Kahit na lumaki sa Australia ang Pinoy Dream Academy (PDA) graduate na si Chad Peralta, nakakaintindi at nakakapagsalita pa rin siya ng Pilipino.
Ayon pa kay Chad, hindi niya akalaing mapapabilang siya sa Top 6 ng PDA. Katuparan daw ito ng kanyang pangarap noong nag-aaral pa lang siya sa Sydney, Australia.
Ito ang pahayag ng singer sa panayam sa kanya ng PEP (Philippine Entertainment Portal) sa pictorial nila ng co-PDA scholars niyang sina Yeng Constantino, Jay-R Siaboc, Ronnie Liang, Panky Trinidad, at Irish Fullerton para sa isang clothing brand last January 5.
May pagka-bad boy ang dating ni Chad dahil sa image na ibinigay sa kanya when he was still inside the PDA house. Idagdag pa rito ang dalawang tattoo na nasa magkabilang balikat niya.
But Chad swears he is a "good boy." In fact, relihiyoso raw siyang tao, gaya ng kanyang mga magulang.
"My parents instilled sa aming magkakapatid ang pagiging Filipino. That includes going to church every Sunday. Balanse ang pagiging Pinoy at Australian namin. But more on being Pinoy ako and I'm very proud of being Pinoy," sabi ni Chad.
Chad also revealed na hilig na talaga niya ang kumanta at tumugtog ng gitara. Sports-minded din siya at ang favorites niya ay boxing, swimming, basketball, at rugby.
Excited na rin si Chad sa PDA World Tour nilang Top 6 starting February. Luckily, ang first destination daw nila ay ang Australia, kaya tuwang-tuwa ang singer at makakauwi na rin siya ulit sa kanyang homeland.
"Though I enjoy myself here in Manila, I miss my family and friends in Sydney. Sana nga matuloy ang plano for our tour para makasama ko ulit sila," wish pa ni Chad.
Sa guwapo ni Chad, it's hard to believe na wala siyang girlfriend na naiwan sa Australia. Puro Pinay ang naging girlfriends niya dahil mas type daw niya ang Asian beauty.
"Kaya nga crush ko sina Kim Chiu at Heart Evangelista. I find chinita girls so cute. If I get into acting, gusto ko silang maka-partner sa isang TV show or sa kahit sa movies," nakangiting sabi ng showbiz newcomer.