Pagkatapos ng Imortal, inaabangan ng marami kung kailan muling mapapanood si John Lloyd Cruz sa isang teleserye sa ABS-CBN.

Sa interview ng PEP.ph (Philippine Entertainment Portal) kay John Lloyd, tinanong namin siya kung may naka-lineup na ba siyang teleserye.

"Mayroon naman, pero sana 'di siya matagal [umpisahan]. 'Di ko alam kung tatapusin muna itong pelikula bago siya mag-start.

"Kung mag-o-overlap, dahil sabay siya sa pelikula namin. 

"Sana nga rin, 'di magsabay."

Sa ngayon ay abala si Lloydie (tawag kay John Lloyd) sa pelikulang pinagtatambalan nila ni Angel Locsin, matapos ang matagumpay nilang seryeng Imortal. 

FOR THE AUDIENCE. Ayon kay John Lloyd, may mga revision na ginawa sa istorya ng kanilang bagong movie para raw higit itong magustuhan ng mga manonood.

"We [had a] shoot last Tuesday and Friday in Batangas. Ang alam ko, nagkaroon ng revisions.

"Pero ang nakunan pa lang naman is yung first part. Yung simula ng pelikula. 

"Of course, as always, the intention is still is to deliver something different, something new to the audience. 

"Most especially, this is the first time na Angel and I would be in one movie.

"So, we wanna make it special and different.

"Sa akin lang sana, abangan nila talaga.

"Sana matapos yung pelikula according to plan."

Tungkol saan ba ang kanilang pelikula ni Angel?