Aminado ang aktor na si Derek Ramsay na kahit noong bali-balita pa lamang ang kanyang paglipat sa TV5, may ilan nang nagsasabi na hindi magiging maganda ang takbo ng kanyang showbiz career dito.

May ilan daw nagsabi na magiging “laos” na siya kung lilipat siya sa Kapatid network, na sinasabing malayong pangatlo sa hilera ng mga dambuhalang networks, pagdating sa ads at ratings. 

Ngunit hindi raw ito inisip ng dating Kapamilya star.

“I don’t believe that,” sabi ni Derek nang tanungin siya ng media tungkol dito sa press conference na inihanda para sa kanyang paglipat kagabi, Abril 10, sa Edsa Shangri-la Hotel sa Mandaluyong City.

Ayon pa sa celebrity athlete, “You know, ako, binigyan ako ng proyekto, hindi ko ginagawa para maging sikat ako. I’m gonna give my best.

“That is something given to me, my responsibility. Gagawin ko ang lahat ng makakaya ko para ma-deliver ang gusto nila.”

Dagdag pa niya, “May mga nagsasabing malalaos na, but that’s their opinion.

“There was somebody from Channel 2 na nagsabi na, ‘I’ll be honest with you...’ He said nga na if I move to TV5, malalaos ako.

“I can understand where they’re coming from.

"Pero sinabi ko na ito, di ba, I remember this: I believe na if I can help this [TV5] grow from this to this, I’ll be more proud of myself.”

HELPING TV5 GROW. Bagamat naging mahirap na desisyon ito para kay Derek, naniniwala siya na tama naman ang kanyang ginawa.

“Like I said earlier, kapag natulungan ko ang TV5 to grow… You know, they trust me now.

“They respect the risk I’ve taken to go with them. And I really don’t think there was a risk.

“My insight in this is that TV5 is just gonna keep growing. And if I can give to that, I’ll be very proud of myself.”

Nakakabuti rin daw ang mga suportang nakukuha niya mula sa mga tao, lalo na doon sa mga nababasa niyang mensahe mula sa social networking site na Twitter.