Sa unang bahagi ng PEPtalk kasama ang young stars na sina Enzo Pineda, Lexi Fernandez, at Kristoffer Martin, inalam ng PEP.ph (Philippine Entertainment Portal) ang ilang detalye tungkol sa kanilang characters sa pinakabagong afternoon drama series ng GMA-7, ang Kakambal ni Eliana.
Ngayon, sasagutin na ng tatlo ang naiwang tanong sa first part ng interview— kung mayroon nga bang chance na mahulog ang loob nila sa isa’t isa.
FALLING IN AND OUT OF LOVE. Pero bago yun, usapang lovelife muna, unang tinanong ng hosts si Enzo.
Sa bahaging ito nabigyang linaw kung ano nga ba ang dahilan ng hiwalayan nila ni Louise delos Reyes.
Enzo: “Ano ba dapat? Yes or No?”
Biro naman ni Kristoffer, “Oo, parang tayo! Di ba nagkaka-developan na?
“Hindi pa ba? Aminin na kasi natin kasi ako naiipit…”
Enzo: “O sige, fine. Oo…”
Follow-up question ng staffwriter na si Kathleen Benavidez, “Sa tingin mo ba, may chance na ma-develop ka kay Lexi or kay Kim [Rodriguez]?”
“Nakakaloka yung tanong!” sabay tawang sinabi ni Lexi.
Enzo: “Siguro, hindi ko naman maiiwasan na, of course, let’s say with Lexi or kay Kim, na may magustuhan ako sa kanila kasi they’re both very lovable…
“Siguro, para sa akin just go with the flow, di ba? Go ahead, di ba?
“Pero don’t rush on things dapat.”
Bumalik ang tanong sa hiwalayan ni Enzo at ng Mundo Mo’y Akin lead star na si Louise delos Reyes.
Tila kinabahan si Enzo habang napapalakpak naman sina Kristoffer at Lexi dahil magsasalita na rin sa wakas si Enzo tungkol sa issue.
Ang tanong ng lead of correspondents ng PEP na si Nerisa Almo, “May mga nasusulat na dahil daw sa show na ito [Kakambal ni Eliana], parang nagkaroon kayo ng problem ng girlfriend mo na si Louise?”
Enzo: “Hindi naman kasi we’re both still young so we decided na to focus on our priorities muna.
“Walang biro, a, kasi I’m 22, she’s 20 so marami pa kaming oras para diyan.
“Kasi kung kami talaga, you know, malay mo someday we can fix— we can patch things up again.”
May kinalaman ba ang co-star niya na si Kim Rodriguez sa hiwalayan, lalo pa't magkahawig daw ang dalawa?
Sagot ni Enzo, “No, no, wala. Ganun ba? Siguro sa mata.”
Sabay sabi ni Kristoffer, “Hoy bakit mo tinitignan?”
Paliwanag naman ni Enzo, “Sa eksena, sa eksena, e.”
Ang hirit ni Kristoffer, “Na-analyze mo pa yun? Napaka-observant mo namang tao."
WORK OVER LOVE. Si Lexi naman ang sunod na tinanong kung sakaling mahulog ang loob niya sa dalawang co-stars.
Saad ni Lexi, “Sa ngayon, I see this as an opportunity to focus on work, and I’m not closing any doors kasi hindi ko din naman alam anong mangyayari. Pero as of now, I’m just here to do my job right and to deliver the role properly.”
Kathleen: “Pero nasa kanila ba yung mga hinahanap mong qualities sa isang lalaki?”
“Ehem! Biceps…” parinig ni Enzo kay Lexi.
Natatawang sagot naman ni Lexi, “Ganito siya palagi. Kailangan isama yung biceps niya.”
Lexi: “They’re both very nice guys. Maalaga naman sila, they’re fun to be with.
“I can say na they have the qualities naman, but ngayon, it’s in me na I’m no rush really and I’m just enjoying myself.
“I’m only 18 also so I’m not really thinking about anything more. But if it comes, then we’ll see.”
Neri: “Pero how comfortable are you with these two guys kasi nakasama mo na siya [Kristofer] before, di ba?”
Lexi: Yes. Kristoffer, I’ve worked with him so many times. Tween Hearts pa lang.
Biro naman ni Kristoffer, “Maka-‘so many times’ ka naman, parang simula pagkabata magkatrabaho na tayo.”
Lexi: “Magkapatid talaga kami [Kristoffer], sobrang komportable to be around with him, and with Enzo naman, I’ve known him because of Party [Pilipinas].
“And we worked together in Together Forever and now here in Kakambal [ni Eliana] so maayos yung working relationship namin.
“We’re friends and ayun, I’m looking forward to working with both of them again and of course, Kim.
“I’ve never worked with her.”
Pasimpleng hirit ni Kristoffer , “Ang galing niyang sumagot no?”
Neri: “So first time mong makaka-work si Kim?”
Lexi: “Yes…”
Sabay sabi ni Enzo, “Such a smart girl…”
Hirit naman muli ni Kristoffer, “Hindi ko alam kung na-rehearse ba niya yun o na-email na sa kanya yung mga questions, nasulat niya.”
GETTING STRONGER. Sa parteng ito, love life naman ni Kristoffer ang kinamusta ng PEPtalk hosts. Kasalukuyan kasing "in a relationship" ang status ni Kristoffer sa fellow tween star niya na si Joyce Ching.
Kathleen: “So kamusta naman si Joyce Ching?”
Kristoffer: “Ayun, napaka-supportive niya sa project na ‘to.
