Kapag kinuhang ninong si Mark ng magiging anak nina Paolo at Lian, papayag ba siya?

"Ninong na naman ako? Yun na lang ba ang papel ko sa buhay, ninong?" tawa ni Mark, na ninong din ang anak ng ex-girlfriend niyang si Jennylyn Mercado.

"Seriously," dagdag niya, "oo naman, papayag ako. Kami naman ni Pao, ever since naman, kahit nung simula pa lang ang tungkol sa kanila ni Lian, magkaibigan kami. Walang problema sa amin."

Although matagal na silang hindi nagkikita ni Lian, okay pa rin naman daw ang sitwasyon nila. Kaya walang nakikitang rason si Mark para tumanggi kapag kinuha siyang ninong.

"E, kung ibigay sa akin ni Pao, e. Okay lang, walang problema."

Hindi pa naman daw siya kinakausap nina Paolo at Lian tungkol sa pagni-ninong. "Pero kapag sinabihan nila ako, okay lang. Wala namang kaso yun. Ninong ulit!" tawa niya.

Baka forever siyang maging ninong ng anak ng mga nagiging ex niya?

"Kapag may pantatlo na, baka sumpa na sa akin yun, a!" tawa nang tawang sabi ni Mark.