May mga balitang dalawang buwang buntis na ang sexy star na si Aubrey Miles, at ang itinuturong ama ng kanyang baby ay walang iba kundi ang longtime live-in partner niyang si Troy Montero.
NOWHERE TO BE FOUND. Hinahagilap ngayon ng mga reporter at TV talk shows ang magkasintahan para linawin ang isyu, pero hindi sumasagot sa mga tawag sa kanila sina Aubrey at Troy.
Sa column naman ni Abu Tilamsik sa Abante Tonite, sinabi nitong maging ang manager nina Aubrey at Troy na si Dondon Monteverde at handler nilang si Paula Punla ay dinededma ng magkasintahan. Kaya tuloy kapag hinihingan ng pahayag sina Dondon at Paula tungkol sa balita, wala rin silang masabi, dahil wala silang kumpirmasyon o pagde-deny na nakukuha mula kina Aubrey at Troy. Hinihintay na lang nilang si Aubrey mismo ang magsalita tungkol sa kanyang maselang kalagayan.
FIRST OR SECOND? Siguro raw ay iniiwasan lang talaga ng magkasintahan na ma-interview dahil makakalkal na naman ang matagal nang nabaon na isyu about Aubrey.
Dahil kung totoo ngang buntis ito, kasunod na puwedeng itanong ay kung panganay niya ba ito o pangalawang anak.
Matatandaan kasing natsismis na noon na may itinatagong anak si Aubrey by ex-boyfriend JP Obligacion.
THE TIME TO RAISE A FAMILY. Sa kabilang banda, sa totoo lang ay hindi na
dapat mahiya pa si Aubrey kung buntis man siya o hindi. Sobra-sobra na sa
tamang edad sina Aubrey at Troy para magkaroon ng sariling pamilya.
Yaman din lang at hindi naman busy ang dalawa sa showbiz, mabuti na nga't mag-concentrate sila sa pagkaroon ng pamilya nila.
