Isang nakakaintrigang mensahe ang inilabas ni Dra. Vicki Belo sa kanyang Twitter account ngayong hapon, Pebrero 10, tungkol sa fiancé niyang si Hayden Kho.

Ayon kay Vicki, "nancycastilogne you can now openly date @haydenjr . You have my blessings . Hope you'll both be happy ."

Sa naturang mensahe, tila ipinahihiwatig ng celebrity cosmetic surgeon na hiwalay na sila ng nobyo.

At ang dahilan: ang aktres na si Nancy Castiglione.

Mas lalong umingay ang alingasngas tungkol sa umano'y hiwalayan ng dalawa dahil agad na sumagot si Hayden sa mensahe ni Dra. Belo gamit din ang Twitter account.

Ani Hayden, "Before things go out of hand: Vicki and I are just having a misunderstanding. Don't make conclusions. There's NO infidelity issue here."

Nag-post muli ng mensahe si Hayden sa kanyang Twitter account:

"I feel that the public doesn't have to get involved in this but since names have to be cleared and this issue involves the welfare of two innocent toddlers, I will have to speak out my piece, but at the right time. Thank you."

NO SIGNS OF TROUBLE? Totoo nga kayang hiwalay na ang magkasintahan?

Kahapon, February 9, una nang lumabas sa PEP Alerts na hindi na raw interesado ang beauty doctor sa kasal nila ng doctor-turned-entrepreneur.

Nakapagtataka ang bagong yugtong ito sa relasyon nina Hayden at Vicki.

Nito lamang kasing Sabado, Pebrero 4, ay nakita pa silang magkasama at malambing sa isa't isa sa isang children's party na ginanap sa NBC Tent sa The Fort.

Masaya rin silang humarap sa media noong Martes, Pebrero 7, sa Skin party sa Genting Club, Resorts World Manila.

Sa interview ng dalawa sa media ay sinabi nilang matutuloy ang plano nilang pagpapakasal ngayong taon.

THE HAYDEN-NANCY CONNECTION. Ano naman ang kinalaman ni Nancy Castiglione sa isyung ito?