Nakausap ng PEP (Philippine Entertainment Portal) si Andrea del Rosario sa dressing room ng ABS-CBN kahapon, April 12, habang nagpapahinga at hinihintay ang kanyang call sa kanyang guesting sa sitcom na John En Shirley.

Maraming mga kuwento si Andrea tungkol sa ginawa nilang activities ng kanyang French boyfriend na si Erick Nuyen sa Boracay nitong nakaraang Semana Santa.

Puno ng pagmamahal ang mundo nilang dalawa sa maromansang paraisong isla ng Boracay mula noong April 5 hanggang April 10. Sa loob daw ng anim na araw ay ginawa nilang kulay rosas ang kanilang paligid.

"First time naming mag-Holy Week together. First time together and also first time namin in Boracay during Holy Week," pambungad na pahayag ni Andrea.

"Pumupunta ako noon sa Boracay during New Year. I enjoy that at siguro naka-five times na akong nakapunta doon during New Year. Ito naman na kasama siya, I enjoyed it kasi I'm with him [Eric]," sabi pa niya.

Gustung-gusto ni Andrea ang Boracay, pero hangga't maari raw ay iniiwasan niyang pumunta rito on Holy Week dahil masyadodng nagsisiksikan ang mga tao.

Aniya, "It's not me. Hindi ito ang gusto ko, although it was fun. There were so many events and I saw a lot of people, pero mahirap dahil crowded ang lugar. The reason why you are there nga is to relax and enjoy."

Ang naging pakunswelo na lang daw nila ni Erick ay nasa exclusive silang lugar na talagang mararamdaman nila ang serenity ng kapaligiran at lalong na-appreciate ang beauty of nature.

"It was a perfect place for lovers," sabi ni Andrea. "A very typical paradise for like us kaya we are looking forward to go back to the place. We love seeing the wide blue ocean, the very romantic sunset, and the refined and white sand of Boracay...Nakaka-in love talaga! Everything is beautiful when you are in love!"

Ang isa raw sa ginawa nilang activity doon ay ang parasailing.

"Kaya namin ginawa yun [parasailing] ay dahil mayroon palang fear of heights si Erick," sabi ni Andrea. "Actually, pareho kaming may fear of heights. So, ‘ayun, napagdesisyunan naming gawin, although I've done it before at siya rin. It was fun because it was our first time to do it together.

"Nakakatawa kasi noong nandoon kami sa taas, nanginginig siya. Natakot ako for him. Muntik na niyang malaglag 'yong camera kaya ibinigay niya sa akin. Basta it was fun. It was one of the most memorable moments for me during our vacation. It's hilarious!" very excited pang kuwento ng sexy actress.

Bukod sa parasailing ay sinubukan din daw nilang mag-kayaking.

"It's like a canoe-riding na solo kang nakasakay dito. Wala lang, puwede kayong magpunta medyo malayo, kayong dalawa na kanya-kanya kayong sinasakyan. It was nice, I like it, and I think we're gonna do it again. We did so many things this vacation, very physical around the island. We had so much fun," sabi pa ni Andrea.

Ayon kay Andrea, napag-usapan na raw nila ni Erick ang kasal pero hindi naman daw sila nagmamadali.

"Ayoko namang mag-abang ng ibang tao. I mean, planuhin natin 'yon, planuhin natin 'to. Although pareho din naming gusto na doon din humantong 'to, but the question is when, and we talked about it. Of course, definitely, we talked about it," pagtatapos na ni Andrea.