Nakunan ng pahayag ng Balitanghali ng GMA News TV si Gabby Concepcion tungkol sa breakup ng anak niyang si KC Concepcion sa aktor na si Piolo Pascual.

Ipinalabas ang report kaninang tanghali, November 30.

Kahit daw busy sa promotion ng Metro Manila Film Festival 2011 entry na Yesterday Today Tomorrow, hindi raw maiwasan ni Gabby na mag-alala para sa anak.

Nuunawaan daw niya ang mga pinagdadaanan ni KC.

Ayon kay Gabby, "Andaming challenges kasi sa buhay, e, di ba?

"Pero yung mga dinadaanan niyang challenge, palagay ko, hindi na niya...

"Ewan ko, ewan ko kung mananalo pa siya dun sa challenge na yun.

"Mahirap kalabanin yung ganong klaseng challenge."

May payo namang ibinigay si Gabby para sa anak:

"Let's move on, let's move forward and forget about the past.

"We only learned the hurt that happened to us now, just put it [behind] us."

K BROSAS. Nakausap din ng Balitanghali ang matalik na kaibigan ni KC na si K Brosas.

Ayon kay K, nakasama niya last week sa show sa Nagoya, Japan sina KC at Piolo.

Naging close sina K at KC sa pinagsamahan nilang teleserye noon sa ABS-CBN na Lovers In Paris, kung saan leading men ni KC si Piolo at Zanjoe Marudo.

Kuwento ni K, hindi sila nakaramdam ng tensiyon kina KC at Piolo, kahit na naghiwalay na nga ito during the show sa Nagoya.