Hangga't maaari ay ayaw na munang magbigay ng personal na comment ang megastar na si Sharon Cuneta tungkol sa diumano'y namumuong relasyon ng anak niyang si KC Concepcion sa ABS-CBN director na si Lino Cayetano, anak ng yumaong dating senador Rene Cayetano.
"Ipinapaubaya ko na kay KC ang tungkol sa lovelife niya. Twenty-two na naman siya, she's already an adult and alam na niya ang ginagawa niya. Alam na ni KC kung ano ang dapat gawin," sabi ni Sharon sa press con ng kanyang My Mega Valentine 2 last Thursday, January 25.
Kumbaga, nasubukan na ni Sharon ang kakayahan ni KC pagdating sa usaping puso, although nahihiya itong magkuwento ng maraming chika about the KC-Lino issue.
"Marami akong update pero ayokong pag-usapan dahil adult na nga siya e. If you also have questions about Lino, tanungin n'yo na lang siya dahil gusto ko ring marinig," natatawang sabi ng Megastar tungkol sa KC-Lino issue.
Samantala, tuloy pa rin daw ang pangangampanya niya sa kanyang uncle na si Senador Tito Sotto, kahit na lumipat na ito umano sa United National Opposition (UNO), na kalaban ng administration party (Lakas-NUCD) na kinabibilangan ng kanyang asawang si Senador Kiko Pangilinan. Ang misis ni Tito na si Helen Gamboa ay nakababatang kapatid ng ina ni Sharon na si Elaine Cuneta.
"I don't mind, pero I would be more busy siyempre campaigning for my husband," sabi ng megastar.
Pinag-uusapan din ang current McDonald's commercial ni Sharon at ng anak niyang si Frankie Pangilinan.
Sinabi ng Megastar na dumagsa raw ang offers kay Frankie, pero kinailangan nila itong tanggihan dahil hindi naman daw niya feel pagtrabahuhin ang kanyang second child this early.