Taking advice from writer Gorgy Rula, puro date lang muna ang ginagawa ni Rufa Mae Quinto at mas masaya raw siya ngayong wala siyang dyowa.

"Natatandaan ko noon, ang gulu-gulo ng utak ko. Kasi may career na nga ako, may pamilya pa akong inaasikaso, may shows, ‘tapos nagpo-produce pa ‘ko ng movie, ‘tapos may boyfriend pa. ‘Tapos kung anu-anong intriga pa yung dumarating," ani Rufa Mae sa PEP (Philippine Entertainment Portal) nang kapanayamin sa presscon ng latest movie niyang Manay Po 2: Overload, under Regal Entertainment.

Kawalan ng oras nga raw ang main reason kaya nagkahiwalay sila ng huling boyfriend na si Erik Santos.

"Kaya nga kami ni Erik, hindi naman kami naghiwalay nang magkagalit kami. Hanggang ngayon mahal ko pa si Erik. Mahal ko naman talaga siya. Kaya lang, ang hirap sa singer, tour nang tour, e ako rin naman, meron pa akong concert din noon, plus shows. So, talagang mahirap yung relationship namin," kuwento pa ni Pchi tungkol sa paghihiwalay nila ng ex-boyfriend na si Erik Santos.

MEET BOBBY. Pero ngayon, inspired na inspired daw si Rufa Mae at yun ay dahil sa isang binatang Mexican-American na nagngangalang Robert "Bobby" Lopez.

Bobby Lopez works for Mattel Inc., the largest toy manufacturer in world, based in the U.S. at gumagawa ng mga sikat na laruan like Barbie, Hot Wheels at superhero action figures. Bobby works as a Senior Manager in Internal Audit of Mattel, 33 years old, and is very much single.

"I met him four years ago. ‘Tapos nagkalimutan, ‘tapos nagka-e-mail-an uli kami, ‘tapos yun na."

Nung una raw silang magkakilala ni Bobby, may boyfriend siya noon at kahit na sinong lumapit, ke guwapo o macho, ay balewala sa kanya, dahil nga sa boyfriend niya.

"Nagbigayan lang kami ng e-mail, ‘tapos yun na." Then one day, habang binabasa ang e-mail messages niya, nag-send siya ng invitation sa lahat ng taong nasa address book niya.

"Yung mga network-network ng friends na ganun. Parang sa Facebook. In-invite ko siya, na hindi ko naman talaga matandaan kung sino ba siya. Basta in-invite ko na lang."

Sumagot naman daw sa invitation ni Pchi si Bobby at doon na sila nag-usap through the net.

"Sabi niya, ‘Do I know you?'Ang sabi ko, ‘We already met in Bangkok four years ago. Then I saw you in Manila.' ‘Tapos sabi niya, ‘that was not me.' Napahiya naman ako, so nagpakilala na talaga ako."

Nung una raw kasi silang nag-meet ni Bobby, ang pakilala niya raw dito ay isa siyang travel agent.

"Sinabi ko nang I'm a Philippine actress. Binigay ko pa nga yung website ko para maniwala siya. Mahirap na, ‘no. Ayoko naman yung...so naniwala naman siya, then nagkita kami sa Hong Kong."

Wala talaga sa plano raw na magkita sila sa Hong Kong, nagkataon lang na kailangang pumunta ni Rufa Mae sa Hong Kong para sa business nila ni Ping Antonio of Salon de Manila na Textures Hair Extension. Doon daw sila nag-i-import ng hair extensions.