Tatlo sa original members ng Coverboys na sina Jake Cuenca, Rafael Rosell, and Victor Basa made it to the pocket presscon para sa kanilang pagiging celebrity endorsers ng Calayan Surgicentre last Wednesday, June 5, sa Fely J's restaurant sa Greenbelt 5.
Habang nag-e-enjoy sila sa kanilang late lunch ay isa-isa silang nakausap ng PEP (Philippine Entertainment Portal). Kinuha namin ang kanilang opinyon tungkol sa "penile enhancement." Naging isyu kasi ang isang penile enhancement operation na ginawa ni Dr. Manny Calayan sa isang dating kliyente, na nauwi sa demandahan.
Kung sina Jake, Rafael, at Victor tatanungin, ano ang pipiliin nila: palakihin ang pagkalalaki nila o bawasan ito?
Si Victor ang unang sumagot sa kanila. "I'm happy with what I have," kampante niyang sabi. "Ilagay na lang natin sa 'I'm happy.' Happy na po ako kasi kapag very happy, parang idinidiin mo na talagang happy ako of what I have. Parang, 'O, happy naman ako talaga a!"
Natatawa naman si Jake sa pagbibigay niya ng kasagutan. "I think nasa tao na 'yan kung ano ang iisipin nila. Hindi ko na 'ata sasagutin 'yan! Basta masaya ako kung ano man ang mayroon ako. Kampante ako sa sarili ko!" tawa niya.
May pagka-intellectual naman ang sagot ni Rafael. Aniya, "Life's been going on for 25 years na with what I have. The people that I've been involved with—in my past and the present—they were very satisfied with the job that I do. So for me, I believe that I don't need it na. I'll keep it as it is.
"It's my manhood," patuloy niya. "That's the manhood that I was born with and that's the manhood that I've been working with. And that's the manhood that I will keep and keep on satisfying my love ones."
Bilang endorser ng Calayan Surgicenter, hindi malayong may mag-isip na posibleng isa sa kanila ay nag-undergo ng penile enhancement.
"Of course, hindi naman maiiwasan ang isyung 'yon," sabi ni Rafael. "But then, I think among the Coverboys, alam na namin kung ano ang totoo at hindi, e. Whatever publicity comes out na pinagawa namin o hindi, alam na namin ang totoo.
"So, why fight the people when the people will believe whatever they want to believe, di ba? I mean, you can't control the people, it's up for them to believe you or not. So when they ask you, you can either say yes or no. You can elaborate, which I think will be a waste of time. Because in the end, people will believe what they want to believe, di ba?" paliwanag niya.
Ayon naman kay Victor, "Alam naman ng mga supporters namin na ever since, okay kami sa aming pagkalalaki. Okay na kami kung ano'ng mayroon kami."
Sagot ni Jake: "Sasabihin kong hindi. Hindi naman talaga totoo, e. Saka alam ko naman ang sarili ko, okay na ako doon. Tulad ng kung paano hinaharap ang iba kong issue, basta alam ko sa sarili ko na tama ang ginagawa ko, na matino akong nagtatrabaho, hindi ko na kukuwestiyunin pa."