Dalawang beses nang itinanghal si Sarah Geronimo bilang Box-Office Queen.

Una noong 2009 para sa A Very Special Love at sumunod noong 2010 para sa You Changed My Life.

Parehong si John Lloyd Cruz ang nakapareha ni Sarah sa dalawang pelikula.

Ngayon naman ay malapit nang ipalabas ang pangalawang pelikula nila ni Gerald Anderon na Won't Last A Day Without You.

Unang nagkasama sina Sarah at Gerald sa Catch Me, I'm In Love na ipinalabas noong March 23, 2011.

Kumita ito sa opening day pa lang ng "almost P15 million," ayon kay Star Cinema AdProm director Roxy Liquigan.

Ang Catch Me... ay joint production ng Star Cinema at Viva Entertainment.

Ang Won't Last A Day Without You, isang romance flick para sa young-adult audience, ang lastest offering ng Star Cinema at Viva Films.

Ito ay matapos ng kanilang back-to-back blockbuster hits: No Other Woman, na may adult theme at adult audience; Praybeyt Benjamin, na may comic theme at general audience.

Kaya ayon sa iba, mas may pressure ngayon kay Sarah kung mahihigitan ba nito ang dalawang naunang pelikula ng Star Cinema at Viva Films na parehong kumita ng mahigit P200 million sa takilya.

THE PRESSURE. Sa The Buzz noong Linggo, November 6, live na nakausap ni Toni Gonzaga si Sarah. 

Natatawang umamin ang Pop Princess na sa umpisa pa lang ng interview ay kinakabahan na siya.

Ito ay dahil na rin sa VTR na ipinakita, na nagpapaalala ng pagiging box-office hits ng dalawang unang pelikulang susundan nila.

Pero totoo nga bang may pressure sa part niya na malampasan ang naabot ng No Other Woman at Praybeyt Benjamin?

"To be honest, yes. Sobra," pag-amin ni Sarah, na pagkatapos ay nagbiro na para siyang hinimatay.

Dagdag niya, "On the positive notes naman, natsa-challenge kami na mas pagbutihan pa ang trabaho namin—kami ni Gerald."