“Basta sabi niya, gawin ko yung ano— yung trabaho kasi sa 'min ano, ang usapan namin, hiwalay ang personal na buhay sa trabaho.
“Kumbaga halimbawa, may mga kissing scenes ganyan-ganyan... Isantabi mo ako, trabaho ang priority natin, ganun lagi."
Neri: “So okay lang yung ganung partnership lang na…”
Kristoffer: “Oo, kasi masisira lang kami kung magpapaapekto lang kami, e, so klinaro na namin.
“’Kasi pinasok natin to. Anong priority natin? Trabaho, di ba?
“’Kung sa ’ting dalawa, importante tayo sa isa’t isa, mag-a-adjust tayo kasi importante tayong… ayaw natin mawala parehas yung trabaho tapos tayo.’
“So yung adjustments, nasa amin.”
Kathleen: “So hindi ka nagseselos sa mga kissing niya or ikaw sa kaniya?”
Kristoffer: “Siguro may times na may ganun, siyempre yung emotion mo rin hindi mo mako-control pero kailangan mahiwalay mo agad, e.
“Kasi yung emosyon yung mismong sisira sa inyo, e, kung magpapaapekto ka, e.
“Alam mo naman yung sa kanya, trabaho naman yun, di ba?”
Neri: “Pero sa ‘yo, anong mas maganda? Magkatrabaho kayo ni Joyce o hiwalay ng trabaho?”
Kristoffer: “Ang tagal na rin kasi naming hindi nagkatrabaho, e.
“Namimiss ko rin naman yung magkatrabaho kami, sayang din naman kasi. Kumbaga may fan base na rin naman kaming nagawa, andiyan pa rin naman sila, hindi naman sila nawala, sumusuporta pa rin.
“Pero ngayon, mas gusto kong hiwalay muna kasi, 'pag nagkaroon ng quarrels, away-away, siyempre, hindi mo naman maiiwasan na maapektuhan pero nakakatulong din yun kung minsan, e.
“Pero ngayon mas maganda siguro yung hiwalay. Pero in time, sana magkatrabaho ulit kami.”
Kathleen: “Since ikaw alam mong i-handle yung relationship habang may career ka, meron ka bang maipapayo kay Enzo pag magkasabay yung work…”
Pabirong sagot ni Kristoffer, “Ganito kasi 'yan, Pare…”
Hirit naman ni Enzo, “Since you’re 18, and you’re young, ano, ano?”
Kristoffer: “Kasi nahihiya ako ang sagot niya kanina, ‘we’re too young’ pa naman. Twbety-two na siya, ako, 18 lang, ako pa mag-a-advice?”
Enzo: “Okay lang, okay lang…”
Lexi: “Sabi pa niya [Kristoffer], '18 siya, 18 [din] ako.’”
Neri: “Or sa ibang artista na like, you know, may [problema sa] personal relatipnships…”
Kristoffer: “Hindi, basta alam niyo lang yung priority niyo, e. Alam niyo lang mag-adjust.
“Yun na lang yung importante, e.”
Sabay apir naman ni Enzo kay Kristoffer, “Dapat ginagaya kita, e.”
Kristoffer: “Kasi pag nagpaapekto ka sa trabaho 'tapos committed ka, mas nagiging dominante yung trabaho, e.
“I mean, mas magiging dominante yung emosyon mo, masisira yung relationship niyo, di ba?
“So adjustments lang, basta alam niyo yung priority niyo.”
Neri: “Naalala ko lang yung kay Lexi, kasi before nagkaroon ng issue, di ba? I don’t know, na-clarify naman na, with your mom [Maritoni Fernandez], pagdating sa relationship.
“Parang may nasabi siya tungkol sa previous relationship mo?
"Right now ba nakapag-usap na kayo if ever magkaroon ka ulit ng bagong relationship?”
Lexi: “Si Mommy naman, wala naman siyang problema 'pag nasa relationship ako basta nasa tama.
“Like any mother naman siguro, basta tama, and she’s very supportive naman.”
Neri: “Pero hindi siya yung tipong dapat ganito, ganyan?”
Lexi: “Yung ganito-ganyan, basta trinatrato ako nang tama nung lalaki, she’s fine with it.”
Neri: “Ayun sa show, ano yung description niyo, best description niyo sa show para— to encourage yung mga viewers na panoorin ang Kakambal ni Eliana?”
Lexi: “One-liner?”
Neri: “Kahit ano basta best description na naiisip niyo.”
Lexi: “Tingin ko, it’s very fresh, it’s very new, and original. So nakaka-excite talaga kasi it’s different for all of us, and it’s the first time putting all of us together.
"So, it’s something different and hopefully, kagatin din ng tao.”
Enzo: “Saka yung, I mean, for the show iba yung line-up ng mga artist, ng mga leads and everyone.
“Let’s say me, Lexi, Kristoffer, and Kim, so alam nating hindi ako Tween Hearts so it’s kinda like a good addition na para mapaghalo naman yung iba-ibang artista di ba?”
Kristoffer: “Bakit ganun? Ang haba ng sinasabi niyo [Enzo and Lexi]? Di ba sabi, best description lang?
“I don’t know… It’s a makamandag na show.”
Sa pagtatapos ng interview kina Enzo, Lexi, at Kristoffer, inimbitahan ng tatlo ang mga PEPsters na panoorin ang Kakambal ni Eliana sa April 15.
Para sa ikatlong bahagi ng #KakambalNiElianaonPEPtalk, ang lead actress naman na si Kim Rodriguez ang aming iinterbyuhin.
Click here to watch Part 2 of PEPtalk with the cast of Eliana!