video na pinapalabas dun. Commercial ata nila. At ang endorser nila ay si Ate Shawie (Sharon cuneta). Dami ding tao sa Seafood City kaya puro autograph-signing at picture taking kami doon.

Siguro mga 30 to 45 minutes din yun ‘tapos pumunta na kami sa Chowking na katabi lang. Sa Chowking, nagpasalamat lang kami sa manager at staff sa tulong na binigay nila. Bago kami umalis, pina-order kami kung anong gusto naming i-take home. Ang in-order ko… taho!

Ang last stop namin ay sa Manila Grill sa Fremont ulit. Doon din ang dinner namin.

Picture-taking pa rin at autograph-signing ang ginawa namin pagkatapos kumain.

At nang matapos na ang lahat, bumalik na kami ng hotel para magpahinga dahil kinabukasan na ang show.

FEBRUARY 22 (Friday, showtime)

Ito na ang araw ng show…Dapat pupunta kami sa isa pang sponsor kaya lang din na natuloy. Thank you na sa My wedding expressions, kay Ms. Edna.

At dahil sa gabi pa ang show at 4:00 pm pa kami pupunta ng venue, nag-ikot na muna kami nung umaga, tutal maaga din naman kami nagising. Basta hanggang 2:30 to 3:00 pm lang kami. 4:00 pm kasi ang pull-out sa hotel papuntang venue. Hindi kami magkakasama nina Yasmien Kurdi at Dennis Trillo mamasyal, kasi si Yasmien may ibang gustong puntahan. Iba din ang gusto kong puntahan. Si Dennis naman ay tulog pa.

Eksakto 2:30 p.m., nakabalik ako ng hotel para mag-ayos ng mga gamit na kailangan ko para sa show. Nag-pull out kami ng 4:00 pm at dumiretso na sa venue.

Natapos ang show ng mga 10:00 p.m. ‘Di na kami nakasama ni Yasmien sa dinner kasi gusto na naming magpahinga. Si Dennis at iba pa naming kasamahan, kumain pa sa labas.

Pag-akyat ko ng kwarto, naghilamos ako agad at nagpahinga ako ng isang oras tapos, ‘tsaka ako nag-ayos ng lahat ng gamit dahil madaling araw kami aalis papuntang L.A. Five-hour drive din yun.

(Read more… )

May isa na naman akong schedule na ganun. Alis na ako mamaya for our show in California. Kasama ko sina Dennis Trillo at Yasmien Kurdi. Panibagong kuwento na naman ito ng sunud-sunod na schedule. Samahan niyo ulit ako, ha.

Sa ngayon, ito muna ang entry na ginawa ko. Maganda talaga na nasasagot ang inyong comments. Thank you so much for reading my blog!

BUBBLYCEL, naku, talagang ‘di ko napigilang umiyak. Pinipilit kong ibahin ang nasa loob ko, pero ‘di ko kinaya. Pagkatapos nung auditions nung araw na yun,  nagdasal ako. Nag-thank you ako nang todo todo na healthy ako. Pinagdasal ko na din yung mga ibang tao na walang kapansanan pero nagrereklamo sa buhay nila.

God is good.

COPYMILYUCK, kakaloka talaga. Paglapag nga ng eroplano, magang-maga na yung paa ko. In-enjoy ko na lang yung travel para wala akong maramdaman na sobrang kabigatan ng loob. ‘Tsaka enjoy din yung Iloilo kasi dami kong kasama na katrabaho. Thank you for reading my blog.

ROBJESS, thank you sa palaging pagbasa sa blog ko at pag-comment. Nakakatuwang mabasa na may mga suki na talaga ako. Ilang beses na rin ako nakapunta sa bayan mo. Ang TV days pa lang nakakapag-concert na ako dun, e. Sana minsan, makita kita pagbalik ko ng Iloilo.

MANDERSNORK, nakapagpahinga na ako the following week. Sa totoo lang, ‘di nga ako nagka-jetlag. Siguro dahil sandali lang din ako sa Amerika. Yung beltbag ko, sa Market! Market! ko yun nakuha. ‘Pag nagpunta ka dun pag-uwi nyo, hanapin mo sa Market! Market! yung shop na TAFFETA. Ok yung beltbag na yun, leather belt at suede yung bag. Pag shopping, ok talaga naka-beltbag kasi free ang dalawa mong kamay ‘tsaka andun lang ang kailangan mo ‘pag namimili. Nung nasa Broadway pa ang SOP, wala pa nga ako nun. Kakatuwa din mga kwento nila sa ‘kin nung nasa Broadway pa sila.

ALOH, Happy V-day din sa ‘yo. Kakapagod yung ginawa ko ‘no? Pero natutuwa ako at nadala ka sa sked ko. Keep on reading my blog. Thank you.

CHEERIOS, uy, thank you, ha! Alam mo, siguro kaya mukhang fresh pa rin kahit kakapagod yung sked kasi, ini-enjoy ko yung ginagawa ko. ‘Tsaka ‘pag nakakaramdam ako ng pagod, iniiba ko isip ko, ginagawa kong positive. Sana ma-meet ko yung sister mo. Or kung magkamukha kami, pwede mo s’ya isali sa Unang Hirit. May segment kami dun na, “You’ve Got the Look-alike.” Baka manalo siya. Buti may Tinoy TV ka na. Tama ka, maganda si Marian…at mabait pa.

LADYLARA_16, ay naku, lahat ng nakakabasa ng blog ko at nagcocomment, pakiramdam ko close na sa ‘kin. Thank you, ha. Yung tungkol sa personal question mo, naku, mahirap mag-comment. Basta mabait s’ya at mabuti s’yang tao. Baka hindi naman siguro s’ya ganun. Basta abangan mo yung Pinoy Idol, ha.

GOSSIPHUNGRY, hay…. Sa totoo lang, sarap talaga ng feeling na minsan lalabas lang kayo ng loved one mo at kakain lang ng ice cream. Simple life. Nagawa mo na ba yun?

NOV_8, alam mo, tama ka. Sa sked ko nun, dapat nga understanding ang boyfriend ko. And I think, I’m so lucky. Bebong is a good man, napaka-understanding and supportive. At kahit three hours lang yun, ang saya namin. Kuwentuhan lang kami ng kuwentuhan. Quality time talaga. Siya rin kasi busy sa work.

Talent ko talaga ang madaling makatulog. Basa basa lang, maya maya, aantukin na ako. Pero dapat, boring ang binabasa ko para antukin ako. Ayoko rin masanay sa sleeping pills.

KERS, siyempre naman…Talagang enjoy ako ‘pag may performance. Minsan kahit anong puyat ko o pagod, ‘pag perform na, para na akong nasususian. At lagi ko din iniingatan yung health ko para laging happy. Tungkol naman dun sa mga bitter sa ‘kin as one of the Pinoy Idol judges, ok lang yun, kasi alam ko naman na ‘di ko talaga mapi-please lahat. Basta happy ako na napili ako. At happy ako na isa ako sa pipili ng unang Pinoy Idol. Sa movie naman namin ni Gabby, excited na ako.

SANCNUKOB, ok ba? Para ka na ring sumama sakin nung mabasa mo yung sked ko. Salamat at nagustuhan mo mga outfits ko.

