Sa unang linggo ng Inside Protégé ng GMA-7, ipinakita ang iba’t-ibang mukha at iba't-ibang emosyon ng mga nangangarap na artista sa Protégé Season 2 auditions. Sa pagtatapos din ng bawat episode may pasilip sa kung sino ang shortlisted candidates ng bawat region.

Nakahanap ang PEP.ph ng insider sa programa at nagbigay siya ng exclusive info tungkol sa mga auditionees na malamang ay mapipili sa naturang artista search ng Kapuso Network.

Sino-sino nga ba ang pipiliin ng mga mentors? Kilalanin sila ngayong Linggo, August 5, sa kauna-unahang Gala Night ng Protege. Mapapanood ito sa GMA-7 pagkatapos ng iBilib.

Sundan ang kani-kanilang kuwento sa Tunay na Drama ng Buhay Artista, sa Inside Protégé, bago ipalabas ang One True Love.

ASPIRING PROTÉGÉ, NAPAGSALITAAN NG MENTOR!

Nagmarka ang audition ng bagets na ito dahil nakipagsagutan siya sa kanyang inaasam na mentor. In fact, napagsalitaan siya ng batikang actor, pero bilang eksena lang naman.

Maganda ang track record niya sa school, member ng basketball at volleyball varsities (take note, nang magka-sabay) at tumutugtog ng gitara among other instruments. Mapili kaya siya ng mentor na nakasigawan niya sa eksena?

HUNK, MAS PINILI ANG MAGING-PROTÉGÉ KESA MAG-BOARD EXAM

May isang hunk na tinapos ang kursong Nursing para sa kanyang mga magulang.  Makapasa lang sa board exams ay registered nurse nasanasiya.

Pero matapos malaman na may auditions for Protégé ay nagdesisyon itong isantabi muna ang pagiging registered nurse at subukang abutin ang matagal na niyang pangarap na maging artista.

Likas daw itong mahiyain ngunit kapag sumasampa na sa stage bitbit ang kanyang gitara ay nagta-trasnform ito into a performer. Ang clue lang na naibigay sa amin ay nag-front act daw ito recently sa isang show ni David Pomeranz.

ASPIRING PROTÉGÉ, GUSTONG MABAWI ANG DALAWANG ANAK

Sa unang tingin ay mukhang iyaking bunso ang shortlisted contestant na ito, pero sa kabila ng kanyang kamusmusan ay siya raw ang tumatayong substitute parent sa kanyang apat na nakababatang kapatid na lalaki.

Hindi na raw kayang alagaan ng mga magulang ang kanyang mga kapatid kaya kahit kinse anyos lang siya ay inako na niya ang responsibilidad na ito.

Sa ngayon ay “ipinahiram” daw muna ng mga magulang niya ang dalawa sa mga kapatid sa ibang kamag-anak habang siya ay nasa competition. Ultimate dream nito na magtagumpay sa artista search upang mabawi na niya ang mga kapatid na itinuturing din niyang "mga anak."

ANAK NG PRESO, GUSTONG MAG-ARTISTA

Noong nakita namin ang larawan ng ikalawang babae sa Top 40 ng Protégé, napansin namin na may hawig siya sa isang doctor-model-actress.  Agad kaming na-intriga at tinanong ang kanyang background.  Apparently, ang nanay niya ay nakulong na nang dalawang beses dahil sa pagbebenta ng ipinagbabawal na gamot.

Naikuwento din ng naturang contestant na hindi niya raw ikinahihiya ang kanyang nanay na kasalukuyang nakapiit dito sa Maynila, dahil mahal niya ito sa kabila ng pagkakamaling nagawa.  Sa pangyayaring ito rin siya humuhugot ng lakas ng loob upang makipagsapalaran nang buo ang loob sa Protégé.

BINATA, GUSTONG MAG-ARTISTA PARA MAKASAMA ANG SHOWBIZ GIRLFRIEND

Pangarap niya noon pa ang maging singer-actor, pero hindi siya nakasama sa final list of contestants sa nagdaang singing search. Sumali siya sa Season 2 ng Protégé upang magkita na silang muli ng girlfriend na isang baguhan din sa telebisyon.

Hindi pinangalanan ng aspiring protégé ang showbiz girlfriend but clues lead us to a regular cast member of Party Pilipinas.

SK OFFICIAL, MAY PINAGTATAKPAN?

Isa sa mga napipisil na mapabilang sa Top 20 ay isang Sangguniang Kabataan chairman sa isa sa mga probinsiya dito saLuzon. Mula siya sa pamilya ng mga pulitiko, at siya mismo ay nagsisilbing SK official sa kanilang barangay.

Bata pa lang ay nagkahiwalay na ang kanyang mga magulang dahil ang tatay nito diumano ay lulong sa masamang bisyo.

ISLAND PRINCESS, MAY HIDWAAN SA PAMILYA NG NANAY NIYA?

Ang nanay niya ay dating tindera ng isda sa palengke bago nito nakilala ang manliligaw na Austrian.  Matapos makasal, ang finalist na ito ang pangalawang bunga ng pagmamahalan ng mag-asawa.

Lagi daw nakakadinig si Island Princess ng paninira sa pagkatao ng kanyang nanay, kaya mas minabuti daw nitong huwag na lang mapadaan sa side na iyon ng islang tinitirahan niya kaysa sa masopla niya yung mga naninira sa nanay niya.

Pero inexplain ni Island Princess na hindi siya nagmamaldita, kundi umiiwas lang na malagay sa alanganin sila ng nanay niya sa mga kamag-anak nito.

BARBIE FORTEZA LOOK-A-LIKE, ITINANGGI ANG PABORITONG KAPATID