Last May 25 ay nag-celebrate ng kanyang 37th birthday si Gelli de Belen.

Inintriga si Gelli ng PEP (Philippine Entertainment Press) at iba pang entertainment press na bumista sa taping ng Panday Kids last Thursday, May 27—'yon bang bagong white Nissan Patrol na gamit niya ang naging birthday gift sa kanya ng asawang si Ariel Rivera?

"Hindi naman. Hindi talaga siya gift. Alam n'yo, kahit naman ibinigay niya sa akin, wala naman sa akin yun. Basta may sasakyan ako na papuntang trabaho, kasya ang gamit, okey na ako!" natatawang sabi ni Gelli.

Two weeks before her birthday pa raw nang ibigay ni Ariel ang sasakyan sa kanya. Pero natatawa itong nagkuwento sa talagang birthday gift ng asawa sa kanya sa mismong birthday niya.

"Hay, naku, binigyan niya ako ng regalo! Yun pala, noong isang araw, nagtatawag siya kay Janice [de Belen] at saka kay Carmina [Villarroel] at saka sa nanay ko kung ano raw ang gift na ibibigay niya sa akin. Hindi rin nila alam. Kasi kahit ako noong tinatanong nila ako, sabi ko, hindi ko rin alam. Wala akong gusto. At saka bilang hapong-hapo nga ako dahil dito sa Panday Kids na patapos na, at ang dami-dami naming taping at kagagaling ko lang ng Singapore for Zooperstars. So, hilong-hilo talaga ako kaya kapag tinatanong nila ako, 'Anong gusto mong gift?' hindi ko talaga alam, wala akong maisip. So, si Ariel, nagkusang-loob. Lumabas siya kasama ang mga bata [Joaqui and Julio]. Binilhan nila ako ng gift.

"So, ano raw ang gift? Nilabas. Iniabot. Libro! 101 Ways to Spoil Your Husband! Tapos tawa sila nang tawang tatlo, silang mag-aama! Sabi ko, 'Para sa akin ba talaga 'to?' Wala raw silang mahanap na gift. Hirap na hirap daw siyang maghanap, so yun ang binili nila. Kalurkey!" natatawang kuwento ni Gelli.

Biro naman namin kay Gelli, ibig sabihin, hindi niya kasi ini-spoil si Ariel?

"Hindi pa ba? Kulang pa pala!" natatawa pa rin niyang sagot. "Di bale, sa birthday niya, maghanda siya sa gift ko, 101 Ways to Spoil Your Wife! Hahanapin ko talaga 'yan!"

Twelve years na raw silang kasal ni Ariel. Pero kung isasama sa bilang ang limang taon na magkasintahan pa lamang sila, nasa 17 years of togetherness na raw sila. 

"Akalain mo yun?  Sabi ko nga, 'Honey, almost half of my life,'" nakangiting sabi ni Gelli.

LAST WEEK OF PANDAY KIDS. Final week na ng Panday Kids ngayon. Sa taping nga nito ay naabutan namin si Gelli na naka-costume pa. Bilang nanay ni Buboy Villar ang role na ginagampanan ni Gelli sa naturang fantaserye ng GMA-7.

How does she feel na final taping na niya noong makausap siya ng PEP?

"Natutuwa dahil hindi na ako masyadong mapupuyat, pero nalulungkot dahil, siyempre, parang nasanay na ako na magkakasama kami. Nagkakapuyatan na. Sa tagal-tagal na kung anu't ano na ang nalaman namin sa isa't isa. Pero wala, e...it happens, that's what it is," sabi niya.

Na-enjoy naman daw niya ang ginawang fantaserye kahit matagal bago siya nagbalik sa pag-arte nang full-time. 

Gusto ba niyang fantaserye pa rin ang next project niya?