"Noong mag-'I do' kami, natatawa kaming pareho. Halatang may kaba pero sinabi ko naman kay Mark na this is the happiest moment sa buhay ko ngayon," said Tanya. Laughing, Mark said, "Kaninang umaga pa ako kinakantiyawan ng mga kaibigan ko at ilang relatives namin. Huli na raw ito!" The couple have a two-year-old daughter, Mischa Amidala (in photo, center), and another one on the way.
Mark Lapid and Tanya Garcia finally tie the knot
Sunday, August 1, 2010
07:02 PM
Rating
Natupad na rin ang pangarap nina Mark Lapid at Tanya Garcia na makasal sila. Noong Friday, July 30, naganap ang civil wedding nila sa Marissa Hall sa Porac, Pampanga. Mismong ang mayor ng Porac na si Codralito dela Cruz ang nagkasal sa kanila.
Present ang mga magulang ng bride na sina Mr. and Mrs. Patrick and Cristina Lyttle, and ng groom na sina Senator Lito Lapid and Marissa, at iba pang kamag-anak at ilang malalapit na kaibigan.
Civil wedding muna ang naisip ng mga bagong kasal dahil nasa ikaanim na buwan na si Tanya sa kanyang pagbubuntis sa ikalawa nilang anak. Bago raw ito manganak ay gusto ni Mark na Lapid na ang apelyido ng dinadala ni Tanya. May isa na silang anak, si Mischa Amidala, na two years old na at ipinanganak ni Tanya sa Las Vegas, Nevada.
Ayon kay Tanya, simpleng civil wedding lang naman daw talaga ang gusto niya. Dapat nga raw ay gagawin ito sa garden ng bahay nila sa Porac, pero umulan kinagabihan kaya naiba ang plano.
"Baka maputik kaya naisipan na lang nila Mark na gawin na lang dito sa Marissa Hall ang civil wedding namin. Pero hindi ko inakala na ganito pala kalaki ang ginawa nilang paghahanda. As in, inaasahan ko ay ilan lang kami. Pamilya ko at kay Mark. Pero nakita n'yo naman, halos lahat ng family and relatives nila Mark ay nandito.
"Natuwa naman ako kasi nga isang special occasion ito para sa amin ni Mark and tama lang na i-share namin ito with them. Sila Mommy Marissa at ang mommy ko ang naging punong-abala sa lahat kaya I am so surprised. Pati si Mark, natuwa sa naging preparations kasi ang bilis na nagawa," nakangiting kuwento ni Tanya.
MARK SHOWS HE MEANS IT. Sabi ni Mark, matagal na raw niyang gustong matuloy ang kasal nila ni Tanya. Dapat ay ngayong taon ang church wedding nila, pero biglang nabuntis ulit si Tanya. Kaya civil wedding muna ang ginawa nila at sa April 2011 na ang kanilang church wedding.
"Tuloy iyon at nasa planning stage na," ngiti ni Mark. "Gusto ni Tanya na after niyang manganak [due sa November 2010], magpapa-sexy siya para maganda naman daw siya sa wedding day namin. Nakaplano naman na lahat talaga pero na-move lang namin."
Dagdag pa ni Mark na kaya nila ginawa na ang civil wedding ay para matapos na ang mga tsismis na baka wala raw siyang balak pakasalan si Tanya. Last year kasi ay nakuha na ni Mark ang annulment niya sa unang asawang si Yuri Park, kung kanino meron din siyang anak.
"Naawa kasi ako kay Tanya... Siya yung nagiging target ng mga intriga parati sa relasyon namin. Pero bilib naman ako kay Tanya kasi kinakaya niya ang mga sinasabi ng maraming tao sa kanya. Bilib ako sa patience at pagiging matatag niya sa samahan namin.
"Kaya ngayon siguro ay matatapos na ang mga pintas nila kay Tanya kasi nga, legally, Mrs. Mark Lapid na siya. Kahit na civil wedding pa lang ito, it's still official. Sana ay wala na silang masabing hindi maganda sa misis ko."
NERVOUS I DO'S. Sa naganap na civil ceremony, natatawa pareho sina Mark at Tanya dahil parang di sila makapaniwalang natuloy na ang matagal nilang pinapangarap. Pareho raw silang kinabahan sa pagsagot ng "I do" kay Mayor.
