Isang auditionee ang may strong resemblance sa Tween Hearts star na si Barbie Forteza. Sa audition niya ay napag-alaman ng aming source na kinulit niya ang kanyang younger brother na samahan siya sa auditions bilang “good luck charm.”

Pero nang maka-one on one na niya ang inaasam niyang mentor ay wala raw siyang favorite na kapatid.

Napagsabihan tuloy ito ng mentor na okay lang umamin na may favorite sibling siya, dahil si mentor mismo ay may favorite kapatid sa 101 nitong mga kapatid. Ang dami!

BATANG OFW, MATAPOS MAG-SAKRIPISYO PARA SA PAMILYA, SARILING PANGARAP NAMAN ANG PINUNTIRYA

Isang dating OFW ang nakapasok mula saLuzonauditionees.  Kumuha ito ng kursong may kinalaman sa aircraft maintenance, pero hindi nito natapos ang pag-aaral dahil nang siya ay tumungtong ng 18 years old ay tumulak ito papuntangAustraliapara sa scholarship at para makakuha ng trabaho.

SaAustralia, nagtrabaho ang “Batang OFW” bilang janitor, dishwasher at construction worker.

Pero isang taon lang siya nagtagal sa Land Down Under dahil nagkasunod-sunod ang pagkakasakit nito at sa pagka-homesick, na nararanasan din ng iba nating mga kababayan sa abroad.

Ngayon na nasa Pilipinas na siya ulit, pagbibigyan daw muna niya ang matagal nang pangarap:  ang maging isang sikat na artista.

PINAY NA MAGKAPATID FROM HOLLAND, NA-BULLY SA HIGH SCHOOL

Dalawang magkapatid na Pinay ang lumaki saHollandat umuwi ng Pinas, mga limang taon na ang nakakalipas.

Dito, nag-aral sila sa isang public school. May apat na taon ang agwat ng magkapatid, kaya lalo nilang di naipagtanggol ang isa’t isa laban sa mga bully sa eskwela.

Inireklamo raw ng kanilang magulang ang pambu-bully na ito sa school, dahil pati sa Internet ay pinagtri-tripan ang magkapatid, pero wala raw diumanong aksyon na nagawa ang paaralan para protektahan sila.

Sa ngayon ay nagho-homestudy na ang magkapatid para maiwasan ang karanasang iyon.