Although ibinanderang isang "tell-all" interview, may mga isyung hindi na pinanghimasukan pa o pinagpilitan pang ungkatin ng The Buzz host na si Boy Abunda sa kanyang pakikipag-usap kay Megastar Sharon Cuneta kahapon. Edited ang interview at malamang ay may mga off-the-record revelations si Shawie sa kanyang pakikipag-usap kay Boy.

Itinaon ang interview sa contract signing ni Sharon sa Star Cinema noong April 2, Miyerkules, para sa Caregiver, ang pelikulang gagawin ni Sharon for the ABS-CBN film outfit's 15th anniversary offering. Sharon left for London noong Biyernes, April 4, para sa tatlong linggong shooting for Caregiver. At kahit na isang pormal na okasyon, ipinakitang nakikipag-usap si Boy kay Sharon in his shorts.

Unang pinag-usapan ang tungkol sa pagbabalik ng dating asawa ni Sharon na si Gabby Concepcion. Dumating si Gabby noong March 30, Linggo, sa Pilipinas after 13 years sa U.S. Ito'y sa kabila pa ng pagkakaroon niya ng mga kasong tulad ng falsification of public documents at bigamy. Nakatakda kasing gumawa ng mga proyekto si Gabby sa ABS-CBN, kahit na unang napalathala noon na gagawa siya ng pelikula sa GMA Films, ang movie arm ng GMA-7.

GABO IS BACK. Nagpakasal noong 1984 sina Sharon at Gabby at naghiwalay noong 1987, matapos napag-alamang kasal umano sa ibang babae si Gabby, bago pa nagpakasal kay Sharon. Nakagawa pa rin naman ng tatlo pang pelikula sina Gabby at Sharon kahit hiwalay na bilang mag-asawa. Hanggang sa tuluyang lumisan ng Pilipinas si Gabby noong 1996 at manirahan sa California, una bilang businessman at nang lumaon ay naging broker para sa isang real estate company roon.

Dahil sa ingay ng muling pagbabalik ni Gabby, hindi maiiwasang magkaroon ng mga tanong sa dating asawang si Sharon. Sinimulan nga ni Boy na kunin muna ang reaksyon ni Sharon sa pagbabalik-Pinas ng dating asawa.

"Well, there's a shortage of good actors and leading men in the industry, and he is one of the best. And my daughter is happy that her papa's here, that is all that matters to me. When the marriage [with Gabby] broke up, KC is all that matters to me," pahayag naman ni Sharon.

Isinunod na tanong ni Boy kay Sharon ay kung may tsansa bang makagawa ng pelikula ang dating mag-asawa. "Ang tagal na naming hindi nagkakatrabaho together, pero yung following namin, hindi nawawala," sagot agad ni Shawie.

"Aside from acting kasi, siya ang kasama ko, e. Yung ganun ba? Parang ang isasagot ko agad, ‘Sige shooting na tayo tomorrow, basta maganda ang story, wala tayong problema.' Pero first of all, what matters to me more than my career is my family."

Wala naman daw problema sa asawa niya ngayong si Senator Francis "Kiko" Pangilinan. In fact, ito pa nga raw ang mareklamo kapag walang kissing scene si Sharon sa lead actor sa kanyang pelikula. Ang ikinatatakot lang daw kasi ni Sharon ay ang mapaglaruan sila ni Gabby, once magkaroon nga sila ng chance na magkatambal. Kahit pa marami ang nagde-demand at parehong malaki ang pinansiyal na makukuha nila sa pelikula.

"I've nothing left to prove, e. Ang ginagawa ko lang, ang mga pelikulang gusto ko," sabi pa ni Sharon. Dapat daw ay irespeto naman sila ni Gabby dahil sa stage ng careers nila ngayon at edad, na-earn naman daw nila ang respect na 'yon.

Hanggang sa sundutin na ni Boy ang isa sa pinakahihintay na tanong ng lahat: Kung napatawad na ba ni Sharon si Gabby?

"Oo. Nakapagpatawad ako, kahit na hindi humingi ng tawad. Siya, oo. Kasi at this point of my life, I'm too grateful for the blessings and I'm grateful that ...these things have to happen no matter how painful they were so that I will meet Francis who really..."

Sharon went on to say metaphorically kung paanong naging tagapagsalba ni Sharon si Francis. "Kung ako ay isang flower vase na nabasag, kung ano ang puwede pang kunin dun na salbahin ‘tapos idikit pa..." si Francis daw yun.

Pinatawad na raw talaga ni Sharon si Gabby, kahit na hindi talaga ito humingi ng tawad sa kanya noon pa, personally o ng harapan.

Noon ngang nagkausap sila for the first time after so many years ng hindi pag-uusap, "Thank you" lang daw ang sinabi nito sa kanya. Ang pagpapasalamat ni Gabo ay dahil daw sa pagpayag ni Sharon na puntahan ng anak nilang si KC si Gabby sa Amerika. Awkward pa noon ang pakiramdam niya sa unexpected na pag-uusap nila over the phone.