Past 8 pm na nang mag-start ang first night concert ng grupong Coverboys kagabi, May 9, sa Music Museum, San Juan, Manila. Sa labas pa lamang ay marami na ang mga taong nag-aabang or nakikiusyoso.
Nang magsimula ang show, hindi pa puno ang Music Museum, pero nang lumitaw na sa stage ang Coverboys nagpasukan na ang lahat at halos napuno na rin ang venue.
Ang Coverboys ay sina Jake Cuenca, Rafael Rosell, Zanjoe Marudo, Victor Basa, Jon Avila, Will Devaughn, Be Bench Models Jon James Uy and Ron Morales, and Star Magic Talent Marvin Raymundo,
First night pa lang ay maituturing nang isang success ang Coverboys Uncovered na prinodyus ng ASAP Live at MJM Productions.
TEASING SONG AND DANCE NUMBERS. Sa opening number ng grupo, kung saan si Victor ang unang lumabas sa stage at pinakahuli si Jake, ang mga kantang "Sexy Back," "Hot In Herre," at "Lick It" ang unang kinanta at sinayaw ng all-male sexy group ng Kapamilya Network. May shower scene pa sila sa umpisa pa lang ng show.
Although baguhan sa grupo, isa sa umani ng pinakamalakas na palakpakan at tilian sa audience si Jon. Pero ang sinasabing pinaka-star ng grupo na si Jake ang nagma-may-ari pa rin ng pinakamalakas na tilian at palakpakan.
In fairness, hindi rin naman pahuhuli ang iba pang Coverboys na tulad nina Rafael, Victor, at Zanjoe, na may kanya-kanya na talagang followings at pagdating sa paseksihan ng katawan ay matituturing na ilan sa mga seksing-seksi talaga.
Sa kanilang lahat, ang lumalabas na pinaka-leader of the group daw na si Rafael ang kauna-unahang nagpamalas ng kanyang solo production number sa pamamagitan ng kantang "The Thing Called Love" at "Smack That."
Kapansin-pansin na sa audience, hindi lang gays ang mga nanonood, kundi karamihan ng mga grupo ay mga teenage girls. In fact, isa sa babae sa audience na iniakyat ni Rafael sa stage ay nagsabing 17 years old pa lamang at sa harap niya'y naghubad ng pang-itaas ang Maligno star.
Sumunod kay Rafael na nag-solo ay si Victor with the song "Shawty Get Loose," pero sa lahat, mukhang pinaka-totoy pa si Victor dahil sa aming palagay, siya ang hindi pa masyadong teaser sa grupo nila.
Followed by two PBB housemates na sina Will Devaughn at Jon Avila na pumili rin ng dalawang girls sa audience at habang kumakanta ay pinahawakan ang kanilang katawan sa dalawang girls na ito.
ENTER VICE GANDA. Malaking factor sa concert ng Coverboys ang presence ni Vice Ganda bilang isa sa mga special guest nila sa unang gabi. Balita kasi naming sa last night ng concert, si John "Sweet" Lapus naman ang special guest.
Talagang nabuhay nang husto ang audience sa mga spiels ni Vice Ganda na tila teacher na pinangaralan ang anim na member ng Coverboys na sina Jake, Rafael, Jon, Will, Victor, at Zanjoe, na mga guwapo raw sana pero matitigas naman ang mga katawan. So, he dared each of them sa sayaw na ostrich dance at isa-isa niyang pinasayaw.
Para lang nasa comedy bar si Vice Ganda na naglilitanya sa stage ng Music Museum at ang napag-tripan nga at inokray-okray ay ang maraming bilang ng mga babae sa audience. Daig pa raw ng mga girls ang mga gays na dapat, siyang mas majority ang bilang sa mga nanood. Pero isa ang gap na ito na maituturing na funniest sa lahat at talaga namang buhay na buhay.
