“It is the key piece!” ganito inilarawan ni Mariel Rodriguez-Padilla ang fashion accessories.

Nakapanayam ang TV host ng PEP.ph (Philippine Entertainment Portal) noong Agosto 15, sa Sir Boy’s Food Republique sa Panay Avenue, Quezon City.

Dito ay sinabi niyang ang mga accessories ay isa sa mga pinaka-importanteng bagay sa wardrobe ng bawat babae.

Aniya, “It makes the difference, so it is very important. It is the key piece that you should have.”

Dagdag pa niya, kahit napaka-simple lamang ng damit, basta’t may accessories ka, “It livens up everything.”

Pinanindigan naman niya ito sa mismong outfit na suot niya noong araw na iyon.

Bukod sa bumagay sa kanya ang purple balloon dress na kasuotan, mas naging buhay ito dahil tinernohan niya ng silver animal skin high-heeled sandals at beaded coral necklace.

Pero paalala niya sa paggamit ng accessories: “Don’t overdo it.”