Sa kaka-browse namin sa Facebook account ng mga kaibigan namin ay natiyempuhan naming naka-post sa profile ni Paolo Ballesteros ang litrato ng kanyang baby na si Keira Claire. Kasalukuyang nasa New York si Paolo.

Natupad ang wish ni Paolo na maipanganak ang kanyang anak sa mismong araw ng kanyang birthday last November 29. Nai-post ng actor-TV host ang picture ng kanyang baby girl noong November 30.

Nagpadala kami ng mensahe kay Paolo at nagtanong kami tungkol sa ibang detalye ng kanyang baby girl, pero hindi pa sumasagot ang Eat Bulaga! host. Siguro ay ninanamnam pa niya ang moment ng kanyang pagiging daddy.

Nakita na rin namin ang ina ng kanyang baby na si Maria Katrina Nevada. Marami silang mga litrato na magkasama sa Facebook account ni Paolo at mukhang masaya naman silang dalawa.

Huling napanood si Paolo sa GMA telefantasya na Dyesebel. Pagkatapos nito ay lumipad siya sa U.S. dahil gusto niyang nasa tabi siya ng kanyang girlfriend kapag nanganak ito.

May hawig kay Paolo ang kanyang baby girl, na mukhang ipinangalan nila sa Hollywood actresses na sina Keira Knightley at Claire Danes.