Pinatunayan ni Toni Gonzaga ang title niyang "Multimedia Star" dahil napuno niya ang Smart Araneta Coliseum noong nakaraang Biyernes, September 30, 2011. Ang concert na tinaguriang Toni@10 ay ang kanyang pagdiriwang ng kanyang 10 years sa showbiz.

Masasabing very successful ang kanyang concert dahil star-studded ang concert sa dami ng mga artistang kaibigan ni Toni na nanood para suportahan ang TV host-actress.

Maging si Mariel Rodriguez ay humabol para manood ng concert ni Toni, sa kabila ng nababalitang may alitan sila ni Toni. Suportado rin ng mga ABS-CBN executives si Toni dahil nanood sina Ms. Linggit Tan, Ms. Cory Vidanes, Ms. Malou Santos at Ms. Charo Santos-Concio na nakikitawa sa kakaibang performances nina Vice Ganda at Pokwang.

Naging bahagi ng concert ang mga taong naging bahagi ng kanyang career sa showbiz tulad nina Piolo Pascual, John Lloyd Cruz, Sam Milby, Bhong Navarro, Pokwang, Vice Ganda, Gary V at ang kanyang kapatid na si Alex Gonzaga.

Isa sa mga highlight at tinilian ng mga tao sa concert ay ang  striptease dance ni Vice Ganda kay Direk Paul Soriano bilang stag party daw nila bago sila ikasal ni Toni Gonzaga. Gulat na gulat at hiyang-hiya si Direk Paul sa mga sexy dance sa kanya ni Vice Ganda suot ang red tangga dress.

Matapos ang concert ay nagkaroon ng pagkakataon ang PEP.ph na makapanayam si Toni kung anong pakiramdam niya na very successful ang kanyang concert. Narito ang ilan niyang pahayag:

Saang part ng concert ka na-sorpresa?

"Lahat, halos lahat ng mga guest ko bigatin, kasi naging bahagi sila ng ika sampung taon ko sa industriya kaya nagpapasalamat akong lahat sa kanila.

Alam mo ba na papaakyatin sa stage si Direk Paul upang sayawan ni Vice?

"Hindi, kaya nga lumabas ako,  sabi ko ano nang nangyari."

Natakot ka ba dun?

"Oo! Kaya lumabas ako agad. May mga pasabog na ganun."

Kamusta na kayo ni Mariel?

"Nandiyan sya, nanood sya. Of course, I'm very happy, na nakapunta siya at si Binaca Gonzales, at yung ibang Kapamilya na nandito na naka trabaho ko."