Hindi nasayang ang pagod ni Lovi Poe sa pagdalo niya sa kakatapos na Star Awards for Movies nitong nakaraang Miyerkules na ginanap sa Meralco Theater.

Nakuha niya ang tropeyo sa pagka-best supporting actress para sa pelikula niyang Yesterday Today Tomorrow.

Inilahad ni Lovi sa PEP.ph (Philippine Entertainment Portal) ang kasiyahan niya sa natanggap na award at kung ano ang pinagdaanan niya sa pelikula dahilan para ma-appreciate niya nang husto ang pagkakapanalo.

"Kasi isa yun sa mga parang kinabahan ako sa pelikula. 

"Kasi after kong mag-dubbing, parang nalungkot ako, parang hindi ko nagawa yung best ko.

"Kasi ganun ako e, parang I'm my own worst critic. 

"Pag pinapanood ko ang sarili ko, parang nadi-disappoint ako. Parang ganun ako lagi.

"But then nung binigyan ako nito [trophy] for that movie, nagulat [ako] and thank you so much!"

Tatlo na ang best actress awards ni Lovi at ang napanalunan niya sa Star Awards ay ang kauna-unahan niyang best supporting actress award.

MOVIE WITH NORA AUNOR. Noong matanong si Lovi tungkol sa napabalitang pagsasama umano nila ng Superstar na si Nora Aunor sa pelikula, nag-isip ang award-winning actress.

"Hindi ko alam... hindi ko alam kung ano yung balita about that. 

"Pero may mga naririnig ako na something na ganon. 

"May pinag-uusapan pero nothing is final yet. 

"Pero just in case I would be given the opportunity, I would love to share the screen with her.

"Kasi isa naman sa mga pangarap ng lahat ng tao na makasama siya.