Nakausap ng PEP.ph (Philippine Entertainment Portal) si Maxene Magalona sa last taping day ng My Lover My Wife sa Mabayo Pier sa Morong, Bataan, noong Lunes, May 16.

Ang una naming itinanong kay Maxene ay kung ano ang maituturing niyang most unforgettable na eksena niya sa naturang afternoon soap ng GMA-7.

"Kanina, yung nakahiga ako sa uling... Ano pa ba? A, sa Baguio, I did my own stunts, kunwari mahuhulog ako sa cliff, ako mismo [ang gumawa]!" proud na kuwento ni Maxene.

Hindi siya nagdalawang-isip na gawin ang naturang eksena?

"Ginawa ko na, para tapos na. Mataas, 20 to 30 feet," sabi niya.

"May double, kaya lang yung closer shots ko, ako mismo yung nakasabit."

Ito ang pinaka-dramatic show na nagawa niya.

"'Tsaka ang ganda ng story, lahat-lahat," dagdag ni Maxene.

What has she learned from doing this heavy drama?

"Basta yung basahin yung script na mabuti and read between the lines, kung ano ba talaga yung hinihingi ng character.

"Ang mga dayalog dito, hindi ko pa naman nae-experience sa totoong buhay.

"Araling mabuti yung character."

DRAMATIC ACTRESS. Nagulat ba siya na may mga emosyon pa siyang nahuhugot, lalo na sa crying scenes niya sa My Lover My Wife?

"Hindi ako nagulat, kasi sanay na ako e.

"Talagang iyakin ako, kahit noong bata pa ako," sabi niya.