Nagbukas na ang dulang American Hwangap noong Biyernes ng gabi (September 10), sa Tanghalang Aurelio Tolentino ng Cultural Center of the Philippines (CCP). Movie and television actress Gina Pareño was accorded praises for her debut performance on stage along with the veterans in the theater field.
Si Chris Millado ang nag-direk ng play na ito ng Tanghalang Pilipino na itatanghal hanggang October 3, 2010 at the CCP-Little Theater.
Naging masigla ang loob ng CCP-Little Theater, lalo na sa curtain call matapos ang palabas. Masigabong palakpakan ang isinalubong sa lahat ng mandudula't taga-produksiyon, sa pangunguna ni Ms. Pareño, na gumanap bilang Mary, ang iniwan at binalikang asawa matapos ang labinlimang taon.
Kasama ni Gina sa dula ang veteran actor-director na si Mario O'Hara, who played Min Suk, a Korean who returned to his abandoned family to celebrate his "hwangap" (60th birthday celebration which complete the Eastern zodiac).
Playing Gina and Mario's children are Jeremy Domingo, as David, eldest son; Liesl Batucan, as Esther, only daughter; and Nicco Manalo, as the child-like and lovable Ralph.
Nasa entablado rin, para sa grand welcome kay Gina at magpasalamat sa mga nanood ng unang pagtatanghal, ang kanilang direktor, si Chris Millado, at mga tauhan ng produksiyon, tulad nina Jethro Joaquin (sound designer), Katsch Catoy (lights), Mio Infante (Set), Kalila Aguilos (costumes), Sonny Pedrocho (technical director) at Aaron Daniega (stage manager).
Patunay rin na may kaukulang suporta kay Ms. Gina ang ABS-CBN at Star Cinema outfits ay ang pagdalo ni Ms. Tess Fuentes, isa sa mga producer, na nag-offer ng bouquet of flowers, sa premyadong aktres at contract artist.
Overwhelmed at nagulat si Gina sa hindi niya inaasahang pagdalo ng isa sa mga opisyales ng network, kaya nang mabungaran ito, papaakyat sa entablado ay nangiti sa tuwa ang aktres. And, as she accepted the bouquet, she whispered a simple, "Thank you!"
Nasa unang gabi rin ng pagtatanghal, para sumuporta kay Gina at sa buong cast ng dula ang aktor na si Bembol Roco (gaganap sa English version) at ang veteran character actress of the 1960's na si Ms. Marita Zobel, a contemporary of Gina. Nakasama ni Gina si Marita sa pelikulang Natutulog Pa Ang Diyos (1988), directed by Lino Brocka, para sa Seiko Films.
MARIO O'HARA ON MS. GINA. Backstage, nakausap naman ng PEP (Philippine Entertainment Portal) ang mahusay at premyadong direktor at aktor na si Mario O'Hara, as he prepared to leave for home.
Kuwela ang maraming eksena sa dula na may intimate moments sina Mario O'Hara at Gina Pareño, bilang nagkabalikang asawa. Merong yakapan at mariing halikan (necking), na nagiging comedy ang dating, dahil sa kanilang body movements.
PEP told Mario that he and Ms. Gina has chemistry onstage, na hindi pa napapanood sa big screen.
"Oo naman," pagsang-ayon ni Direk Mario. "Kaming dalawa [ni Gina], halos sabay kami niyan, e, sa panahon. Nag-work kami sa TV nung araw, sa Salamisim, Balintataw [top-rating TV drama in the '60's, '70s, and '80s].
"Pero, si Gina yata, mas artista siya nina Elwood [Perez] at Joey [Gosiengfiao]," banggit pa ni O'Hara, who was then identified in many Lino Brocka-directed movies and teleplays. "Hindi kami masyadong nagkaroon ng chance [na magkasama], kundi ngayon lang."
On the audience's positive response to the just-concluded play, especially to the performances of the entire cast, Mario simply smiled and said, "Alam mo naman, pagka mga artistang tunay, di ba? Ang dali-daling maka-relate [ng audience], e. Wala kasing mga walls."
Inihahalintulad ni O'Hara ang American Hwangap sa isang Korean telenovela, na kinahuhumalingan maging ng mga Pinoy viewers na nakaka-relate sa mga karanasan ng mga tauhang bahagi ng kuwento.
