Pinoy Big Brother Teen Edition Plus housemates (from left) Robi Domingo, Nicole Uysiuseng, and Josef Elizalde are the new additions to the cast of the drama-comedy TV series My Girl. They will also be joined by PBB Celebrity Edition Season 1 Big Winner Keanna Reeves (not in photo). Photo: Courtesy of ABS-CBN


Karagdagan sa cast ng My Girl ang mga former Pinoy Big Brother teen housemates Nicole Uysiuseng, Robi Domingo, at Josef Elizalde na napapanood sa ABS-CBN Primetime Bida. Ang mga karakter na kanilang gagampanan sa My Girl ay tulad din ng kanilang mga personalidad sa likod ng kamera.

Si Nicole ang gaganap na Hannah, ang nawawalang apo ni Lolo Greg (Ronaldo Valdez) at ang rason ng pagkakakilala nina Jasmine (Kim Chiu) at Julian (Gerald Anderson). Si Robi ay si Vincent, ang pinsan ni Samboy na gagampanan naman ni Josef. Magkaibang-magkaiba ang dalawang binata. Si Vincent ay mula sa magandang pamilya, matalino at edulado. Ngunit tulad ni Samboy, malaki ang kanyang admiration para kay Hannah.

Si Samboy naman ay isang mekaniko sa talyer na laging naaaksidente at palpak ang mga diskarte. Dahil dito, ayaw sa kanya ng adopted aunt ni Hannah na si Tita Nena (Keanna Reeves) at mas gusto si Vincent dahil good boy ito.

And speaking of Keanna, pasok din ito bilang Tita Nena ni Hannah. Kinuha ang Big Winner ng PBB Celebrity Edition Season 1 upang magpatawa sa mga manonood.

Sa ginanap na pocket presscon sa Proud Mary Resto noong Wednesday night ay sabay-sabay nagsidatingan ang apat-sina Nicole, Robi, Josef, at Keanna. Habang ipinapalabas ang trailer ng My Girl na ang mga eksena nila ang ipinapakita ay halatang di mapakali si Robi at kahit tapos na ang trailer ay napapalingon pa rin ito sa pag-aakalang ipapakita muli ang trailer.

"Excited po kasi ako. First time kong mag-act. Nakakatawa ang sitsura ko, very awkward tingnan," paliwanag ni Robi.

Anong nararamdaman no na mas nauna kang nabigyan ng project kaysa sa PBBTE Big Winner na si Ejay Falcon? "Mayroon din naman siyang gagawin. Siguradong in-the-making pa ito. Siyempre, siya ang big winner namin, siguro, pinaghandaan ito ng malaki. Nataon lang na may available role na babagay sa amin sa My Girl kaya pasok agad kami," ayon sa True Blue Atenista of Quezon City.

Tinanong naman ng PEP (Philippine Entertainment Portal) kay Josef kung ipaglalaban nito ang kanyang pagmamahal kay Nicole kahit maraming ayaw sa kanya para sa dalaga.

"Wala pa naman kaming relasyon at hindi ko pa siya nililigawan. Masaya na kami at magkaibigan kami. Masaya na kami ng ganito kaya hayaan na ninyong ganito muna kami. Trabaho muna kami at pag-aaral ang aasikasuhin namin," pahayag ng binata na tinaguriang Lethal La Sallite of Mandaluyong.

And lastly kay Nicole, malaking threat daw ito kay Kim Chiu, kaya maraming fans nito ang ayaw sa IN-Chick of Cebu.

"Hindi naman po ako threat kay Kim. Hindi naman ako nakikipagkumpentisya sa kanya. I cannot say no sa project dahil talent lang po ako at sumusunod lang po ako sa instruction. Nagkausap na kami ni Kim at mabait siya sa akin. Okay kami, pareho kaming Bisaya. Sana hindi kami intrigahin."

Ano kaya ang pagbabagong magaganap dahil sa kanilang love triangle and how will Jasmine and Julian's relationship turn out ngayong pumasok na sa eksena ang totoong Hannah?

Kilalanin ang mga bagong karakter sa pagpasok nila sa My Girl mula sa direksyon nina Erick Salud at Jerome Pobocan. Mapapanood ang My Girl mula Lunes hanggang Biyernes sa ABS-CBN Primetime Bida.