Kahit iba-ibang director ang namuno sa mga five-part movie na Cinco, naging magkakaugnay pa rin sila dahil sa iisang elemento na nagkonekta sa kuwento ng mga bida.
Ang mga naturang director ay sina Frasco Mortiz para sa episode na "Braso"; Ato Bautista para sa "Mata" episode; Nick Olanka para sa "Mukha" episode; Enrico Santos para sa "Paa" episode at Cathy Garcia-Molina para sa "Puso" episode. Kasalukuyang pinapalabas sa mga sinehan ang Star Cinema film na Cinco. Ito ay graded B ng Cinema Evaluation Board at rated PG-13 ng Movie and Television Review and Classification Board.
Kilala na sa industriya si Direk Cathy dahil sa kanyang blockbuster movies tulad ng One More Chance, A Very Special Love at You Changed My Life. Para kay Direk Cathy, isang karangalan para sa kanya na makasama sina Direk Ato at Direk Nick sa five-part movie na ito.
"Ang gagaling ng mga iyan. Na-i-insecure po ako sa dalawa. Tinanong ko si Direk Olive Lamansan, 'Inang, parang kawawa po ako dito,'" pagpupuri ni Direk Cathy kina Ato and Nick.
"Each episode is unique. Kaming tatlo ang magkakasunod--Ato, Nick at akin. Nung pinanood po namin na sunod-sunod na, aba eh talagang na-insecure po talaga ako. Ibang-iba yung tono nila sa mula sa akin. Yung sa akin kasi, parang saksakan ng ka-jologan. Walang isip-isip. Tawa ka lang at manood ka lang. Yung sa kanila, mayroon other elements. Mag-iisip ka. Magtatanong ka sa sarili mo. Pag-uusapan n'yo after," sabi ni Direk Cathy para sa naganap ng pocket presscon for the Cinco directors.
Nang tanungin kung paano niya ilalarawan si Direk Ato, sinabi ni Direk Cathy na may mga pagkakapareho sila ng ugali. "Ato is just like me. Maingay siya."
Ginaya pa ni Direk Cathy ang pagsasalita ni Ato at sinabing, 'Okay, that's good. Nice, nice.' Dagdag niya: "Kaya napaka-positive niya mag-comment."
ATO BAUTISTA. Ato started early in the media industry at the age of 19. Communications Arts major siya sa University of Santo Tomas (UST) nang magsimula siya bilang trainee writer for Maalaala Mo Kaya and Kabalikat: Loren Legarda.
"After that, I trained as an assistant director para sa Recuerdo de Amor, a soap opera. I was also assistant director for Pangako Sa 'Yo. I moved on to become segment producer and segment directors in various shows here on ABS-CBN," kwento ni Ato.
Nabigyan din si Direk Ato ng ilan pang shows sa Kapamilya Network tulad ng Victims, Star Circle Quest at iba pang reality shows.
Ilan sa mga paboritong direktor ni Ato ay sina Mike De Leon, Peque Gallaga, Lino Brocka, Alfred Hitchcock at Martin Scorsese.
Ngunit hinanap naman ni Direk Ato na makagawa ng ilang personal films at napunta siya sa indie cinema circuit. Una niyang project ginawa is Sa Aking Pagkakagising mula sa Kamulatan na kinatatapumkan ni Carlo Aquino at Ketchup Eusebio na ginawa niya noong 2005. Sumunod niyang ginawa is the Robin Padilla-starrer Blackout under Unitel. Noong 2008, idinirek niya si Carlo Aquino para sa pelikulang Carnivore. Hinirang si Carlo bilang Best Actor samantalang Best Director naman si Direk Ato sa 10th Cinemanila International Film Fest.
Mayroon pa siya ilang pending films tulad ng 'Di Natatapos ang Gabi. Kasama niya rito si Enrico Santos bilang producer.
Naimbitahan siya ng Star Cinema gawin ang "Mata," ang third episode ng Cinco na pinagbibidahan nina Maja Salvador at Rayver Cruz.
"Magagaling na artista na yung mga nabigay sa akin. I think yung atake ko lang sa pelikula is not more on their emotions. Mas cerebral yung pelikula. Kailangan mas alam nila yung galaw na ginagawa nila at kung saan pinanggalingan. We figured it out. Yung journey ng paggawa ng episode ko hindi lang galing sa akin. I collaborated with my actors," kwento ni Direk Ato.
"Ang advantage ko lang siguro sa industriya na ito is I started very young. I never stopped dreaming and pursuing something until I get what I want. Hopefully now, mas mabigyan pa ako ng exposure kasi the films that I have made, kahit na madami-dami na rin, hindi siya ganoon kalaki tulad ng ginawa ko ngayon for Cinco. Honored ako at feeling lucky to have worked in this project."
NICK OLANKA. Maswerte ang simulain ni Direk Nick. Film and Audio-Visual major siya ng University of the Philippines. Nagtapos siya noong 2006 at nagkaroon ng Cinemalaya film, Ang Huling Araw ng Linggo, that starred the late Johnny Delgado, Boots Anson-Roa and Baron Geisler.
Mula noon, naimbitahan si Nick na maging parte ng director's training program ng Star Cinema. Under that program, nag-training si Nick under Marilou Diaz-Abaya for one year.
Nabigyan naman siya kaagad ng TV directorial jobs with Maalaala Mo Kaya episodes. Isa sa mga paborito niya nagawa ay ang "Bimpo" episode with Kim Chiu and Carlo Aquino na pinalabas last June.
