"Hindi ko maintindihan bakit sobra-sobra ang reaksiyon mo sa
pagtira sa anak ko. Lolit, nakalimutan mo na ba kung saan ka galing?
Dati katulong ka ni Mother Lily [Monteverde], hinaharbatan mo ako ng
bag, ng pera, ibinibigay ko sa 'yo dahil mahal kita, nirespeto kita," says Annabelle Rama (right) to Lolit Solis (left).
Annabelle Rama to Lolit Solis: "Gusto mo, mag-upakan tayo!"
Thursday, March 6, 2008
10:00 PM
Rating
Tuluyan nang lumaki ang isyu tungkol sa diumano'y pang-iisnab ni Lani Mercado kay Ruffa Gutierrez sa birthday party ng GMA-7 executive Wilma Galvante noong February 22 sa Imperial Palace Suites. Ito ay dahil sa pagsali sa eksena ng manager ni Lani na si Lolit Solis at ang ina ni Ruffa na si Annabelle Rama.
Pagkatapos ilahad ni Ruffa ang pang-iisnab daw sa kanya ni Lani sa The Buzz noong Linggo, March 2, ay hindi naman napigilan ni manager Lolit Solis na ipagtanggol ang kanyang alaga na si Lani, na piniling manahimik para huwag na raw lumaki ang isyu.
Ayon sa kuwento ni Ruffa, nilapitan niya si Lani sa birthday party ni Ms. Wilma para batiin sa pamamagitan ng pagbebeso, pero tinalikuran daw siya ng misis ni Sen. Bong Revilla.
Nagkitang muli sina Ruffa at Lani sa burol ng ina ng talent manager ni Aga Muhlach na si Ethel Ramos. Dahil sa insidenteng nangyari sa birthday party ni Ms. Wilma ay hindi na raw binati ni Ruffa si Lani sa muli nilang pagkikita para hindi na siya mapahiya.
Bagama't sinabi ni Ruffa na ikinuwento lang niya ang naturang insidente, wala siyang balak palakihin ang isyu. Nagbiro pa nga siya tungkol dito nang sabihin niya sa The Buzz na "My pretty, perfect pouty lips [were] left hanging on air" habang tumatawa.
Kung si Lani ay nanahimik na lang, hindi naman napigilan ng kanyang manager na si Lolit na magsalita laban kay Ruffa.
Sa panayam kay Lolit ng entertainment columnist na si Ogie Diaz sa radio program nitong Wow, Ang Showbiz! noong Martes, March 4, ay sinabi ng talent manager na hindi obligasyon ni Lani na batiin ang kahit na sino.
"Ang ipinagtataka ko lang, ba't kailangang maging obligasyon ni Lani ang batiin ang kahit sino? Ang mga na-link sa asawa niya, e, siya ang legal wife? Hindi pa ba sapat na civil lang si Lani at kailangan talaga makipagplastikan yung tao sa mga nali-link sa asawa niya, sa mga sumasabit-sabit na babae kay Bong?" sabi ni Lolit.
RUFFA & BONG'S PAST. Ang tinutukoy ni Lolit ay ang pagkaka-link kina Ruffa at Bong noon. Inamin kasi ni Ruffa sa The Buzz na na-link sila noon ni Bong noong wala pang asawa ang panganay nina Eddie Gutierrez at Annabelle Rama.
Kuwento ni Ruffa sa The Buzz: "Siguro, inisip ng mga intrigero na parang na-link sa akin si Bong like 25 years ago. My gosh! Let's all move on naman. May mga anak na ako. Panahon pa ni Mahoma 'yon, di ba? I mean, if it's that, God, it's like 25 years ago! I was only like 15, di ba? I don't see a reason na ‘yon ang maging dahilan."
Sagot naman ni Lolit sa panayam sa kanya ni Ogie, "'Day, sa totoo lang, hindi si Lani ang nagpalaki ng isyung ito, sila. Kung hindi sila kumibo, hindi sila nag-react, dedma, di ba? Nalaman ngayon ng mga tao na may nakaraan pala si Ruffa at si Bong. Dati ba, may nasulat na naging sina Bong at Ruffa? Wala naman, ah? Kaya si Lani, tahimik lang. Hindi siya dapat mag-react, dahil siya ang legal wife!"
Nang tanungin ni Ogie si Lolit kung posibleng maging simula naman ito ng pag-aaway nila ng ina ni Ruffa na si Annabelle, ito ang sagot ng StarTalk co-host: "Naku, 'pag nakita ko si Annabelle, sasabihin ko rin sa kanya na ang daming babae ang sumasabit-sabit sa asawa niya [Eddie] no'n, kaya 'pag tumatalak siya, naiintindihan siya ng mga tao, dahil siya ang legal wife!"
ANNABELLE FIRES BACK. Kagabi, March 5, ay nakapanayam naman ng TV Patrol World at 24 Oras si Annabelle kaugnay ng mga binitawang salita ni Lolit tungkol kay Ruffa. At gaya ng inaasahan, galit na galit ito at hinamon pa ng suntukan si Lolit, pati na si Ogie Diaz, dahil sa kawalang-galang ng mga ito sa kanyang pamilya.
