Tuwang-tuwa
ang singer-turned-actor na si Lance Raymundo dahil ang pelikula niyang
Fidel ay napabilang sa official selections ng first Filipino International Film Festival Los Angeles (FIFFLA).
Naka-schedule ang screening ng Fidel ngayong Linggo, October 18,
1 pm, sa Los Angeles Theater Center sa downtown Los Angeles, California.
"Hindi
ko akalain na aabot pa sa L.A. ang movie namin. I'm so happy and I feel
honored by this new development sa Fidel. Lalo na nga't Fidel is my
first lead role movie kaya malaking boost talaga ito sa career ko,"
masayang pahayag ni Lance nang ma-interview ng PEP (Philippine
Entertaiment Portal). Umalis papuntang United States si Lance noong October 15.
Produced
by Piperstorm Pictures and directed by Mark Shandii Bacolod, ang Fidel
ay nagkaroon ng dalawang special screenings sa Metro Manila
na ginanap sa AFP Theater last August 28 at sa Fully Booked, The Fort
last September 30.
Very
special kay Lance ang Fidel dahil lingid sa kaalaman ng marami ay ito
ang kauna-unahang pelikulang ginawa niya bago pa ang special roles niya
sa 2008 Cinema One Originals entry na Motorcycle at The Forgotten Wars;
at supporting roles sa Panahon Na at Cinemalaya 2009 entry na Nerseri.
One year in the making nga ang Fidel, pero walang panghihinayang kay Lance bagkus ay tamang-tama nga raw ang pagpapalabas nito.
"Actually,
blessing in disguise na hindi agad naipalabas ang Fidel. Kasi mas
naging maganda yung pacing ng career ko. From introducing to support
tapos ngayon lead role na. At saka dahil first venture ito ng
Piperstorm Pictures kaya talagang pinulido nila," ani Lance.
Ang
Fidel ay tungkol sa isang lalaking OFW, na ginampanan ni Lance, na
ni-rape ng kanyang among Arabo. Nakulong si Fidel at nalagay sa
deathrow dahil napatay niya ang kanyang amo na bumaboy sa kanya.
Hindi ba siya nag-aalala na baka matuon ang atensyon ng mga tao sa rape scene niya rito?
"Well,
it's a given factor and that's what the movie is about, male rape. But
of course, there are other elements na mapapanood sa movie like yung
importance ng family, yung value ng love at human rights. There are
also other values and lessons na mapupulot ang mga tao rito. The good
part about that is nagiging aware din yung mga tao sa ganitong klaseng
problema because yung Fidel is based on true-to-life incidents. Hindi
lang isa, kundi apat o limang istorya na pinagsama as one. Si Fidel yung
parang combination ng lahat ng nangyaring iyon. So, yung mga tao mas
nagiging aware at kailangan mag-ingat din para hindi sapitin ng ibang
nag-a-abroad ang ganitong klaseng problema na dinaranas din ng male
OFWs, hindi lang ng women," paliwanag ni Lance.
Saan siya nahirapan sa paggawa nitong movie?
"Nahirapan
ako sa pag-transform ng sarili ko because this is my first movie nga
that I ever shot. Siyempre, sanay ako sa normal na pamumuhay ko, di ba?
Parang yung transformation na ganun without workshop is the biggest
challenge for me. Mabigat talaga for a first role. Yung mga rape and
the rest is secodary kasi once na nasa character ka na, it will not be
hard anymore. And of course, nandiyan si Direk Shandii to guide me, as
well as my manager Charlotte [Dianco], who is also the writer and
producer of Fidel."
Ano ang ine-expect niya sa kanyang launching movie?
"I'm
expecting for my self as an actor that I grow and get better roles
after this. I hope people from the industry will see my depth as an
actor. Hopefully, this will be the start of something big for me in
terms of my acting career. And also for my manager Charlotte, as the
writer of Fidel, I know this is her baby also. I know that after people
see this, mas marami pa siyang kuwentong susulatin. And of course, more
projects also for Direk Shandii."
Kabilang
din sa cast ng Fidel sina Andrea del Rosario, Maria Isabel Lopez,
Snooky Serna, Von Arroyo, Jao Mapa, RJ Revilla, Roeder, Mosang, RR
Herrera, Fonz Deza, Marife Necesito, Nonoy Froilan at John Hall, na
gumanap bilang among Arabo na nang-rape kay Fidel.
Magkakaroon ng regular run sa mga sinehan sa Pilipinas ang Fidel by November.
