"Maybe you really don't like me, so okay lang. So, sana huwag lang gawing isyu na malaki. For me, walang dapat pag-awayan. It's so silly, di ba?"

Tinanong ni Cristy si Ruffa kung nagkausap ba sila ng kaibigan niya at naging karelasyon din noon ni Bong na si Gretchen Barretto tungkol dito.

"Well, Tita Cristy, huh. My God!" bulalas lang ni Ruffa.

Kasunod nito ang pagpapaalaala ni Boy sa kanila na kahuhupa pa lamang ng kontrobersyang kinasangkutan ni Gretchen kaya hayaan na lang muna raw ang kontrobersiyal na aktres.

LANI'S SIDE. Sa parte naman ni Lani, iniiwasan na raw niya na sagutin ang naturang isyu. Sa panayam sa kanya ni Abu Tilmazik ng Abante Tonite, sinabi ni Lani na ayaw na niyang sumagot dahil wala raw siyang balak palakihin ang isyu sa kanila ni Ruffa.

Ipinaliwanag din ni Lani na nung magkasalubong daw sila ni Ruffa sa birthday ni Ms. Wilma ay kasalukuyan siyang nagpapaalam sa lady TV executive nang humarap sa kanya si Ruffa kaya hindi ito nabeso ni Lani.