Hindi natatakot si JC de Vera na baka pagsawaan na sila ng publiko since third time na nilang magpa-partner ni Yasmien Kurdi sa upcoming primetime drama show ng GMA-7, ang Babangon Ako't Dudurugin Kita.
"Tuwing may show naman kami, iba-iba ang pino-portray naming characters, iba ang istorya, so, bakit naman kami matatakot? Iba-iba yung nakikita nila sa amin, hindi pare-pareho," bungad ni JC nang makausap ng PEP (Philippine Entertainment Portal).
"Iba-iba yung acting, iba-iba yung character. Ang bihis namin, ang itsura namin, iba-iba, e," dagdag pa niya.
Kaya nga raw walang dapat ikasawa ang mga manonood.
"‘Tsaka parang feeling namin, back to zero kami kasi first primetime show namin, e. So, parang aalisin mo yung experience namin from the past two shows [Pati Ba Pintig ng Puso at Pasan Ko ang Daigdig], kasi nga parang back to one kami," esplika pa ni JC.
Dati, laging pang-hapon ang mga show nila ni Yasmien. Ang Babangon Ako ang unang primetime na magkasama sina JC at Yas. At kung may dapat daw kabahan, si JC 'yon.
"Kasi si Yas, nakapagbida na ‘yan sa Bakekang, e. Primetime yun. Ako, first ko ‘to. Kumbaga, masyadong mataas na yung expectations ng tao. Pero ang feeling ko naman, kaya ibinigay yung unang dalawang shows na pang-hapon, kumbaga, training grounds na rin sa amin. Para ‘pag sinuwerte lang kami na umabot kami sa primetime, kumbaga, ready na," palagay ni JC.
Since nabanggit na rin naman si Yasmien, normal lang na kumustahin namin si JC kung ano na ang estado ng relasyon nila. Kumusta na nga ba sila?
"Ganun pa rin," matipid na sagot ni JC.
Ganun pa rin, as in, sila pa rin?
"Kami pa rin? Hindi."
So, kung hindi sila, may katotohanan kaya yung mga bali-balitang may totoong boyfriend si Yas na non-showbiz?
"Well, kung meron man...kumbaga wala na ako ro'n, labas ako ro'n. Kasi sa aming dalawa naman ni Yas, hindi kami nangingialam sa personal na buhay ng isa't isa.
"Parang ang pinakaano namin talaga is meron kaming good working relationship, meron kaming mutual understanding na nakakatulong lalo sa work namin.
"Kumbaga, maganda yung relasyon namin, sobrang kumportable na kami sa isa't isa. Kaya siguro kung meron man [non-showbiz boyfriend ni Yas], e di...ewan ko, wala namang masama sa akin. Kumbaga hindi naman affected yung work niya."
Hindi siya galit or nagseselos, if ever totoo nga?
"Hindi naman, bakit naman ako magagalit? Siguro okey lang sa akin," pag-assure ni JC sa amin.
Meron din daw kasing girlfriend na iba si JC?
"Wala ngayon, wala. Hanggang ngayon, single pa rin ako," tanggi niya.
Hearing this from him, kinumusta tuloy namin ang love life ng binatang Kapuso.
"Medyo it's not good..." tipid uli nitong sagot.
Bakit naman?
"Maganda ang career, e," natatawang pagtatapos ni JC.