EDNA, happy V-day! Smile lang lagi. Enjoy talaga ako ‘pag nagtatrabaho. ‘Tsaka isa pa, kaya siguro masaya ako, kasi masaya kasama mga tao sa paligid ko. Lalo na sa Pinoy Idol. Ok kami lahat. Kaya kahit anong pagod, nawawala ‘pag magkakasama na kami.

NICO, hahahaha!!! Tumpak ka!!! Mas matagal pa kaming nakapag bonding ng eroplano kesa sa mga lugar na pinuntahan ko. Nung pagkabalik ko nga galing Amerika ‘tapos punta sa domestic airport, sabi ko talaga, “Airport na naman!” Nakatunganga na ako habang naghihintay ng boarding. Buti nga, pagdating ko ng Iloilo, ‘di ako sinumpong ng migraine! Kaya go, go, go!

EDANJOLI, uy…sobrang thank you sa comment mo. Basta ‘pag nagja-judge ako ng Pinoy Idol, nagiging honest lang ako. Dami ko na ring pinagdaanan sa showbiz, e. Basta panoorin mo ‘pag nag-airing na ang Pinoy Idol ha.

SIOMAI, cute ni cosmo ‘no? Seven years old na sya. Yes, ako ang kumuha nung sunset. Alam mo nasanay narin ako sa ganung klaseng sked. Dami ko nang pinagdaanang ganun. Basta ini-enjoy ko na lang. Tsaka s’yempre, kasama na ang inspirasyon dun! Ay!!! Kinilig daw ako! Hahahahaha! Thank you for reading.

ANGEL_BUJOY, dami pa ako nakunan sa lugar na yun—mga ibon, seashore, yung tambayan ng mga lifeguard, resto. Next week na yung show namin nina Dennis at Yas sa Sanfo. Biyahe na naman. May mami-miss nga ako na audition sa Pinoy Idol. Haaay…

Wala akong magawa kasi matagal nang naka-book yung show sa Sanfo, e.

JONIE, ang pagkaalam ko, sa april ang airing ng Pinoy Idol. May gagawin akong movie this year with Gabby Concepcion, excited na ako.

MARIPOSANG_GALA, hi! Ano lasa ng bourbon chicken? ‘Di pa ‘ata ako nakakakain nun. Taga saan ka? Sana makatikim ako nun.

MRS SMITH, depende kung anong store ang pupuntahan niyo—may mura, may mahal. Pero tingin ko, walang hindi affordable kung talagang gusto mo yung store na yun, e. Sa Beverly Hills at Rodeo Drive, lahat ng stores ay branded so may ‘pag mahal, sa mga outlet store na mas mura ng konti ka na lang, pero ‘di ‘ata lahat ng branded stores andun.

ENCANTADO, thank you sa tiwala mo sa ‘kin ha. Basta abangan mo ang Pinoy Idol. Honest lang ako sa pagja-judge. Salamat talaga.

LEN, hahaha!!! Natawa talaga ako sa comment mo. Parang na-imagine ko na after mo mabasa yung mga sked ko, napagod ka din. Thank you for reading.

ANEWOR, naku…Hindi na nga ako nagka-jet lag kasi sandali lang naman yung Amerika ko. Parang nag-taping lang ng soap at inabot ng next day ang dating. Abangan mo yung Pinoy Idol ha.

EMILY1, eto na at inuubo na ako, kakatapos lang kasi ng napakabigat na sipon. Ininuman ko ng gamot agad, and after 2 days, medyo nabawasan yung sipon pero parang bumaba naman sa dibdib kaya ubo ang kinalabasan. Tsk! Kaya eto, iinom naman ako ng gamut na pang-ubo. Baka after two days, bumama naman ng tiyan at maging LBM. Hahahahahahahahahaha!!! Joke lang.

PURPLEBUTTERFLY, I’m glad nag-enjoy ka sa blog. Siguro para ‘di madaling tumanda, dapat lagi lang positive ang outlook sa buhay para laging happy. Lalung-lalo na dito sa mundo ng showbiz. Dapat kaya mong ma-control ang kalooban mo kasi ‘di lahat ng mga bagay, sasang-ayon sa gusto mo at ‘di lahat ng tao, totoo. Mabibilang mo lang ang mga totoong kaibigan. So kung negative ka sa buhay, mahahawa ka sa kanila, pero ‘pag positive ka, mahahawa mo sila. Tingin ko, ‘di lang naman sa showbiz yun, panglahatan na yun.

MALIZYOZA, sana makapag-audition ka sa SM Clark. Kaya mo ‘yan! Malay mo, ikaw ang maging Pinoy Idol. Don’t miss the chance! Thank you sa pagbati mo sa ‘kin sa “Constellation of Stars.” Close nga kami ni Kyla. Hahaha! Nakikita pala na lagi kami nagtatawanan. Pagkatapos kasi ng mga kanta namin, bulungan lang kami ng bulungan sa likod. Yung sa tanong mo, wala silang past kasi nung nagkakilala sila ni Jay-R, may girlfriend na siya’t alam ni Kyla yun. Talagang bagay lang sila kasi sobrang nagbe-blend yung boses nila. At masarap sila panoorin together. Tungkol naman sa ‘min ni Bebong, wala pa muna sigurong planning ng kasal kasi kailangan muna maging stable ang isa’t-isa.

JASMIN05, siguro talagang ini-enjoy ko talaga ang mga ginagawa ko kaya fresh pa rin. ‘Di ba ‘pag gusto mo naman yung ginagawa mo, parang go, go, go lang palagi.

SHANANGSHANE3, thank you for reading my blog. At thank you din dahil lagi mong pinapanood ang “Constellation of Stars” sa SOP. Ang mga kanta para sa buong February, puro love songs kasi nga love month. Happy puso day din sa ‘yo.

PARTYPPOL, positivity is the best!!!

ANGELA_MIE, gusto ko lang talaga ikuwento kung ano yung naging sked nung week na yun. Happy V-day din. Wala pa namang wedding bells.

DROPDEAD, why not, ‘di ba? asta enjoy lang tayo.

MYSTERY_POKLAT, oo nga, kakangarag…Basta hindi ko naman pinababayaan ang health ko kasi yun ang importante. Thank you for reading my blog. Abangan mo na lang yung Pinoy Idol ha.

ALEGNA_MAY, Happy V-day din. Tama, better late than never! Medyo sanay na rin ako sa ganung sked. ’Tsaka madali ako makatulog, kahit nga nap lang. Favorite ko din yung sunset. Mahilig ako magkukuha ng pictures ng sunset at sunrise. Napakaganda ng kulay, e.

JOATS04, hahaha!! Salamat naman at sinamahan ako ng imaginary self mo.. Natuwa ako. Masaya yun!

PROMDI_CA, belated Happy V-Day din. Talagang super enjoy. Kapagod man, pero ok na rin. Abangan mo Pinoy Idol, ha. Thanks.

JENNA, lakas kasi nung kulay ng yellow, e, medyo silk pa ang effect. Pero ok lang sa ‘kin. ‘Tsaka ok lang kung medyo kayumanggi ang kulay ko, I like it.

FASHONISTA_315, the best na shopping-an ng kung anu-ano ay ang Santee! Enjoy na enjoy talaga ako. Kahit ano, makikita mo dun at mura pa. Di nakakainis mamili kasi malamig naman ang hangin kahit maaraw. Sana shopping tayo together.

