"Star-struck po," ang maikling paglalarawan sa PEP (Philippine Entertainment Portal) ni Pinoy Big Brother Season 2 housemate Robert Woods tungkol sa personal nilang pagkikita ni Ai-Ai de las Alas.
Nangyari ang first meeting nila sa pictorial ng Pasukob kamakailan, ang movie kung saan gaganap na isa sa mga namatay na asawa ni Ai-Ai ang guwapong housemate.
"She is so nice. Ako ang lumapit sa kanya at sweet naman siya," kuwento pa ng 24-anyos na look-alike ni John Pratts.
Aware si Robert sa isyung umikot kamakailan na diretsang sinabi ng Comedy Queen na hindi nito kilala ang mga PBB Season 2 housemates, including Robert Woods.
"Wala po sa akin yun. Siyempre si Ms. Ai-Ai delas Alas na iyan. Bata pa po ako ay sikat na siya, kaya wala po akong karapatan mag-react kung sinabi man niyang hindi niya ako kilala. The more important thing is that she is super-nice, sweet, at hindi niya nasira ang maganda kong impression na mabait siyang tao. Kaya nga po ako sobrang na-star-struck," paliwanag pa ni Robert.
Pasukob is a spoof movie na pinagbibidahan ng Comedy Queen at ito bale ang magsisilbing baptism of fire ni Robert sa movies, though he is also currently doing another movie with John Lloyd Cruz, Bea Alonzo, and Maja Salvador under Star Cinema.
"Officemate ni Bea na nagtake-advantage sa sitwasyon nila ni John Lloyd ang role ko dito. Offbeat ng kaunti, pero nakaka-challenge," paliwanag ni Robert.
"Ngayon ko lang po talaga na-e-experience ang showbiz. Good thing po na marami na rin akong mga TV guestings kaya kahit medyo mahirap, I'm enjoying it," dagdag pa ng dating McDonalds store manager sa England, bago siya naging housemate sa Pinoy Big Brother. After his PBB stint, nagtrabaho bilang isang tour guide si Robert sa mga Pinoy and TFC subscribers na gustong maikot ang ABS-CBN compound and facilities, lalo na ang PBB house.
Praktikal sa buhay ang half-Filipino, half-British na si Robert. Sa kasalukuyan ay sa bahay ng isang tiyahin siya nakatira sa Guadalupe, Makati, at nagku-commute lang siya papunta sa kanyang mga commitments.
"Wala pa rin po kasi talagang matatawag na malaking kita. Sa ngayon ay napupunta lang halos sa mga personal kong gamit gaya ng damit at iba pa. May monthly contribution din po akong binibigay sa mother kong nakatira sa Las Piñas, kung saan nandun po ang mga alaga ko" paliwanag pa ng baguhang artista na mayroong 11 pusa at isang imported na aso.
"Even when I was in London taking care of my sick father [maysakit sa puso at hirap magsalita], naging ugali ko na ang mag-alaga ng aso at pusa. They realy make me feel good, lalo na pag may mga problema talaga," hirit pa nito.
Naikuwento din niya sa PEP na binibigyan lang niya ng hanggang December next year ang kanyang showbiz career. Kung hindi raw ito mag-take-off gaya ng kanyang minimithi, o kung hindi dumating ang mga pinapangarap niyang product endorsements by that time, "I will go back to England, work there again, and try to enjoy life to its fullest."
Right now, walang seryosong commitment si Robert. Not that he doesn't want it, but he realizes that it's the least he needs at this point. Among the Pinay friends he has now, aminado siyang very special sa kanya ang kapwa-housemate na si Saicy Aguila. And yes, he indeed prefers a Pinay to be his real-life partner. "Iba ang kultura ng mga Pinay, iba ang disposisyon nila sa buhay," pagmamalaki pa ni Robert.