Magbibida si Iza Calzado sa upcoming primetime series ng GMA 7, ang The Beauty Queen.

Excited si Iza dahil ang mga makakasama niya sa serye ay puro beauty queens—sina 1969 Miss Universe Gloria Diaz, 2007 Binibining Pilipinas-World Maggie Wilson, at Ms. Universe 2010 4^th runner-up Ma. Venus Raj.

Sa interbyu ng StarTalk kay Iza sa presscon ng nasabing TV series, ang bungad niya, "Kabadong-kabado talaga ako."

Kapansin-pansin naman na lalong gumaganda si Iza.

"Natutuwa ako kapag nakikita ko na maganda yung itsura ko, pero gusto ko, inaayusan ako," pagsang-ayon niya.

Isa pa raw sa mga dahilan kung bakit blooming si Iza ay dahil maganda ang takbo ng lovelife niya sa piling ng boyfriend na si Atticus King.

Wala pa ba silang planong magpakasal?

"I wish for certain things and I wish that whoever is the best man for me, will be my partner for life. Hopefully, it's Atticus.

"But whoever it may be, as long as the guy treats me right until the day I die, then iyan ang panalangin ko talaga," pahayag pa ni Iza.

Kung wala pang balak magpakasal si Iza, tuloy na tuloy naman ang kasal ng co-star niyang si Maggie Wilson sa non-showbiz boyfriend nitong si Victor Consunji sa Disyembre.

Ayon kay Magie sa panayam rin ng StarTalk, "Ang wedding ko will be out-of-town, on a beach sa Legaspi, a private resort.

"Pero I heard na yun nga, yung mga beach weddings hindi raw tumatagal, pero hindi, I have a feeling na tatagal siya, ito na talaga 'to.

"I want to be a good wife and hopefully a good mother to his kids.

"Actually, gusto na niyang magka-baby, kaya lang sabi ko sa kanya mag-wait muna, siguro mga mid-next year siguro. By mid next year, I'll be pregnant na."

Kasama rin sa The Beauty Queen si Katrina Halili, na di gaya nina Maggie at Iza, ay tila na-trauma naman sa pag-ibig.