Excited si Daiana Menezes sa mga puwedeng mangyari ngayon sa kanyang showbiz career under the management of Noel Ferrer.

Si Noel Ferrer ang manager ng mga artistang lalaki na tulad nina Ryan Agoncillo, Paolo Bediones, Kim Atienza, Bayani Agbayani, Luis Alandy, Marco Alcaraz, the Sakto Boys (Rodjun Cruz, Edgar Allan Guzman, and Lucky Mercado), Rainier Castillo, Dingdong Avanzado, at DJ Myke.

Si Daiana ang pangalawang babaeng talent ni Noel, matapos na lumipat din noong nakaraang taon sa kanyang pangangalaga ang Kapuso actress na si Iza Calzado.

Si Noel ay tumatayo ring TV5 Creative Consultant.

"Parang there's a lot to look forward to," sabi ng 23-year-old Brazilian sa pakikipag-usap nito sa PEP (Philippine Entertainment Portal) kahapon, April 5, sa pamamagitan ng BlackBerry Messenger.

"Especially, with the Kapatid network... But that doesn't mean I'm contracted by TV5, ha," paalala ni Daiana.

Mas identified nga kasi ang kanyang present manager sa TV5, lalo na't creative consultant ito ng Kapatid station at may mga show rito ang mga prime talents nito na sina Ryan at Paolo.

Nagsimula sa modeling si Daiana nang madiskubre ng Star Models modeling agent na si Diane Zoleta.

"After modeling around the world for six years, and have been given the chance of going into show business three years ago, my focus isn't in modeling anymore. So, I'm taking a new step in my life," banggit ni Daiana.

Nagpapasalamat daw siya kay Diane at sa mga naitulong nito, hindi lang sa modeling kundi maging sa showbiz career niya.

Labis din daw ang pasasalamat niya sa TAPE, Inc. lady boss at Eat Bulaga! producer na si Malou Choa-Fagar, sa pagtulong nito sa kanya sa mga karagdagang mga trabaho pa sa showbiz.

"Now I guess it's time to go further and more aggressive with Noel Ferrer.

"It was a friendly decision with the concern of Diane Zoleta, who totally understood," sabi niya.

DAIANA HAS ARRIVED. Sa pakikipag-usap naman ng PEP kay Noel Ferrer, sinabi nito na sa kasalukuyan ay bahagi ng radio program na Todo Bigay si Daiana.

Kasama rito ng Brazilian sina Shalala, Bayani Agbayani, Manny Castañeda at X Arnaiz.