BLUE_NICZ. Hi. Nicole. Thank you for reading my blog. Hectic nga ang sked mo. Nursing pa naman. Enjoyin mo na lang yan, ha. Imagine na lang kayo ng friends mo na kayo ang cast ng Grey’s Anatomy, favorite series ko yun.

Siyanga pala, balik sa nursing, maganda ang kursong ito dahil ‘pag natapos mo siya, puwede ka magtrabaho sa Amerika. Ang laki ng bayad, promise! P’wede ka naman manood ng SOP, punta ka lang dun ng maaga ng Sunday ‘tapos pila na kayo sa entrance ng audience. Mas early, mas ok. See you!!!

ZZZZ, natutulog naman ako nung mga panahon na yun, ‘di nga lang sobrang haba.

Belated Happy V-Day!!!

JENNIE, medyo kulang nga ang tulog. At kahit pagod, happy talaga ako na nakapag-ice cream kami ni Bebong. Sayang nga ‘di ako natuloy dun sa soap na Kaputol ng Isang Awit. Pero ok na rin, kasi conflict talaga sa schedule ng Pinoy Idol, e. Thank you sa pagbasa mo sa blog ko, ha. May isa na naman akong mala-ganung schedule na dadating.

ANN BARR, nakakatawa lang yung ibang mga bilihin dun. Tumingin ako ng contact lens, binili ng ate ko. Pag-uwi namin sa bahay, may naka-print na demo!!! Hahahahahaha!!! Pero gustung-gusto ko talaga sa Santee. ‘Pag bumalik ako sa Los Angeles, babalik talaga ako.

PROUD2BKAPUSO, naku, kakaloka talaga, kaya nga ikuwinento ko dito sa blog ko kasi dami ko palang pictures na nagawa. May isa na naman akong ganyang sked, Abangan!

MR_SUAVE, yes, nag-u-Unang Hirit pa ako. ‘Di ko lang nilagay sa sked na ikwinento ko sa inyo kasi nung week na yun, ‘di ako nag-Unang Hirit.

ANGEL_BUJOY, ay naku, natawa nga ako nung gabing yun. Nasa bahay na ako nun nang may tumawag sa ‘kin na taga-Unang Hirit at sabi sa ‘kin na may kumakalat nga raw na balita. Sabi ko na lang, pakisabi sa nagkakalat nun, happy fiesta!!!

KHEIGH_POPCORN – meron na naman akong isang ganun—U.S. concert tour diretso ng Dagupan. Basta, ilalagay ko din dito sa blog ko yun.

KUNG HEI FAT CHOI!!!

 

Naisip ko na ibahin muna ang theme ng entry ko ngayon dahil isa lang ang gusto kong ikuwento sa inyo. Wala munang “Photo Blog,” “Showbiz Blog,” “Dream Blog,” at “Streaming,” puro “Jolina Blog” muna.

Enjoy reading =)

Ito ang nangyari sa ‘kin buong linggo last week—to be exact, from January 27 to February 3.

JANUARY 27. Sunday yun, nag-SOP ako. Masaya yung naging constellation of stars. Lahat ng kanta namin ay ‘80s at ang napunta sa akin ay “Telephone.” Favorite ko yun kasi tungkol sa long distance yun, e.

Pagkatapos ng SOP, dumiretso na ako ng uwi sa bahay kasi kailangan ko tapusin ang pag-iimpake ko, dahil 10:00 p.m. ang flight ko papuntang Amerika. Yes, pumunta ako ng Amerika.

Wala akong show sa Amerika. May mga kailangan lang akong ayusin. Three days lang ako doon kasama ang ate ko. Grabe no? Three days! Para lang akong nagpunta ng Cebu. Four days lang kasi ako puwede mawala dito sa ‘Pinas, kasama na ang biyahe dun, kasi di ko pwede ma-miss ang auditions ng Pinoy Idol.

JANUARY 28. (Sunday ng gabi dun sa Los Angeles , Monday dito sa ‘Pinas) Dumating na nga ako ng Amerika. Tulog ako buong flight kaya pagdating ko dun, gising na gising ako kahit gabi na. Madaling araw na ako nakatulog.

Paggising ko nung umaga, naligo ako agad at nag-ayos ng mga kailangan dalahin kasi 11:00 am ang appointment ko sa lawyer ko na based sa L.A.

Caption: ‘Di pa ako masyado nakapag-ayos dito sa kakamadali sa bahay. Kinunan ako agad ng ate ko…s’yempre smile naman ako.

Nang dumating ako sa dun sa office niya sa downtown L.A., nag-meeting kami ng two hours.

Caption: My lawyer, Atty. Nettles. Sobrang bait nya at ang galing.

After ng meeting namin, nag-lunch kami tapos nagpunta kami sa Sanlee garments district. Isang tiangge na talagang panalo sa dami ng kung anu-anong pwedeng mabili.

Caption: Ang saya dito sa lugar na ‘to.

Pero isa lang ang pinuntahan kong shop at talagang kung pwede ko lang bilhin lahat ng laman dun, e, binili ko na, (wish ko lang), at eto yun…

Caption: Na-miss ko si Cosmo nung makita ko itong shop na ito.

Pagkatapos namin dun sa tiangge, dinala kami ng tita ko sa Sta. Monica beach. Sabi ko kasi, gusto ko mag-picture picture ng kapaligiran. Mayroon kasing park dun na may rides—Pacific Park.

Caption: Happy Fiesta!

Sobrang lamig! Ang lakas ng hangin! Pero kahit na saksakan ng lamig, pose pa rin kami ng pose.

At kahit na medyo masakit na ang ulo ko dahil sobrang lamig talaga, hinintay ko ang sunset dahil gusto ko talagang kuhanan ng picture yun. At nakuhanan ko naman…

Inabot na kami ng medyo gabi kasi kumain na rin kami banda dun. Sabi ko sa Tita ko, lagi ko nababasa sa mga U.S. celebrity magazines na ang mga Hollywood stars ay minsan palakad-lakad sa Beverly Hills, kaya dun kami dinala ng tita ko.

Ilang beses na rin ako nakapag-concert dati sa L.A. para sa Filipino community. Nakapaglibot na rin ako sa ibang part ng L.A. pero di ko pa talaga nalibot ang Beverly Hills.

Nang mapunta kami sa Rodeo Drive, ‘di ako nakakita ng Hollywood celebs pero nanlaki pa rin ang mata ko dahil ang lalaki din ng shops dun. Sarap sana mag-shopping kaya lang kakasarado lang ng mga shops. Kaya ito na lang ang ginawa namin ng ate ko…

Pagkatapos nun, umuwi na kami agad dahil sumakit na yung paa ko. Hahahaha!!!

JANUARY 29. Late na kami nagising, nag-brunch na rin kami sa bahay ng tita ko, ‘tapos nagpunta kami sa Camarillo outlet stores. Ang dami-daming store dun, kulang ang oras namin kung iisa-isahin namin lahat yun, kasi after lunch na kami dumating dun. Kailangan di rin kami abutan ng dinner time kasi may dinner kami kasama ang mga pinsan namin.

Kaya ang pinuntahan na lang namin ng ate ko ay yung mga stores na gusto namin.

Caption: ‘Di pa malamig ng gayang oras kaya ok pa ang outfit ko. At s’yempre, smile lang ng smile.

