"No problem po. Wala po akong karapatang tumanggi kung sino ang gusto nilang makasama ko," sagot niya.

BREAK OR NOT? Hindi rin siyempre mawala-wala ang issue na break na raw sila ng boyfriend niyang si Ervic Vijandre. Pero bakit parang hindi siya nalulungkot?

"Bakit ko naman po ipakikita pa kung nalulungkot man ako?" balik-tanong niya. "Gusto ko pong ipakita ang positive side ko. ‘Tsaka bakit kailangan kong malungkot, ang dami pong blessings na dumarating sa akin? Marami akong projects, endorsements, maraming nagmamahal sa akin na nagpapasaya sa akin."

In love ba si Marian Rivera ngayon?

"Lagi po naman akong in love," nakangiting niyang sagot. "In love po ako sa trabaho ko, sa mga friends ko, sa family ko... Lalo na po sa GMA Network dahil napakalaki ng utang na loob ko sa management dahil sa pagtitiwalang ibinibigay nila sa akin."

Ayaw ring mawala ang issue na mas maganda raw ang pagtitinginan nila ngayon ni Dingdong. May maganda na bang nangyayari sa kanila?

"Kay Dong po ninyo itanong ‘yan," sagot niya. "Basta ako, ganito na po ako noon pa, lagi akong masaya. Mahilig lang kaming mag-asaran ni Dong kaya nagkakapikunan, pero hindi naman po natatapos ang araw na hindi kami okey. Kung iba po ang pakahulugan nila, nasa kanila na ‘yon. Hindi ko po babaguhin ang sarili ko."

Dumating daw sa set ng Dyesebel si Antoinette Taus, na dating girlfriend ni Dingdong. Nagkita ba sila?

"Hindi po. May nagsabi lang sa akin na dumating siya kasi nagte-take po ako. Wala pa rin po yata si Dingdong noon. Pero sabi nila, friend daw po niya si Bianca [King] at ito ang pinuntahan niya.

Ayaw paawat ng mga kausap ni Marian. Si Dingdong na ba ang natagpuan niyang "one true love"?