"Tinuruan ako ng mga magulang ko," sagot ni Alexzies.

"Pareho kasing mahilig kumanta ang parents ko. In fact, regular contestants sila sa mga singing competitions noong kabataan nila. Parang dahil sa kanila, siyempre, na-inspire rin akong kumanta.

"And then, yung brother ko ay isa ring good singer. Magaling magpatugtog ng guitar. Unang tinuro sa akin ng brother ko na kanta ang Look Dick Look, habang siya ang nagtutugtog ng gitara."

Sa kanyang pakikipagsapalaran sa simulang yugto ng pagtahak niya sa pangarap nitong pasukin ang pagiging isang professional singer, aminado si Alexzies na mahirap ang magpakilala sa publiko.

Ano ang unang professional exposure niya bilang singer?

"My first real exposure bilang singer ay noong sumali ako ng isang band. Naging lead vocalist ako noon. Lagi kaming sumasali sa mga battle of the bands contest sa Cavite, at sa kung saan-saan pa.

"May mga pagkakataon namang sinusuwerte at nananalo ako bilang best female vocalist sa mga band contests na 'yun, kaya talagang memorable 'pag sumasali kami..."

Maliban sa mga pagtugtog niya sa iba't ibang gigs sa buong Metro Manila at sa mga karatig-probinsiya , naiimbitahan rin ang kanilang grupo sa maraming events. Kabilang na rito ang pagtugog sa mga ballroom dancing gigs.

"Two years ago, I decided na matuto ng ballroom dancing para mag-stay fit and mag-tone ang muscles ko. Kasi, I believe na it's a really good cardio exercise.

"E, since nagbo-ballroom dancing na rin ako, nag-decide akong mag-include ng ballroom beat and music sa repertoire ko and effective naman siya dahil marami ang nagkaka-gusto 'pag kinakanta namin ng banda ko."

Masaya si Alezxies sa pangangalaga sa kanya ng Aquarius Records. Under this record label rin ang mga singer na sina Carol Leus, Carmen Camacho, Vhen Bautista, etc.

Natapos na niyang i-record ang self-titled album nito. Kabilang sa mga songs na kasama dito ay ang Baila Señorita, Kung Ako Lang Sila, Yahoo Yehey Yippi, Malay Mo, Iboogie Mo, Huwag Kang Iiyak, Pacharming-Charming, etc.

Ano ang aabangan ng pop music lovers sa kanyang first album?

"Aabangan nila ang mga kantang captured kung sino ba si Alexzies: masayahin, loving, and believer in a God na laging nasa tabi natin.

"It also contains materials that focuses on the gift of life and how it should be lived in. Sana ay mabigyan ako ng chance na maipakilala ko ang music ko sa mga tao," pagtatapos ni Alexzies.