Nung gabi na, nagkita-kita na kami ng mga pinsan ko. Nag-dinner kami at napansin namin na lahat pala kami, magkakapatid. Ibig sabihin, tita ko at kapatid nya, anak ng tita ko na magkapatid at kami ng ate ko.

We called our group that night, “THE SISTERS CLUB.”

Caption: (From left to right) Ako, ate ko, mga pinsan namin sina Jeremae at Ate Irene, at mga tita namin—Tita Myrna, the mom of jeremae and Ate Irene, and Tita Noemi, sister of Tita Myrna. ‘Tapos na kami kumain nito, ayun yung tira namin sa ilalim ng table.

Pagkatapos ng dinner, diretso uwi na.

JANUARY 30 Late ulit kami nagising kaya nagmadali kami mag-ayos kasi I have to meet up with Bebong’s cousin by lunch time. E, medyo malayo yung downtown mula sa bahay ng tita ko. May in-order kasi kami ni bebong na Antik Jeans.

Hinanap namin yung office niya pagdating namin ng downtown, at nagkita na nga kami. Her name is Ate Chu. Na-meet ko na sya dati nung umattend ako nung graduation ni Bebong sa New York, nagpunta rin kasi siya dun. She’s very, very nice.

Niyaya namin siya mag-lunch, pero sa China town na kami nakakain kasi yun ang malapit sa office nya. Di kasi sya puwede magtagal kasi lumabas lang siya dahil lunch break. ‘Tsaka parang gusto namin kumain ng orange chicken, favorite ko.

Caption: Yung katabi ko na naka-black with white handbag, yun si Ate Chu.

 

After ng lunch, hinatid na namin sya sa office niya ulit.

Bago kami umuwi, may dinaanan lang kami na sister ng tita ko para kuhanin ang ilang padala para sa mga kamag-anak sa ‘Pinas.

Caption: Nag-imagine kami ng ate ko, kunyari sasabihan ko sya ng, “Welcome to my home.”

Pagdating namin sa bahay, nag-ayos na kami ng gamit kasi ang flight namin to Manila ay 9:00 p.m. We have to leave the house by 5:30 p.m. and be at the airport by 6:30 p.m.

Bago kami umalis sa bahay ng tita ko, nagpicture-picture muna kami ng ate ko.

At yun na!!! Lumipad na nga ako pabalik ng Pilipinas. As usual, tulog na naman ako buong biyahe. Mabuti na rin yun para pakiramdam ko, malapit lang. Pagdilat, malapit nang bumaba ang eroplano. Ang saya, ‘di ba. ‘Di ako nainip.

FEBRUARY 1. Dumating ako ng Pilipinas ng 6:00 a.m. ‘Di na ako umuwi, nag-breakfast na lang kami sa area na yun at nag-ayos ako ng gamit, kasi 9:00 a.m. ang flight ko naman sa Iloilo for Pinoy Idol.

Dumating ako ng Iloilo ng 10:00 a.m., one hour pa ang drive mula Iloilo airport hanggang sa hotel. Pagdating ko ng hotel, wala nang pahinga, diretso ligo ‘tapos nag-ayos na. Ayaw kasi naming lahat na ma-delay yung start ng audition kasi ang dami nila.

Eto kami nung audition na.

Caption: Nagpakuha kaming tatlo na mga judges—si Ogie Alcasid, ako, at si Wyngard Tracy,  Masarap sila kasama kasi napaka professional. Gusto ko sana kasama sa picture taking yung host namin na si Raymond kaya lang iniinterview nya yung nag audition. Yung mga nasa likod ay si Ms. Hazel Abonita, our program manager, and Perry Lansigan, our executive producer.

May isang nag-audition na after niya kumanta, niyakap ko sya. Alam niyo kung bakit?

Caption: Very touching ang moment na ito.

Malalaman niyo ‘yan ‘pag pinanood niyo yung episode na yun ‘pag pinalabas na sa TV.

Natapos ang audition ng araw na yun.

FEBRUARY 2. Saturday. Wala na kaming gagawin kaya pahinga kami. 5:00 p.m. pa kasi yung flight namin pabalik ng Manila kaya nag-lunch muna kami dun. Konti lang ang nakasama na staff.

Caption, inset: (From left to right) Paolo, Rey, Direk Rommel Gacho, Ate Chi, ako, at si Perry. Sila ang ilan sa mga bumubuo ng Pinoy Idol.

3:00 p.m. kami nag-pull-out sa hotel. Pagdating namin ng airport, nag-relax muna kami habang hinihintay yung eroplano.

Caption: O, ‘di ba!!! May framing pa ng couch.

At nakauwi na nga kami ng gabing yun.

Pagdating ko sa bahay, inayos ko pa yung gamit ko na pang-SOP at nag aral pa ako ng mga kanta bago natulog.

FEBRUARY 3. 8:30 a.m., nasa GMA-7 na ako kasi yun ang call time ‘pag kasama ka sa opening number. Gaganda na naman ng mga kanta namin sa constellation of stars. Lahat love songs.

Caption: Touch the colooooooor…YELLOW!

Pagkatapos ng SOP, may dinaanan lang akong meeting ‘tapos umuwi na ako.

Sinundo ako ni Bebong sa bahay ng bandang 9:00 p.m. para kumain ng ice cream.

Meron kaming paboritong ice cream. Hinatid na niya ako pauwi ng 11:30 p.m.

Yung ang ginawa ko buong linggo. Nakakapagod pero enjoy ako. Sana ‘di kayo nahilo. Hahahahaha!!!

Thank you for the time mga ka-chuva chika!!!

Hi, mga ka-chuva chika ko!!! Naisip ko na sa entry ngayon, sagutin ko naman ang mga katanungan niyo.

Natuwa ako na marami sa inyo ang naging part ng Ang TV.

At pasensya na ha, kasi sunud-sunod lang yung schedule ng Pinoy Idol auditon kaya ito muna ang nagawa ko for my blog—ang sagutin ang inyong mga tanong. Hanapin n’yo na lang ang user name n’yo, ha.

ILUVDAPILIPINES, Oo nga. Magkamukha sina Nash at John Pratts. Napapanood ko si Nash sa Going Bulilit.

CHNLSEVENUNO, salamat at nagustuhan mo yung blog ko ha. Natagalan ang pag-submit ko kasi naghanap pa ako ng mga lumang pictures, e. At saka hinintay ko pa yung mga pictures nina Roselle Nava, Jan Marini, Lindsay Custodio, Rica Peralejo, and Carol Banawa. Hihihi.

BETH FLORES, oo nga, e. Ang tagal ko nang pinaplano na mag-reunion sana kami. Kahit na yung parang party lang. Gusto ko nga sana sa bahay namin sa Tagaytay. Kaya lang ‘di matuluy-tuloy.

ANONYMOUS, tama ka. ‘Pag nabasa mo itong blog ko tungkol sa Ang TV, maaalala mo talaga yung kabataan mo kasi talagang naging part na ng buhay natin ang Ang TV. Iniisip ko nga, ‘pag nagkaroon ng part two yung movie, iba na ang mga itsura namin. Hahaha!!!

ANGEL_BUJOY, naku!!! Totoo ‘yan, kahit kami sa school noon, naging expression namin yung “Ngee!” Buti ka nga may naitago ka pang Ang TV d Album. Yung sa ‘kin, nagkadurug-durog na. Tago mo ‘yan, ha. Mahal na ‘yan sa auction.

