Nagiging kapana-panabik ang mga eksena sa primetime drama show ng TV5 na Babaeng Hampaslupa. Kaya naman na-extend ito magmula nang ipalabas ito noong Pebrero ng taong kasalukuyan.

Sa panayam ng PEP.ph (Philippine Entertainment Portal) sa isa sa mga bida ng serye na si Alex Gonzaga, sa set nito sa Malabon noong May 24, sinabi niyang tuwang-tuwa siya sa tagumpay ng kanilang palabas.

"Sobrang happy kasi siyempre first teleserye ng TV5, di ba, napansin, may mga sumuporta talaga," pahayag niya.

Ginagampanan ni Alex sa Babaeng Hampaslupa ang karakter ni Grace Elizabeth Wong, ang nag-iisang tagapagmana ng pamilya Wong.

TURNING SERIOUS. Isang malaking proyekto ang palabas na ito para sa Kapatid network, kaya naman maging si Alex ay may mga ginawa ring paghahanda, bukod pa sa payo ng management sa kanya.

Aniya, "Alam ko for this project malaki talaga yung ni-risk ng TV5.

"Alam kong it's a really big project, so may responsibility ako as an actress na kailangan kong sundin yun kasi tinanggap ko 'to, di ba?"

Kuwento ni Alex, may ilan siyang binitawang mga programa o kung hindi naman ay binawasan ang appearances niya dahil sa Babaeng Hampaslupa.

"Tinanggal po ako sa Lokomoko U," banggit ng nakababatang kapatid ni Toni Gonzaga.

"Tapos sa Juicy, pina-lessen na sa akin yung panggagaya, yung mga skit, yung mga patawa.

"Kinausap nila [management] ako, 'wag na muna [magpatawa] kasi nga para mabuo sa tao na pag nakikita ako dito [sa Babaeng Hampaslupa], seryso."

WORKING WITH VETERAN STARS. Hindi mapagkakaila na malalaking artista ang kasama ni Alex sa programang ito, gaya nina Susan Roces, Eddie Garcia, Alice Dixon, Freddie Webb, at Jay Manalo.

Ano ang nararamdaman niya tungkol dito?

"Kinakabahan talaga ako!" bulalas niya.

"Minsan, parang nai-intimidate talaga ko.