Bookmark Us!
Child star Buboy Villar says winning acting awards will not puff up his head



  "Wala po akong karapatan na magyabang kasi marami pa po akong pagdadaanan sa buhay. Simula pa lang ito para sa akin at sana nga po, magtuluy-tuloy ang blessings, hindi lang sa akin kundi pati sa buong pamilya ko," says Robert "Buboy" Villar about winning another Best Child Performer trophy.

Noel Orsal

Child star Buboy Villar says winning acting awards will not puff up his head

Ruel J. Mendoza

Wednesday, January 6, 2010
07:20 PM

Rating

Hinding-hindi raw makakalimutan ng child actor na si Robert "Buboy" Villar ang taong 2009 dahil ito ang masasabi niyang pinakasuwerte niyang taon mula nang pasukin niya ang showbiz.

 

Bago kasi matapos ang 2009 ay nabiyayaan si Buboy ng Best Child Performer trophy para sa pelikulang Ang Panday sa Metro Manila Film Festival (MMFF) Awards. Second trophy na ito ni Buboy mula sa MMFF dahil noong 2008 ay siya rin ang nag-uwi ng Best Child Performer trophy para sa "Nieves" episode ng Shake, Rattle & Roll X.

 

Hindi naman nahiyang aminin ni Buboy sa PEP (Philippine Entertainment Portal) na ipinagdasal niya talaga na siya ang manalo. Isang magandang Christmas at New Year's gift daw iyon para sa kanya.

 

"Salamat sa Panginoon kasi Siya ang dahilan ng mga nangyayari sa buhay natin ngayon. Wala ang mga blessings na ito kung wala si God. Siyempre, salamat sa aking pamilya na nandiyan parati, ang mga kaibigan ko, at lalo na kina Senator Bong [Revilla] at Kuya Ipe [Phillip Salvador] na inalagaan ako noong ginagawa namin ang Panday. Congratulations din po sa kanilang dalawa dahil ang galing nila sa pelikula namin," nakangiting sabi ni Buboy.

 

Ipinapangako ni Buboy na hindi raw lalaki ang ulo niya o magiging mayabang dahil isa na siyang award-winning child actor.

 

"Hindi naman po ako pinalaki ng mga magulang ko para maging mayabang," sabi niya. "Gusto ko ngang i-share ang trophy ko sa ibang nominees. Lahat naman kami nagtrabaho nang maayos at deserving kaming lahat sa award.

 

"Wala po akong karapatan na magyabang kasi marami pa po akong pagdadaanan sa buhay. Simula pa lang ito para sa akin at sana nga po, magtuluy-tuloy ang blessings, hindi lang sa akin kundi pati sa buong pamilya ko."

 

TYPHOON ONDOY. Nakaramdam din ng matinding problema si Buboy at ang kanyang pamilya noong 2009 nang maging biktima sila ng Bagyong Ondoy. Pinasok ng mataas na baha ang kanilang bahay at marami silang gamit na nasira. Pero dahil sa sipag ni Buboy ay nakabangon sila at unti-unting nabalik ang mga nawala sa kanila.

 

Ngayon nga, bukod sa may bago nang sasakyan si Buboy ay napaayos na rin niya ang kanilang bahay. May malaking ipon na rin ang child star sa bangko at tinulungan nga siya ng kanyang manager na si Direk Maryo J. de los Reyes.

 

"Isa si Direk Maryo sa sobrang pinapasalamatan ko dahil naniwala siya sa talent ko at hindi niya po kami pinababayaan. Lahat ng meron ako ngayon, malaking bahagi no'n ay galing sa tulong ni Direk Maryo," saad ni Buboy.

 

PANDAY KIDS. Nalalapit na ang pagtatapos ng Darna, kung saan gumaganap si Buboy bilang Ding, pero may next show na kaagad siya sa GMA-7 pagkatapos nito. Ito ay ang Panday Kids kung saan makakasama niya sina Jolina Magdangal, Jackie Rice, Polo Ravales, Lovi Poe, at JC de Vera.

 

Excited na nga si Buboy na masimulan ang Panday Kids dahil kakaibang action-fantasy adventure series ito na pambata at pang-matanda.

 

"Ikinuwento pa lang po sa akin ang Panday Kids, parang gusto ko nang mag-taping para sa show na 'yon," sabi niya. "Pero matagal pa kami magsimula. Magpahinga raw muna ako after ng Darna.

 

"Gusto rin po ni Direk Maryo na tutukan ko ang pag-aaral ko. Naka-home study program kasi ako. Kaya kahit nasa taping ako, lalo na kapag breaktime namin, may mga binabasa ako at may assignments akong ginagawa. Gusto ko po sana sa school talaga, pero hindi ko raw kakayanin kasi may taping at shooting ako."

 

Dagdag niya. "Okey naman ang ginagawa ko kasi napagsasabay ko ang trabaho at pag-aaral. Pero dasal ko po na makapasok ako sa totoong school kasi gusto kong magkaroon ng classmates para dumami ang mga kaibigan kong bata. Puro kasi matatanda ang mga nakakasama ko sa trabaho kaya para na rin akong matanda magsalita at mag-isip. Pero okey rin lang kasi marami akong natutunan sa kanila na puwede kong i-share sa mga magiging kaibigan kong mga bata."

 


Join us on Facebook


Pages: 1  

Related Articles
1 2

Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.


Bookmark and Share
Email this link
55 Comments
page    1    2   
Follow us on Facebook Follow us on 4ter Subscribe on RSS Subscribe to Newsletter



Advertisement