PEP_TALK, thank you. Naku, iniisip ko nga na gawan din ng blog yung Gimik. Maghahanap nga ako ng pictures. Alam ko, may mga naitago pa akong mga pictures lalo na yung taping namin sa Bagiuo. Naalala mo ba yun?

EDNA, hi. Bata pa pala tayo sinubaybayan mo na ako. Thank you ha. Pakisabi din sa ate mo at sa nanay mo, maraming salamat. At higit sa lahat, hindi talaga ako maarte at plastik. Promise!

ALEGNA_MAY, talagang pinaghandaan ko yung Ang TV blog. Medyo matagal na kasi yun kaya naghanap pa ako sa cabinet ko ng mga pictures. Akala ko nga, dikit dikit na yung mga pictures, e. Buti nalang ok na ok pa, matagal nang uso yung leggings, ‘80s pa…’tapos bumabalik-balik lang.

IRONLADY, thank you. Matagal din akong naging endorser ng Avon. Nagkaro’n pa ako ng sariling products dun. Sana naitago mo pa yung shirt na nabili mo sa Avon.

SANCNUKOB, thank you sa pagbasa mo sa blog ko. Napaka-cute ng anak ni Carol ‘no? Inaanak ko yun. Super bait talaga ni Carol…totoong tao. Talaga? Ipinapalabas pa rin ang Ang TV sa TFC?

USYUSERO, thank you. Nung naghahanap nga ako ng pwedeng ma-scan para mai-post ko sa blog, tawa ako ng tawa. Madami pa ‘yan, pero ilan lang na-post ko kasi ‘pag nilagay ko lahat, baka makailang page ako sa blog. Sobrang dami.

RACHELLEGREEN, hello! Nasa Dubai ka pala. Sana na-meet kita nung pumunta kami ni JayR diyan para mag-promote ng GMA Pinoy TV. Padala ka naman ng picture mo para makita kita. Email it to jolinapep@yahoo.com. Kakatuwa naman at ang daming may akala na ako ikaw ako. Tama ka, sobrang cute ni Paolo Contis nun…si Pedring. Sana ma-meet din kita.                         

YANI, sige, next time, gagawa din ako ng Gimik at iba pang shows…yung Arriba, napapanood mo nun?

TENG628, alam mo masaya ako lagi noon ‘pag “Payong Kaibigan” ang shoot. Kahit saan-saan nila ako pinapapunta. Ang saya lagi ng taping. ‘Tsaka enjoy ako magbigay ng advice sa mga may problema. Walang script yun…sariling advice ko lang binibigay ko. Yung kay aicelle, sige, sabihin ko na sabi mo “hi.” Yung boutique ko naman sa project 6, ‘eto yung address: Jolina’s Fashion Gallery 86-C Road 1, Project 6, Quezon City. Dalaw ka minsan.

PAMINCHEVER, Ang TV was the best, thank you.

JESSICA, I’m doing Pinoy Idol right now in GMA kaya ‘di ko pa masasagot yung tanong mo, but thank you for asking.

MOMMY, thank you. Dati nag-guest kami sa SiS. Pero tama ka, minsan nga sabihin ko sa Unang Hirit na i-guest sina Jan Marini and Roselle Nava para kumanta kami.

LUFFIE, thank you so much. Alam mo, dami ko na rin pinagdaanan sa showbiz. Naalala ko dati ‘pag iniintriga ako, sobrang apektado ako kahit alam ko na hindi totoo. Pero nasanay na ako. ‘Di mo talaga maiiwasan yung mga intriga at paninira sa showbiz. Tapang at lakas ng loob lang ang dapat sa industriyang ito. At hangga’t mayroong isang katulad mo na sumusuporta sa akin, andito lang ako.

17JEN, ako din nagtatanong kung saan na kaya yung ibang members ng Ang TV? Nung nagpunta ako sa San Francisco dati para i-launch yung GMA Pinoy TV, nakita ko si Leilani Navarro, matagal na siyang nakatira dun. Ganun pa rin sya, mahaba pa rin ang buhok at medyo payat pa rin. Si Sarji naman, nagtatrabaho na sa call center. Si Jason San Pedro, nasa isang coffee shop sa Eastwood. ‘Di ko lang alam kung andun pa sya ngayon. Si Marnie Arcilla, nasa New York, sumasama sa mga play sa Off Broadway. Yung iba, ‘di ko na alam.

PETER, wow! Napanood mo pala yung concert namin sa Loyola. Naku naka-braids pa yung hair ko nun. Si Guila Alvarez, may asawa at anak na. I’m not sure kung ano na trabaho n’ya ngayon. Wala na kasi akong contact sa kanilang magkakapatid, e.

KAYE, thank you for reading my blog. Ako din nag-reminisce nung naghahanap ako ng mga pictures. At totoo na ang cute ni Paolo Contis nun. Naaalala ko pa na nagkaroon ng istorya na kunyari may crush sa ‘kin si Paolo dun, e, ang bata niya pa. I will never forget Pedring.

BIBETH, hello! Thank you so much. I’m a very transparent person, what you see is what you get. Ganun din dito sa blog ko. Para lang talaga akong nakikipagkuwentuhan. Im happy about your impression.

ANGELI, naku alam mo bang bumili pa talaga ako ng mga mini payong at sinulatan ko talaga ng payong kaibigan ang mga yun? Kasi tuwang-tuwa din ako sa segment na yun, e. At yung mga iba’t ibang colors ng nail polish, enjoy talaga ako.

BAMBOLBI, nakakatuwa naman at naipakita ko sa ‘yo ang latest kay Carol. Maganda talaga boses ni Carol. Malinis siya kumanta. Kaka-miss!

PRYSS, siguro kasi bata pa siya nun. Ngayon, super happy siya sa sarili niyang family at napaka-cute ng anak niya, ‘di ba?

KHEIGH_POPCORN, ang alam ko, nag-rerun siya sa Channel 2 mismo. Umaga. Dami nag-text sa ‘kin na pinapanood pa rin nila yung rerun at aliw na aliw parin sila. Thank you ha and keep on watching Unang Hirit.

NICO, kakatawa talaga yung fashion dati. Pero yung iba dun, tinago ko pa rin, kasi puwede pa naman i-reconstruct yun, e. At yung tungkol sa sitcom, gusto ko din sana magkaroon ng sitcom or any project with Sweet or Allan K, sobrang kuwela kasama yung mga yun at napakabait.

ROBJESS, saan ka ngang bansa ngayon? Nakakatuwa naman na hanggang ngayon, may “nge” pa rin sa expression mo. Kung alam lang ng mga puti na usong-uso yun dati. Hahaha!

HEARTBEAT007, heto na ang mga sagot sa tanong mo:

1. Yung kay Angelu de Leon at Claudine Barretto, ‘di ko sila masyado naging super close kasi ang lagi kong kasama ay sina Jan, Roselle at Lindsay, e, dahil sa recording.
2. Nagkaroon dati ng misunderstanding sina Angelu and Claudine kaya ‘di na sila naging close…ever!
3. Yes, yes! Si Red Sternberg yung nakita mo sa picture. Nag-Ang TV siya pero sandali lang.
4. Kahit kasi nasa Ang TV kami ni Claudine, ‘di kami masyado nagkakasama. Si Juday kasi nagkasama kami ng matagal sa Esperanza kaya nakapag-bond kami ng husto. ‘Tapos yung Gimik days pa. (Read more… )
   Comments (87)

“4:30 na! Ang TV na!!!”

