Tila ordinaryong bata lamang sila kung pagmamasadan, ngunit sa likod ng kanilang kamusmusan nagkukubli ang isang masaklap na sikreto na bumasag sa kanilang mga pangarap.

Samahan na si Bernadette Sembrano na kilalanin ang mga batang biktima ng incest at alamin ang kanilang nilang sinapit sa kamay ng sariling kadugo ngayong Martes (September 2) sa The Correspondents.

Edad na trese ng ginahasa ng kanyang tiyuhin si Mae at ang naging bunga nito ay dinala na lamang sa isang institusyon.

Ang magkapatid naman na si Korinne, 14, at si Angeline, 4, ay kapwa pinagsamantalahan ng nakatatandang kapatid at kapwa rin di pinaniniwalaan ng ina at ibang kapatid.

Naging masaklap din ang lahat para kay Gail na edad katorse ng simulang pagsamantalahan ng sariling ama. Sa kasalukuyan, dalawa na ang anak nila at ang kawawa niyang ina ay wala na ring nagawa kung hindi tanggapin ang sitwasyon dala ng kahirapan.

Paano nga ba naatim ng ibang tao na pagsamantalahan ang laman ng kanyang laman at dugo ng kanyang dugo?

Alamin na ang kasagutan ngayong Martes (September 2) sa The Correspondents, pagkatapos ng Bandila sa ABS-CBN.