"Ang bilis kasi ng preparations na kelan lang namin pinag-usapan at pinlano. Nasa bahay pa lang kami, tinatanong ko na si Mark kung mabilis lang ba ang civil wedding ceremony? Ang alam ko kasi, iilang tao lang ang present dapat. Sinabi naman niya na gano'n nga at mabilis lang.
"Kaya noong sinimulan na, marami pa palang binasa at sinabi si Mayor. Parang church wedding na talaga. Kaya noong mag-'I do' kami, natatawa kaming pareho. Halatang may kaba pero sinabi ko naman kay Mark na this is the happiest moment sa buhay ko ngayon," ngiti pa ni Tanya.
As for Mark, naranasan na na raw niyang makasal, pero sa pagkakataong ito ay iba raw ang feeling, kaya nakangiti siya sa buong ceremony.
"Natawa ako kasi kaninang umaga pa ako kinakantiyawan ng mga kaibigan ko at ilang relatives namin. Huli na raw ito!" tawa pa niya.
"Talagang handa na ako sa magiging buhay namin ni Tanya at, siyempre, siya lang ang babaeng mamahalin ko at pakakasalan ko sa simbahan. Kapag sinasabi ko 'yan kay Tanya, natatawa siya. Akala niya binibiro ko siya. Pero alam niya kung gaano ako ka-faithful sa kanya. Alam niya kung gaano ko siya kamahal talaga."
SECOND BABY. Hindi pa raw nila alam kung ano ang gender ng magiging second baby nila.
"Nakakatawa nga kasi sa dalawang beses na pagpapa-ultrasound ko, talagang tinatago niya. Parang ayaw pa niyang ipakita kung girl ba siya or boy," biro ni Tanya.
Dagdag pa niya, "Though gusto nga namin sana ay boy kasi may babae na kami, e. Yung mga nakakakita naman sa akin, hula nila ay girl ang magiging baby namin. Halata raw kasi na babae ang pinagbubuntis ko.
- (2ND UPDATE) ELECTION WATCH: Showbiz personalities perform well in the May 2010 elections
- Internal bleeding limits pregnant Tanya Garcia's movements
- Delicate pregnancy inhibits Tanya Garcia from joining future dad-in-law's electoral campaign
- ELECTION WATCH: Celebrities vie for national and local government positions
- Mischa Amidala celebrates Tinkerbell-inspired birthday party
Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.
More Articles
- FIRST READ ON PEP: Ms. Jolina Magdangal is now Mrs. Mark Escueta!
- Pia Guanio confirms marrying Steve Mago in an "intimate ceremony" last October 1
- Kyla and Rich Alvarez set their wedding date on December this year
- Marco Alcaraz's wedding with Lara Quigaman is set for next year, but no definite date yet
- Lani Mercado does not "expect any more hurts" from Bong Revilla, her husband of 25 years
- Senator Bong Revilla and Representative Lani Mercado to renew marriage vows May 28; former Presidents Arroyo, Estrada and Ramos principal sponsors
-
In Focus
John Lloyd Cruz chooses to keep silent about Shaina Magdayao
John Lloyd: "I am indeed better than ever."
-
Looking Back
Star For All Seasons Vilma Santos looks back at her 50 years in showbiz
Vilma names her most memorable films and favorite leading men.
-
Big Shot
Anne Curtis: "I can't believe nag-concert ako!"
Anne will bring Annebisyosa to different countries in the next few months.
-
The Pulse
What PEPsters will watch daily during noontime...
Hosts of both Eat...Bulaga! and It's Showtime! believe that having the same timeslot is a healthy competition.
Most Popular
- Anne Curtis: "I can't believe nag-concert ako!"
- PEP EXCLUSIVE: John Wayne Sace on being pasaway: "Burado na sa isipin ko yun..."
- PART 1. Heart Evangelista on marriage plans with boyfriend Daniel Matsunaga: "Sinabi na rin nga niya sa akin na he wants to marry me."
- Dimples Romana's fuss-free beauty regimen
- David Archuleta to perform at Pyropalooza event
- Heart Evangelista says she's ready to work with Marian Rivera: "Professional lang tayo. Nasabi ko na yung mga gusto kong sabihin and that was it."
- Claudine Barretto "loses" account balance at a bank; money mysteriously disappears as she's about to withdraw it
- Alice Dixson denies separation rumors anew
- Alice Dixson admits husband Ronnie Miranda got affected by separation rumor
- Raymart Santiago and Claudine Barretto deny rumored separation: "We are still together..."
Advertisement