Ito ang madalas na nangyayari nung panahon ng Ang TV. Mga tao, titingin sa relo at ‘pag nakitang 4:30 p.m. na, nagmamadali nang umuwi para manood ng Ang TV.

Do you still remember the lines we used to say? Like “esmyuskee,” “ngeh,” “wala ka sa lolo ko,” at “payong kaibigan.” Ako, tandang-tanda ko pa ang lahat.

Sa blog ko ngayon, puro Ang TV ang pagkukwentuhan natin.

O, pa’no ba yan? 4:30 na, Ang TV na! Doo wa deedee deedeedum deedee doo!!!

PICTURE BLOG. Naisip kong hanapin ang mga bagay na nasa akin pa nung panahon ng Ang TV. ‘Eto ang mga nakita ko

Talagang ‘tinago ko ang mga ‘yan dahil napaka-memorable nila sa akin.

SHOWBIZ BLOG. Nung mag-Ang TV ako, lahat naging kaibigan ko pero ilan lang ang naging sobrang close ko. ‘Eto sila noon at ngayon…

Jan Marini Alano. Siya ang kauna-unahang naging best friend ko sa Ang TV.

Nagkakuwentuhan kami habang hinihintay namin si Mr. M (Johnny Manahan, director of Ang TV) at nung moment mismo na yun ay nag-click kami agad.

Dami naming pinagsamahan ni Jan, I call her “baktol.” Naging close din ang mga parents namin.

Nagkatampuhan din kami niyan minsan dahil sa kantang “Till They Take My Heart Away.” ‘Pag naalala namin yun ngayon, tawa lang kami ng tawa. Si Jan ay isang totoong kaibigan. ‘Di plastik at napaka-down to earth.

Now she’s Jan Marini Alano-Pizarras. Happily married to Gerard Pizarras and has 2 kids.

Roselle Paulino Nava. One of the pioneers of Ang TV. She’s also one of my close friends in Ang TV during that time. At hanggang ngayon, close kami.

Naaalala ko tuwing Wednesday ang recording namin for Ang TV. Pareho pa kaming naka-school uniform ‘pag nagre-recording kasi galing kaming kanya-kanyang school. Ang unang naging close ni Roselle ay si Lindsay kasi kami ni Jan ang laging magkasama.

Napakabait na tao ni Roselle. Masunurin sa magulang lalo na sa Tita n’ya, na naging manager n’ya. Dami naming napagsamahang shows sa iba’t-ibang lugar dito sa Pilipinas, at pati sa New York, nag-concert kami. Natatandaan ko pa nga nung nasa New York kami, gumising kami ng maaga para maglakad at kumain ng hotdog sa Central Park. Nag-Boracay din kami para magbakasyon kasama sina ate Pipay (Pops Fernandez), Nikki (Nikki Valdez) at Carol (Carol Banawa).

Ngayon, may sarili na s’yang business, MUZIK KORNER by Roselle Nava. Isang music school na pati s’ya mismo nagtuturo. Ito ay nasa G/F Gaston Bldg. #13 J. Elizalde St. Sucat, Parañaque.

Ang tagal na din nila ng boyfriend n’ya na si Allen Ford Lee Tan. We call him “Ampoy.” Seven years na sila. Hmmm, kelan kaya sila magpapakasal?

Lindsay Custodio. We call her “Jaimee.” Pero ang laging pumapasok sa isip ko ‘pag nakikita ko si Lindsay ay si Mama Mary dahil sa kulot at mahaba n’yang buhok. Si Lindsay ang pinakamahinhin sa grupo namin (actually sa buong Ang TV cast). Mahinhin gumalaw at magsalita. Kasama n’ya lagi ang mommy n’ya kahit saan siya pumunta. Parang si Roselle, tahimik lang lagi si Lindsay. Pero bata pa kami nun, sexy na talaga sya.

Naaalala ko tuwing magre-recording kami, lagi siyang may baon na saging at kinakain n’ya yun bago sya mag-recording. Nakakatulong kasi ang saging para mag-clear ang lalamunan.

Ang TV pa kami nun nang maging boyfriend niya si Julius Platon, na third cousin ko pala. So imagine kung gaano sila katagal naging mag-boyfriend-girlfriend.

Now she’s happy with her own family. Cute ng mga anak niya na sina Sean and Charisse. Busy sya lagi sa Batangas dahil si Julius ay vice mayor ng Batangas.

After a year, nagkaroon ng bagong batch ang Ang TV. At eto naman ang taong naging close ko.

Regina Carla Peralejo. Screen name niya “Rica,” but we call her “Karyxx.” Nang pumasok si Rica as one of the second batch of Ang TV, naging close kami agad. Napakamasayahing bata ni Rica. Pareho kaming naka-braces nun. Madaming bagay na nagkasundo kami agad. Alam niyo bang kahit nagkikita kami sa taping palagi, nagsusulatan pa rin kami kahit small notes lang. Mahilig kaming mag-picture-taking at magbigayan ng kung anu-anong bagay.

Mas naging close pa kami ni Rica nung time na nag-taping ng Ang TV summer special at hindi kami nakasama kasi pareho kaming nagka-beke. Kaya kaming dalawa na lang ang nagsulatan at laging telebabad at pinag-uusapan namin kung gaano kasakit yung mumps.

Madami na din kaming napagdaanan. Naging magkaibigan, pinag-away ng showbiz, at ngayon.. magkaibigan na ulit. Sabi nga namin sa isa’t-isa, “We’re grown-ups already. Friends will always be friends no matter what.”

Hanggang ngayon, may communication pa rin kami. At tuwing nagkikita kami, napapagkuwentuhan pa rin namin ang Ang TV. At ‘pag nasa Unang Hirit ako, we text each other. Gising na rin siya ng ganung oras dahil nasa Umagang Kay Ganda naman sya. Sabi nga namin, “Friends will always be friends no matter what…channel!” Hahaha!

DREAM-BLOG

Carol Claire Banawa. Dito ko nilagay sa dream blog si carol dahil bilang isa sa naging close friends ko nang dumating ang second batch, nakita ko rin kung paano siya nabuhay sa showbiz.

Si Carol ay isang simpleng tao na may simpleng pangarap. I can still remember that time when we were talking about our dreams in life. She told me she wanted to have a happy and healthy family of her own. Akala ko nagloloko siya pero nakita ko sa mga mata niya na seryoso sya.

Dami din pinagdaanan si Carol sa buhay niya. Nakita ko siyang nag-e-enjoy lang sa Ang TV hanggang sa hinarap niya yung tragic na nangyari sa pamilya nila nung mamatay yung kuya niya. I saw her being the strongest person in her family. Nung makita ko si carol ng ganun, alam ko na ‘pag nagkaroon siya ng sariling pamilya, maalagaan niya ito ng mabuti.

Now, Carol is living in Arizona with Ryan, her husband, and she has one angel. I know she’s very happy. Kahit sa ibang bansa na nakatira si Carol, hindi niya pa rin nakakalimutang tulungan ang pamilya nya dito sa Pilipinas.

(Read more… )

Sinubukan ko ihabol ang blog na ito nung Pasko pero sa dami ng ginawa ko, ‘di kinaya. Pero hindi pa huli ang lahat. Nung matapos ko yung video, para sa ‘kin, Pasko pa rin. Ngayon, kahit tapos na ang Pasko, magkwentuhan pa rin tayo tungkol sa mga nangyari.

