Kulang-kulang isang taon ay naging inactive ang young actor na si Patrick Garcia sa showbiz. Pero napag-uusapan pa rin siya dahil sa kinahinatnan ng relationship nila ni Jennylyn Mercado, ang ina ng kanyang anak na hanggang ngayon ay hindi pa niya nakikita nang personal.

Sa kanyang paglitaw muli, Patrick has realized na ang pag-aartista pala ang talagang buhay niya.

"I've been doing it for so long at saka, matagal ko na itong ginagawa. At saka, kailangan ko rin ng trabaho and this is what I know," sabi ni Patrick sa interview ng PEP (Philippine Entertainment Portal) sa presscon ng Kung Aagawin Mo ang Lahat Sa Akin last Wednesday, June 17.

Nang pansamantala siyang mawala ay nag-aral at nagtrabaho rin daw siya.

"Nag-aral ako abroad. Nag-work ako sa daddy ko. Pero hindi para sa akin ang desk job. Nabu-bore ako, e. Although I tried it, yun nga lang, nakaka-bore lang!" natatawang pag-amin ni Patrick.

Aminado rin ang young actor na ang naging mga isyu sa kanila ni Jennylyn ang dahilan kung bakit kinailangan niyang mag-lie low muna noon.

"That's one reason why I kinda left for a while, to make some issues die down. Kasi sometimes, it's hard that people think of you this way at naniniwala sila sa kung anong sinabi sa 'yo. Just to make it stop lang. 

"But for me naman, how I feel within, I'm strong and confident naman. I know myself. I know what's true and what's important for me is what my family believes. My close friends, alam nila kung ano ang totoo."

ABSENTEE FATHER. Father's Day na sa Linggo, June 21. How can he feel how it is to be a dad kung hindi pa niya nakikita nang personal ang anak niya?

"Oo nga, e, hindi ko pa nakikita ang anak ko. So, I still don't know how to be like a dad. Hindi ko pa rin nararamdaman. Siguro, when I see my son. Paano ko mararamdaman yun?" pag-amin niya.

But is there an urge for him to see his son, Alex Jazz?

"Oo naman, may urge," sagot ng binatang ama. "But of course, no matter what urge I have, or kung anuman ang effort na gusto kong gawin, pinipigilan ko ang sarili ko dahil ayokong mabalewala or ipagtulakan lang ako. Baka yung effort ko, e, balewalain lang.

"Gusto ko na 100 percent na okey sa kanya [Jennylyn] na makita ko ang anak ko. Para pagpunta ko dun, wala nang diskusyunan, wala nang away. Iwas-intriga, whatever it is, di ba? The important thing is, it's not about me anymore or about her, it's about our son."

May dating na ba sa kanya ang Father's Day?

"First Father's Day ko nga," nangiting sabi niya.