Sa Catch Me concert ni Toni Gonzaga last month, maraming fans ang nakapansin na panay ang pagkuha ng pictures niya ng boyfriend niyang si Paul Soriano. Pero noong nag-duet na raw si Toni at ang ka-love team nitong si Sam Milby, biglang itinago ni Paul ang kanyang kamera.
"Meron namang pictures si Sam, dalawa. Nakita ko naman!" natatawang sabi ni Toni sa presscon ng repeat ng Catch Me.
Upang patunayan na may kinuhang pictures si Direk Paul kay Sam sa concert ni Toni, pinost pa raw ito ng kanyang boyfriend sa kanyang Multiply account.
Totoo bang pinagseselosan ni Paul si Sam?
"Wala
siyang [Paul] selos factor. Ano, nung una kasi, hindi niya
naiintindihan. Akala niya na ‘pag alam na ng public na committed or may
boyfriend, akala niya hindi na magkaka-love team. Akala niya ganun sa
Pilipinas. Sabi ko, hindi. Hindi naman ganun ang showbiz sa
Philippines. Mape-pair ka pa rin sa iba't ibang leading men.
"Kaya sabi ko sa kanya, ganun talaga ‘yon. Eventually, naiintindihan naman niya. Pero hindi naman siya talagang selos na selos. Nagtataka lang siya, nagugulat lang siya. But at the end of the day, he always understands me," lahad ni Toni.
Magkaibigan ba sina Sam at Paul?
"Oo,"
sagot ni Toni. "Kapag nagkikita sila, nag-uusap sila. One time nag-text
pa sila sa isa't isa. Natuwa naman ako. Sabi ko, ‘Wow!' Hindi naman
sila textmates, pero they have each other's number.
"Kasi nung time na ‘yon, kami ni Sam ang
magkasama all the way nung start of this year. Magkasama kaming gumagawa
ng pelikula, magkasama kami sa Maging Sino Ka Man, magkasama
kami sa concert. So, sabi ko, mas marami kaming time na magkasama ni
Sam. So yun, nag-a-update-an sila. Pero hindi naman sila constant
textmates. Ano lang, konting tsika, ganun. Pero hindi naman super
text," paliwanag ng TV host-actress-singer.
HOLY WEEK EXPERIENCE. Saan naman sila nag-spend ng Holy Week ni Paul?
"Wala, sa Taytay ako nag-Holy Week. Hindi ako umalis. ‘Tsaka masarap sa Taytay," aniya.
Biro namin, baka may "halo" na sila sa ulo ni Paul dahil sa napaka-solemn na in-observe nila ang Holy Week.
"Oo, lumalabas na nga ang pakpak ko. Lumilipad na ako," balik-biro ni Toni.
"Hindi
ano, dito lang ako sa Taytay. Um-attend ako ng Sunrise service [Pasko
ng Pagkabuhay sa mga Katoliko] sa amin gaya ng lagi kong ginagawa.
‘Tapos um-attend din ako ng Thursday service sa amin na daddy ko ang
nag-preach. ‘Tapos dinala ko naman si Paul sa Taytay para ma-experience
naman niya yung Taytay culture ng pagsisimba.
"So,
natuwa naman siya. Very new sa kanya. Nakita niya yung mga naglalakad
sa prosisyon papuntang Antipolo church. First time daw niyang nakita
'yon. Tumigil siya dahil namamangha siya dahil ang kapal ng tao,
magkabilang street. Hindi na siya malakaran," kuwento ng dalaga.
Kasama rin daw sa Sunrise service nila si Direk Paul.
"Oo,
sabi nga ng ibang taga-Taytay, ‘Ay, ang aga mo, ha. Sa kanila [Toni] ka
natulog?' Sabi ko, ‘Hay, ano ba ‘yan? Hindi, ‘no. Ayaw ng daddy ko.'"
SWIMMING WITH PAUL. Ayon pa kay Toni, for the first time ay nakalangoy na rin sa swimming pool sa bahay nina Toni ang kanyang boyfriend.
"Nung Holy Week dahil bawal mag-out of town, kami-kami lang," pagbabalita niya.
Nag-trunks ba si Direk Paul nang nag-swimming sa bahay niya?
"Hindi, naka-board shorts!" natatawang sagot ni Toni.
Naghinayang ba siya?
"Oo!" tawa niya. "Joke lang. Nandun sina mommy at daddy kaya may parental guidance!"
Nakagamit na rin ba si Paul ng banyo sa kuwarto niya nung mag-swimming sila sa bahay nina Toni?
"Nakakagamit naman yun ng banyo sa baba, hindi sa itaas [sa kuwarto niya]. Bawal kundi tsuk!" sabi ni Toni.
Patuloy niya, "Mabait naman siya kasi to think na lumaki siya sa States, nag-a-adjust siya sa Filipino culture, especially with my parents na very, very conservative, na one thing naman na-appreciate ko."