PICTURE-BLOG

I was passing by Fort Bonifacio when I saw this Christmas tree. Talagang sinadya kong kuhanan yung Christmas tree ng gumagalaw yung sasakyan. Parang crazy lights ang dating.

SHOWBIZ-BLOG

“SOP Christmas Party”

Ggaganda ng smile namin diyan ‘di ba. Excited kami kantahin yung “Kumukutitap” sa SOP. Medyo kabado din kami, pero smile pa rin.

’Yan ang unang shot nung mag-Christmas party kami para sa SOP. Nasa isang table lang kami.

Nung dumating si Ruffa Mae, Raymond, and Kyla…picture, picture na naman!!!

At nung umalis si Kyla, dumating naman si Gian kasama si Sheree, kaya pagtalikod namin ni Ruffa Mae…picture ulit!!!

At eto, hanggang sa kami na lang ni Ruffa Mae ang natirang nagpi-picture-picture!

Nag-Christmas party ang buong SOP sa Zirkoh Timog. Ang daming raffle prizes. May mga ibang artist, recording company at radio station na nagpadala ng pang-raffle. Masaya yung party.

Nung dumating ako dun, nakita ko agad si Regine Velasquez, pero mag-isa lang sya. Tinanong ko agad kung ‘asan si Ogie, sabi nya may pinuntahan pa daw na event, susunod din daw agad sa party.

Nakita ko din si Dingdong at ‘di nya kasama si Karylle. Yun pala, may dinaanan pa si karylle bago pumunta sa party. Andun na din sina Aicelle at Maricris. Nakita ko din sa isang table sina Mark Herras, Rainier Castillo at Yasmien Kurdi. After ng isang game, umalis din agad si Yasmien kasi pupunta pa daw s’ya sa Christmas party naman ng Pasan Ko Ang Daigdig.

At dumating na nga sina Karylle, Janno, Kyla, Jay Durias, Ruffa Mae, na kasama si LJ Moreno. Dumating din si Raymond Gutierrez.

Nandoon din si Gian Magdangal, na kasama nya si Sheree. At take note! Di n’ya iniwan si Sheree. Lagi s’ya nakabantay…naks! At dumating na din si Ogie.

Nagsayawan ang lahat nung tumugtog ang Bloomfields. Tawanan at chikahan lang kami dun habang nagpapa-raffle yung staff. Hanggang sa ‘di namin namalayan na 2:00 a.m. na pala. Nung makita ko yung oras, nauna na akong nagpaalam. At sumunod na din yung iba.

Ang Christmas party ng SOP ay Sobrang Okay Pare!!!!

JOLINA-BLOG

“Isang upuan lang”

Nung November 7, nag-presscon ako para sa Ebay Philippines. Kinuha nila ako para maging endorser. Mula nun, dami ko nang natutunan about internet shopping.

Pasko na…wala pa rin akong regalo sa family at friends ko. Hindi na kasi ako nagbalak mag-shopping sa mall kasi sobrang traffic kahit saan at medyo nagdikit-dikit na ang schedule ko.

Pag-uwi ko kagabi, December 27, nag-online ako sa www.ebay.ph. Ayun!!! Natapos ko ang Christmas shopping ng isang upuan lang. Ang galing! Nilista ko sa notebook lahat ng mga bibigyan ko ng regalo at nilista ko din yung regalo na ibibigay ko sa kanila, ‘tapos nag-search na ako ng mga items. Maya-maya lang, nakumpleto ko na yung mga regalo ko. Walang kahirap-hirap. Nag-enjoy pa ako kasi ang dami pang ibang items na nakita ko. Daming p’wedeng pagpilian sa category na gusto mo—may gadgets and computers, health and beauty, antiques, clothes and accessories, at madami pa. Na-order ko na lahat at kinabukasan nai-deliver na yung mga items.

‘Di ako na out of place nung mag-exchange gifts.

DREAM-BLOG

“Isang munting doctor”

Nung Sunday sa SOP, may studio audience kami na mga bata na may cancer na sinusuportahan ng Kapuso Foundation. Habang nagre-rehearse kami para sa “constellation of stars” segment, nakipagkwentuhan muna ako sa mga bata habang ‘di ko pa part sa kanta. Tinanong ko yung ilang bata dun kung ano ang pangarap nila sa buhay. Iba-iba ang sinagot ng mga bata, meron gusto maging artista, teacher, pulis at isa gusto maging doctor. Tinanong ko yung bata bakit nya gustong maging doctor, ang sabi nya, “Gusto daw n’ya na gamutin ang mga batang katulad n’ya na may cancer.” Sabi pa n’ya, ayaw daw n’yang maranasan ng ibang bata yung hirap at sakit na nararamdaman nya. Kaya ngayong Pasko, nagpapasalamat daw s’ya sa araw-araw na blessings na binibigay sa kanya ni God.

It breaks my heart to hear this kind of statement, especially from a young child. I’ll always pray that she’ll survive and make her dreams come true.

STREAMING

“Ang kati ng kamay ko.”
“Init ng tubig ha…sarap maligo!”
“Nasan na yung charger ko?”
“Makatayo na nga para ‘wag ako ma-late.”

Nung Thursday, December 27, binangga yung van namin ng isang lasing na teenager habang papunta ako ng GMA para sa Unang Hirit. Eto ang mga tumakbo sa isip ko.

“Kahit ano palang ingat ang gawin mo, kung may mangyayari, may mangyayari talaga kahit hindi ikaw ang may kasalanan.”

“Bakit kaya ang lakas pa rin ng kabog ng dibdib ko?”

“Second life ko na kaya ito?”

“Buti walang nangyari sa ‘kin.”

“Thank you, Lord, at di ako nasaktan.”

“Sarap mabuhay!”

FINAL NOTE

Nag-promise ako na gagawan ko kayo ng video sa kantang “Sana Ngayong Pasko.” Eto na yung pangako ko.

Sa lahat ng nag-comment at nagpadala ng pictures, maraming salamat. Sana magustuhan n’yo itong ginawa kong video.

P’wede nyong sabihan ang mga mahal nyo sa buhay na panoorin itong video para makita nila kung gaano sila kahalaga sa inyo. Eto yung LINK [http://www.pep.ph/blogs/chuvachika/?p=17].

Sa comments n’yo naman, sana mailagay ninyo ang message o dedication n’yo para sa kanila at sabihin n’yo kung gaano nyo sila kamahal.

Alam nyo ba na twice ako na-cover sa mga magazines ng Summit Publications nitong 2nd half of 2007? Sa Preview magazine at sa Good Housekeeping. Tapos ngayon, blogger pa ako sa PEP website nila. Maraming salamat sa Summit.

To Ms. Anette Gozon-Abrogar and Noel Ferrer of GMA Films, thank you. Dahil sa meeting nila sa Summit, nalaman ko na pwede pala ako magka-blog sa PEP.

At eto na! Kay Anna Pingol na kauna-unahan kong tinawagan para magtanong tungkol sa blog ng PEP. Si Anna, tagal ko nang kakilala yan….Ang TV days pa…Para sa ‘kin, isa rin s’yang Ang Tv kid. Esmyuskee!!! Sa lahat ng sumubaybay sa Ang TV dati, maraming salamat. Alam na alam ko na kapag 4:30 na, nagmamadali na kayong umuwi dahil Ang TV na!!!