Sinabi ni Annabelle na wala sa lugar ang mga komento nina Lolit at Ogie. Nagpakita lamang daw ito ng kawalan nila ng respeto sa Gutierrez family.
"Hindi ko maintindihan bakit sobra-sobra ang reaksiyon mo [Lolit] sa pagtira sa anak ko. Lolit, nakalimutan mo na ba kung saan ka galing? Dati katulong ka ni Mother Lily [Monteverde], hinaharbatan mo ako ng bag, ng pera, ibinibigay ko sa 'yo dahil mahal kita, nirespeto kita.
"Ngayon di mo ako nirerespeto dahil kinakalaban mo anak ko, pati mga apo ko tinatamaan mo. Ngayon, Lolit Solis, kung matapang ka, hinahamon kita. Sabihin mo saan, ano'ng oras, gusto mo mag-upakan tayo ngayon din, okay sa akin!" nanggagalaiting pahayag ni Annabelle kay Mario Dumaual ng TV Patrol World.
Dagdag pa ni Annabelle, itinapon daw ni Lolit ang mahigit tatlumpung taon nilang pagkakaibigan dahil sa kanyang mga komento. Sinabi ng palabang ina ni Ruffa na partikular siyang na-offend sa sinabi ni Lolit na maraming babae ang nagkakandarapa kay Bong dahil sa "nota" nito, na parang pinalalabas na ganoon din si Ruffa.
Ani Lolit sa interview ni Ogie sa kanya, "Malaki kasi ang nota niyang si Bong, kaya naeelya-elya ang mga babae sa kanya! Maglaway-laway man sila sa nota ni Bong, si Lani pa rin ang legal wife!"
Isiniwalat din ni Annabelle na bago ang interview ni Lolit sa radio program ni Ogie ay nagkausap na sila ni Lolit. May usapan na raw sina Annabelle at Lolit na huwag nang palakihin ang isyu, pero hindi raw tumupad sa kanilang kasunduan ang manager ni Lani.
"May usapan na tayong dalawa kahapon [March 4], bakit nag-ano ka...nag-iba ng usapan ngayon? Tinitira mo si Ruffa sa radyo at saka sa diyaryo. Huwag kang ganyan, 'Day. Huwag kang maging duwag. Ako ang kalabanin mo," sabi ni Annabelle sa panayam naman sa kanya ni Lhar Santiago sa 24 Oras.
- Nadia Montenegro slaps three more cases against Annabelle Rama; both camps refusing to settle
- Annabelle Rama explains why she blew her top again at Nadia Montenegro in court
- Annabelle Rama blows her top at court hearing with Nadia Montenegro
- Annabelle Rama explains move to have Vic del Rosario co-manage her children's endorsements
- Annabelle Rama files theft complaint against Nadia Montenegro; says their legal battle is just an "appetizer"
Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.
More News
- Comedienne Mosang says she lost P105,00 in a scam
- JC Tiuseco denies rumors he's courting Sarah Lahbati
- Alex Gonzaga hosts new game show with Chris Tiu
- Saab Magalona enjoys playing a villainess in new series
- Liz Uy keeps mum about rumored romance with Ely Buendia; refuses to comment on PNoy-Grace Lee hookup
- Katrina Halili on Hayden Kho's return to showbiz: "Ow? That guy? He's coming back? Oh, good luck to him!"
-
TV Rating AGB
Kapuso programs sweep both daytime and primetime race.
-
Movies
Jim Paredes excited for APO music-inspired film, I Do Bi Doo, Bi Doo
Sam Concepcion and Tippy Dos Santos are part of this musical film.
-
Looking Back
Star For All Seasons Vilma Santos looks back at her 50 years in showbiz
Vilma names her most memorable films and favorite leading men.
-
Big Shot
Anne Curtis: "I can't believe nag-concert ako!"
Anne will bring Annebisyosa to different countries in the next few months.
Most Popular
- Marian Rivera explains visit to taping of a TV5 show; comments on Iza Calzado's transfer to ABS-CBN
- Grace Lee on President Noynoy Aquino: "I like him."
- Part 2 Dolly Anne Carvajal on Carmina Villarroel-Claudine Barretto issue: "I stand by my story."
- Kris Aquino: "Annulment is not a cause for joy. The truth is, it was a marriage that failed but it's a cause for optimism."
- Talent manager Shirley Kuan on columnist Dolly Anne Carvajal: "She can stick to her story. She has a story to tell, fine. But it's a lie."
- PEP SPECIAL REPORT PART I: Why the marriage of Kris Aquino and James Yap was declared null and void
- Mark Bautista remains friends with Piolo Pascual after being involved in the actor's breakup with KC Concepcion
- Hayden Kho, Jr. insists there is "NO infidelity issue" between him and Dra. Vicki Belo; apologizes to Nancy Castiglione
- Director Mac Alejandre talks about his four-year contract with TV5 and reveals the real reason he left GMA-7
- Part 2 Ynna Asistio to Annabelle Rama: "Bakit napakahirap na pakawalan kami kung talagang ayaw mo sa amin at ipinilit lang kami ng nanay ko sa iyo?"
Advertisement
