Eight years na ang Mercator Artist & Model Management agency na pag-aari ni Jonas Gaffud.

Anong feeling niya sa pagiging sikat ng mga modelo, celebrities at beauty queens na nasa ilalim ng kanyang ahensiya?

“Looking back, parang mahaba na yung eight years, di ba?

“Kung iisipin mo, but it’s a very long way to go. Yung eight years na yun ng Mercator, the biggest part nun, sa modeling and beauty pageants.

"And ngayon pa lang din papasok yung sa showbiz talaga so marami pa akong kakaining bigas,” umpisang sinabi ni Jonas ng makausap ng PEP.ph (Philippine Entertainment Portal) kamakailan.

VICTOR, JC, AKIHIRO. Ang pinakaunang Mercator artist na naging artista ay napunta sa ABS-CBN.

“Si Victor Basa, pero that was co-management with Star Magic.

“Yung solo talaga, si JC Tiuseco, and then Akihiro Sato.”

Medyo matagal nang wala sa sirkulasyon si Akihiro. Nasaan si Akihiro?

“Umuwi siya ng Brazil para asikasuhin yung family niya.

“And then sabi niya uuwi daw siya ng June 10. So mag–uusap ulit kami kasi we lost contact.

“Pero nung May 2 tumawag siya sa akin, nasa Boracay ako, nangangamusta. Sabi niya inaayos lang daw niya ulit lahat ng papers niya, tapos babalik siya ng June 10.

May existing contract si Akihiro sa Mercator.

“Naka-ano [stipulate] ‘yan sa working permit niya, two years pa na under siya sa Mercator.”

DANIEL AND HEART. Dahil ang Mercator din ang manager ng isa pang Brazilian-Japanese star na si Daniel Matsunaga, tinanong ng PEP si Jonas tungkol sa breakup ng kanyang alaga at Heart Evangelista.