"Hindi ko po alam kung paano ko...kasi hindi naman po ako record producer, pero gusto ko po siyang tulungan dahil naniniwala talaga ako dun sa talento niya," relates Angel Locsin on her desire to help Mark, the man who composed "Angel," a song inspired by her.

Noel B. Orsal

Angel Locsin meets the man who composed a song about her

Rommel Placente

Tuesday, April 29, 2008
02:28 PM

Noong April 23 ay birthday ni Angel Locsin, pero wala siyang malaking party. Mas pinili niyang i-celebrate ang birthday niya sa pamamagitan ng  gift-giving sa mga bata sa Payatas (click here to read related article).

"Mahilig kasi ako sa mga bata kaya pinili kong sa kanila i-celebrate ang birthday ko. Ang sarap ng feeling na napasaya ko sila kahit sa konting sandali," sabi ni Angel sa panayam sa kanya ng PEP (Philippine Entertainment Portal) noong Linggo, April 27. Ang solo presscon ay ibinigay ng ABS-CBN para sa kanyang kaarawan at para na rin sa seryeng Lobo na pinagbibidahan nila ni Piolo Pascual.

MEETING MARK. Isa sa maituturing ni Angel na pinakamagandang regalo na natanggap niya noong kanyang kaarawan ay nang makilala niya si Mark, member ng bandang Tres na nag-compose ng kantang "Angel." 

"Na-meet ko na po siya sa Payatas. Naaliw ako hindi porke't ‘Angel' yung title ng kanta o ginawan ako ng kanta, kundi dahil very talented yung nag-compose. Ayoko namang i-compare, pero parang suma-Side A [band]. Ganun kaganda yung level ng boses niya at nung paggawa ng kanta talaga niya.

"So, naaliw ako kasi mahirap po gumawa ng kanta, lalo na't gagawa ka ng isang kanta para sa isang tao na hindi mo pa nami-meet, napapanood mo lang sa TV. So, iba yung passion niya talaga. So, sabi ko sana ma-meet ko itong taong ito para makapagpasalamat ako.

"And sana, hindi ko po alam kung paano ko...kasi hindi naman po ako record producer, pero gusto ko po siyang tulungan dahil naniniwala talaga ako dun sa talento niya.

"Nung na-meet ko siya, nahihiya-hiya pa siya kasi hindi niya alam kung ano'ng gagawin niya, ‘tapos nahihiya rin ako kasi yung sound system namin, hindi kagandahan. Pero kumanta pa rin po siya. Siguro kung iba yun, hindi na kakanta. Pero ginawa pa rin po niya para sa akin."

Paano niya ide-describe si Mark?

"Simple. Magiging honest ako, hindi siya kaguwapuhan. Pero alam ninyo, banda yung dating niya, may tayo po siya. Meron siyang dating ‘pag kumakanta, ‘pag nasa stage siya. Hitsurang banda po. Pero may charm siya talaga na mapapatitig ka rin sa kanya. Bukod sa magaling siya, meron po siyang angking charm."

TALKING ABOUT PIOLO. Napunta naman sa kanyang leading man sa Lobo na si Piolo Pascual ang aming usapan. Nasabi noon ni Angel na fan din siya nito, ngayong magkasama na sila sa isang TV show, ano ang mga bagong na-discover niya sa aktor?

"Dati kasi wala, e, nakatitig lang ako sa kanya nung hindi pa kami magkasama. So ngayon habang ginagawa na ho namin yung Lobo at matagal na kaming nagkakasama, nadi-discover namin na pareho kami ng attitude sa trabaho, e. Pareho kami ng pananaw sa buhay.

"Si Piolo kasi, napakasipag na tao, napakabait at seryoso sa trabaho. Plus never pa siyang nagsungit kahit pa natatapos na siya ng taping ng mga five p.m. kinabukasan. Nakangiti pa rin po siya, tahimik lang, ginagawa pa rin niya yung trabaho niya.

"Kahit antok na antok na po siya, nakikita ninyo sa gilid nagmo-motivate pa rin po siya. Ganun po siya ka-professional. Ayaw po niyang magkaroon ng hassle sa ibang tao. And makulit.

"Noon kasi, akala ko dramatic actor, seryoso. Makulit din kapag inaasar namin ni Dimples [Romana], kasi minsan mas gusto niyang kausapin yung mga kaibigan niya sa ibang bansa kesa sa amin ni Dimples. Kasi ang iingay namin, so, parang naiingayan yata siya. Pero ngayon, nakikisama na siya sa amin, nangungulit na rin at lagi po siyang may dalang prutas sa lahat."

ANGEL'S WISHES. Blessed si Angel sa kanyang career at sa personal na buhay. Halos lahat nga ay nasa kanya na. Pero may mga wish pa ba siya na gustong matupad? Can she give us three of those wishes?

"Una siguro ano po, hindi ko po alam kung dapat kong sabihin ito, pero sana kung ano man yung nangyayari sa network war, sana matigil na, kasi hindi po siya nakakatulong talaga. Kailangan po nating magtulungan para mas mapaganda ang industriya natin. Pangalawa, peace of mind. At pangatlo, sana makakita na po ulit ang daddy ko. 'Yun po."

More News

• Whitney Houston dead at 48 February 12, 2012 10:26 AM
• Madonna slams M.I.A. for her "teenage" antics at Super Bowl February 12, 2012 09:39 AM
• Marian Rivera: "Lahat na yata ibinigay na sa akin Lord... In return, ano ang dahilan para malungkot pa ako, magmaldita pa 'ko or ano pa?" February 11, 2012 11:54 PM
• Comedienne Mosang says she lost P105,000 in a scam February 11, 2012 10:24 PM
• JC Tiuseco denies rumors he's courting Sarah Lahbati February 11, 2012 09:34 PM
• Alex Gonzaga hosts new game show with Chris Tiu February 11, 2012 08:46 PM

Most Popular

• Stories