To Ms. Karen Pagsolingan, ang aking textmate nung nag-aayos pa lang ako ng blog. May secret na nga kami, e. Alam n’yo kung ano yun? Secret!!!! Sana minsan, mag-chikahan naman kami ng ibang bagay. Eh, kung lovelife nya kaya? Uuyyy!!! Thank you, Ms. Karen. ‘Wag ka makulitan sa ‘kin, ha.

And most especially to Ms. Jo-Ann Maglipon. Super bait n’ya pala talaga. Sa una naming pag-uusap sa phone, she made me feel so comfortable. Down to earth na tao. Thank you for giving me the opportunity to have a blog.

Sa PEP, ang galing nyo!!

PHOTO BLOG

“SUNKEN CEMENTERY”

Nung magshooting kami sa Camiguin ng Ouija. Nagandahan ako sa lugar na ito dahil napaka-dramatic ng paligid. Kaya di ko pinalagpas at kinunan ko ng picture.

Tinawag sya na Sunken Cementery kasi sementeryo dati yung lupang kinatatayuan nung cross, hanggang sa pinasok na ng tubig dagat at lumubog yung lugar na yun. Kaya pinagawaan na lang nila ng malaking cross para landmark yun na sementeryo s’ya dati. Isa ang Sunken Cemetery sa mga pinupuntahan ng mga turista sa Camiguin.

SHOWBIZ BLOG

“Magpo-produce kami”

May nabasa ako na comments sa una kong entry na nagtatanong kung ano ba daw ang ginagawa namin habang off cam pa kami sa SOP, at kung enjoy daw ba sa studio? Sobrang enjoy sa studio ng SOP at hyper lahat ng tao kasi live yung show. Nasa dressing room lang kami at kwentuhan nang kwentuhan. At dahil sa chikahan namin na yun, napagkasunduan namin nina Kyla, Karylle at Jay-R na mag-produce ng isang project. Dapat gagawin na namin yun ngayong December, pero sa sobrang busy dahil Pasko, naisipan namin na next year na gawin kung ano yun. Ano hula nyo?

JOLINA BLOG

“HAPPY FIESTA!”

Nung Friday last week, nagpunta ako sa Puerto Princesa Palawan para sa isang show. Fiesta kasi doon at laging may show na ginagawa ang i-fm para sa mga lugar na may fiesta. Kasama ko doon sina Jennilyn Mercado, Christian Bautista, Chad Peralta at Jay Perilla. Ang kulit ng grupo. Ang saya kasama. Next show, Cebu naman!!!

Medyo napaaga ako sa airport kaya kumain muna ako ng favorite ko na crabstick sandwhich.

Ini-imagine ko na lang hindi mainit ‘pag umandar na.

(Left photo) Walang magawa kundi magkulitan. Wala si Jen dito kasi s’ya yung kumakanta nun, e.

(Right photo) Sa backstage, ‘eto kaming lima nung di pa nag-uumpisa yung show. Teka, sa’n kaya nakatingin si Jennylyn?

DREAM BLOG

Nung Sunday, nag-show ako sa Duty Free para i-welcome ang mga balikbayan na OFW. Na-excite ako nun kasi idol ko talaga ang mga OFW. Bilib ako sa kasipagan nila at sa lakas ng loob nila na mahiwalay sa mga mahal nila sa buhay, para lang makatulong sa pamilya nila. Alam na alam ko ang pakiramdam nila dahil naranasan ko yan nung long distance pa kami ni Bebong. Siya yung parang OFW, tapos ako yung mahal sa buhay na naiwan dito. Yan yung tipong lulubusin mo yung pagkakataon na magkasama kayo dahil aalis ulit yung mahal mo. Haaayyyy!!! Dun sa mga nagtatanong kung mahirap ba ang long distance relationship, mahirap talaga pero kung may pagtitiwala kayo sa isa’t isa, makakaya n’yo lahat kahit gaano pa kayo kalayo.

Ang galing din ng mga OFW. Sa kagustuhan nilang matupad ang mga pangarap nila at makatulong sa pamilya, kinakaya nilang lakasan ang loob nila.

Kagabi nag-search ako sa you tube ng mga music video ng kanta ko at nagulat ako na may ginawang music video si batangtondo sa ni-revive kong kanta na “Sana Ngayong Pasko.” Salamat kay batangtondo sa ginawa mo, sobrang na-touch ako. I’d like to share the video with all of you.

Gusto ko kayong gawan ng ganyan. Kaya send n’yo na mga picture n’yo or ng barkada, or pamilya nyo para maisama ko sa video. Ipadala nyo sa jolinapep@yahoo.com. Two days lang ang hintayan ng pictures para magawa ko agad yung video.

STREAMING

“Grabe namang traffic ito!”
“OA ang lamig dito…sakit sa ulo.”
“Saan kaya nailagay yung dala kong Splenda?”
“Siguro maagang dadating yung make-up artist.”
“Makapaglagay nga ng scented candles sa bag para bukas.”
“Ang bilis naman magkaalikabok dito!”

FINAL NOTE

‘Di ba sabi ko sa inyo na makikinig ako sa istorya nyo, may napili na akong story na kinuha ko sa mga comments at yun ang pagkukwentuhan natin sa next blog ko. Kaya sige lang, kwento lang kayo at pipili ako.

Hello!!! Happy Fiesta!!!

Welcome to CHUVA CHIKA! Blog header pa lang, excited na ako. O, di ba, bright pink? Kasi ang gusto ko, eh, maging masaya tayo dito.

Madami tayong pwedeng pagkwentuhan. Syempre, bibigyan ko kayo ng update tungkol sa nangyayari sa ‘kin. But more importantly, I want to hear your story.

Gusto ko din malaman yung reactions and feelings n’yo about our topics. Most blogs are about the life of the blogger. Dito sa CHUVA CHIKA, I want to hear your story, kasi minsan, masarap lang yung alam mong pinakikinggan ka. Kaya magkwento na at makikinig ako.

As much as possible, eto yung magiging sections ng future entries ko para sa blog.

1) PHOTO-BLOG: my favorite picture of the day na ako mismo ang kumuha.

2) SHOWBIZ-BLOG: kwento tungkol sa mga inside info na alam ko sa showbiz.

3) JOLINA-BLOG: all about me.

4) DREAM-BLOG: mga kwentong pangarap sa buhay at may pag-asa.

5) STREAMING: Ooopss!!! ‘Wag kayo magulat dito dahil hardcore blogging ito.

No editing…kung ano lang ang maisip ko sa oras na yun…kahit walang koneksyon.

Naku!! Dahil ngayon pa lang excited na ako maglagay ng picture, kaya eto na…

Behind the scene shots ng taping namin para sa Unang Hirit anniversary special na ipinalabas nung December 5. Nagkaroon kami ng short film. Kunwari manang ako, ‘tapos si Regine Tolentino ay isang fairy, na ang misyon ay i-makeover ako.

Medyo naupod yung black eye liner ko sa paggawa ko ng kilay at mga pimples ha.

Ayan, straight hair and flawless na! Bongga!

Simula pa lang yan. Kayo naman ang magkwento!

Welcome to WordPress. This is your first post. Edit or delete it, then start blogging!