Naluluhang pinabulaanan ni Irish Fullerton ang kontroberysang lumabas na siya ang dahilan ng tangkang pagpapakamatay ng nababalitang karelasyon niya at dating kasamahan sa Pinoy Dream Academy na si Jay-R Siaboc.
Nagpahayag ng matinding kalungkutan si Irish habang binibigay ang kanyang paliwanag tungkol sa isyu noong hindi sinasadyang matiyempuhan siya ng PEP (Philippine Entertainment Portal) sa ABS-CBN last Wednesday, February 20.
"Shocking," reaksyon niya sa isyu. "Dahil hindi totoo. Baka maiyak pa ako ngayon kapag kinuwento ko," pagpipigil niya sa sarili.
"Ang daming binabato sa akin," patuloy niya. "Habang nandito ako, ang dami nang lumalabas na puro masasama. Hinuhusgahan tuloy ako ng mga tao based on what's written. ‘Tsaka ako naman, usually, para hindi na lumaki ang gulo..." hindi na napigilan ni Irish na maluha nang sandaling iyon.
"Hindi ko na siya pinatulan para hindi na lumaki. Na parang one day, people are
really gonna realize kung sino ako talaga. I mean, nakikita n'yo naman ako,
talagang hindi ako nagbabago.
"Very frank akong tao, very blunt. I've never really hidden anything. Kitang-kita naman sa Pinoy Dream Academy pa lang... So, why all the issue?" may sama pa ng loob na tanong ni Irish sa amin.
Hindi naman daw nagagalit si Irish na siya ang itinuturong dahilan ng attempted suicide umano ni Jay-R.
"Hindi ako galit. Mas nasasaktan lang ako. Nasasaktan, kasi
hindi totoo," ang nasambit ng dalaga.
Nakarating na rin daw sa parents niya na nasa U.S. ang mga malisyosong balita sa kanya rito. Naospital daw tuloy ng dalawang araw ang mama niya roon.
"Pati sila, apektado. Dahil sa mga balita sa akin dito," gumagaralgal pa dahil sa pagluhang banggit ni Irish sa amin.
IRISH KNOWS. Kilala ni Irish
kung sino ang naninira sa kanya, pero ayaw niyang magbigay ng detalye kung sino ang taong ito.
"Ayokong sabihin kung sino. Pabayaan na natin. Ako, I'm not after revenge. I'm
after the truth.Gusto ko lang talagang malaman ng tao kung sino ako. Na hindi ako yung
mataray. Hindi ako yung desperadong tao. That's not me and it's so hard
to show that on a daily basis," ang wika ng PDA alumna.
Nabanggit niya tuloy na ganito rin ang nangyari sa kanya last year, lalo na pagkatapos ng PDA. Marami raw talagang naninira sa kanya.
"As in nakakahiya, na. ‘Pag lalabas ako, feeling ko ang tingin ng tao sa akin, masamang-masama," ang sabi niya.
Dagdag pa ni Irish, "Ako po, napaka-down-to-earth. Ang number one sa akin, respeto. Kung nirerespeto mo ako, rerespetuhin din kita to the fullest. Alam ko rin naman where to draw the line. Alam ko ring magpakumbaba. Kaya ko yun. Alam ko yun, e. Pero kapag minamaliit na ang pagkatao..." naputol ng pagbuhos ng emosyon ni Irish ang sinasabi niya. "Parang sa lahat ng nangyari, puwedeng tama na?
"Alam ko kung sino ka," patama ni Irish sa naninira sa
kanya. "Tama na. Wala na akong ginagawa. Wala naman akong ginawa sa ‘yo. Pati
si Jay-R, naaawa rin ako sa kanya dahil wala na siyang ginawa kundi magtrabaho
nang magtrabaho. Dugo, pawis, at pagod, para sa pamilya niya."
THE REAL DEAL. Napansin naming ang sobrang concern ni Irish for Jay-R, wala ba talagang namamagitang espesyal na relasyon sa kanila?
"Close lang kami na friends and wala talaga."
Kahit na mutual understanding o M.U.?
"Hindi, hindi ko rin masabi na ganun kami," patuloy na tanggi pa ni Irish.
Kung ganun, ano naman ang isyung madalas daw siyang makita sa condo unit ng singer-actor. Ang kakabit na intriga pa dahil dito, nagli-live in daw sila ni Jay-R.
"Hindi po. May schedule din ako. ‘Tsaka paano ako pupunta roon kung siya rin wala roon, ‘di ba? Lagi siyang nasa taping. Matagal nang isyu ‘yan, pabalik-balik lang. Nakakaasar na! Akala nga namin tapos na yun, e," inis na patuloy ni Irish.
"Alam naman namin na hindi totoo, and then, biglang babalik na naman siya. Paulit-ulit! So, we got to the point na mamanhid ka na rin. Ganun yung mga sinasabi ng ibang artista sa akin na, ‘You'll get used to it. You'll learn to shut it out.' Pero when it gets too much na, na ang dami ko na kasing kinimkim, ang sakit na, e. Sobra!" pagalit na sabi niya.
Gaano ba talaga sila ka-close ni Jay-R?
"Si Jay-R kasi, you see him as happy-go-lucky, and ako naman the emotional one. Sa kanya lang kasi ako nakapaglalabas ng problema. Kasi I have no one here. Wala akong pamilya dito. It's not that I can't find other friends. Well, I never had a base of friends before showbiz. Mahirap, especially yung mga schedules, iba."
Siya raw ang may hawak ng ATM card ni Jay-R kaya nababalitang siya ang ginagastusan ng singer-actor kesa ang pamilya nitong nasa probinsiya na mas nangangailangan ng tulong.
"Wala yun. Tulong lang ‘yon sa isang kaibigan. Si Jay-R mismo ang humingi ng
tulong sa akin na i-withdraw ko siya ng pera. Hindi niya magawa dahil sobrang
busy niya sa kanyang shows. E, kailangan na ng mga kamag-anak niya ng pera.
Kaya ako ang pinakiusapan niya to send some money," paliwanag ni Irish.
THE COUSIN. Itinuturo ang pinsan daw ng actor-singer na siyang source ng balitang attempted suicide ni Jay-R.
"Iniisip ko rin kung yung pinsan nga niya ang nagsabi nun pero, hello! Ilang buwan nang wala rito ang pinsan niya. Matagal na siyang pinauwi sa Cebu!" paglilinaw ni Irish.
THE "BOYFRIEND." Totoo ba na may boyfriend siya sa U.S.?
"Wala akong boyfriend. Ang tagal ko nang walang boyfriend. Ang last boyfriend
ko, 21 pa ako. E, ilang taon na ‘yon?"
What about the picture na nakitang kasama niya ang diumano'y boyfriend niya?
"Ipakita ninyo sa akin at sasabihin ko sa inyo kung sino siya."
THE CULPRIT. Bakit hindi niya i-confront ang diumano'y naninira sa kanya since sabi niya kilala naman niya ang taong ‘yon?
"Ahh, I had before...yun lang. Pero yun nga, hindi naman confront. Ang dami ko
nang dinig-dinig. Pero nag-usap lang kami. Ang sa akin lang, wala akong ginagawang masama. Kung yun ang gusto niya, kung
gusto niya akong sirain, masaya siya roon and so be it. Buhay niya yun. Pero matakot ka naman sa Diyos. Kasi ako takot na takot."
Before kami maghiwalay, hiningan namin ng mensahe si Irish para sa naninira sa kanya.
"Ako, alam ko kung sino ka. Puwede kong ilabas pero hindi ko ginagawa, e. Kaya pabayaan mo na ako."